(سلسلة) لغــــز اسمــــه … الــــزواج ..؟!

**د .أشرف محمد كمال** · 19-06-2010, 22:30

المشاركة الأصلية بواسطة مها راجح مشاهدة المشاركة

نص لطيف جدا ..
للحظة ظننت الزوجان من فئران (الهامستر )
تحيتي

أشكرك أخت مها على حضورك البهي ومجاملتك اللطيفة
على الرغم أني مش عارف مين فيران (الهامستر)..!!
و أيه وجه الشبه بينهم وبين الزوجين جومانجي وسون جين هي..؟!
دمت بود ودام تواجدك العطر وأرجو أن ينال القادم اعجابك

**د .أشرف محمد كمال** · 19-06-2010, 23:31

لغـز اسمه الـزواج ..العصر الحالي(الحلقة الثالثة عشر) الزواج في الهند

الحلقة الثالثة عشـر

الـزواج في الهند

..أما الزواج في الهند . فهو على الطريقة الهندية - ذلك لأنهم كلهم هنود ..!!- ففي الهند توجد طوائف شتى , و أديان متعددة . و لغات بالمئات . فالغالبية العظمى هندوس , و بوذيين , و الأقلية مسلمة . أما الهندوس فيقدسون البقر تقديساً عظيماً . و لا يذبحونه – و لا أدرى ماذا يأكلون ..؟!! لكن الظاهرة الواضحة هناك هي قلة عدد الكلاب الضالــة ..!!- حتى إذا ما دهست بقرة شاردة أحد أطفالهم ؛ فأصابته بعاهة مستديمة , أو قتلته ؛ يقيم أهله الولائم , و الاحتفالات بأنه نال البركة , و إذا ما وجدوها تهيم على وجهها في شوارع المدينة سجدوا محني الرؤوس . فقد ينال أحدهم بركتها بأن تتبول أو تتبرز عليه . ليظل يحمل بركتها لعدة شهور دون أن يغتسل ..!!

المهم أن ذلك المجتمع الغريب العجيب له طقوس متفردة في الزواج . تجد السيدة المتزوجة تضع دائرة حمراء على جبهتها . و الأرملة تضع دائرة سمراء , و النساء يرتدين تلك الملاءة الملونة الشفافة . تلف به جسمها عدة لفات . فإذا ما تعثرت في تلك الملاءة . أو عبث بها أحد الأطفال , أو الرجال . انفضت عن آخرها . و ظهرت كما ولدتها أمها..!!
.. في هذا المجتمع . يلعب السحر , و الدجل , و العرافين ؛ دوراً كبيراً في الزواج , و اختيار الوليف . فيذهب راغبي الزواج , و الأهل إلى الكاهن , أو العراف ؛ الذي يقوم بدوره بعدة طقوس و إطلاق البخور , و يقوم ببعض رقصات الهنود التي توارثها عن أجدادهم الهنود الحمر , و يفك الأعمال و السحر الأسود الذي قد تكون صنعته لهم بنت الجيران , أو أحد الحساد . ثم يخبرهم بأن هناك عمل ما قد تم وضعه تحت شجرة أو ببطن سمكة , و يذهبون هناك و ياللعجب يجدونه مدفوناً..!! بعدها يقرر الكاهن إن كان موافقاً على ذلك الزواج أم لا ..!!
و في قصتنا هذه أحد هؤلاء العرسان و السحار (كومار) و أبوه المهراجا (باهندار) و أمه الأميرة (جلنار) . يقفون في انتظار أن ينطق (كومار) بعد أن بدأ طقوسه , و أشعل النار و راح يغمض عينيه . و يضع كفيه أسفل ذقنه كالتمثال . و بعد طول انتظار أخذ يصرخ :
ـ سنجهار ..مدار .. شون بذار .. ألدهن عيار .. دمار .. دمار ..
ثم صمت مرة أخرى .نظرت إليه الأميرة (جلنار) و سألته :
ـ فيه إيه يا كومار ..؟!
أشار بيديه إليها مقاطعاً , فصمتت في الحال . أخذ (كومار) يدور حول النار كالمجنون . كمن يبحث عن شئ ما سقط منه في الأرض . ثم أخذ يرقص , و هو واضعاً يديه خلف ظهره . مرة ناظراً لأسفل . و مرة ناظراً لأعلى ؛ كمن أصابته ضربة شمس ..!!
و بعد عشرات اللفات , و طول انتظار . توقف بغتة حتى فزعت منه الأميرة (جلنار) . ثم قال بصوت عال :
ـ ناهي ..!!
ضربت الأم على صدرها . و جزع الأب , و غضب الابن , و ثار. قائلاً :
ـ فيه إيه يا عم يا مجنون إنت !! لأ ليه ..؟! إنت فاكر إني هاصدق الكلام التخاريف بتاعك ده .. أنا راجل متعلم في انجلترا ..و متخرج من جامعة اوكسفورد .. و كل الخزعبلات دى هيه إللي مخليانا متخلفين لحد دلوقت .. و بتضحّك الناس علينا .. أنا بس ما رضتش ..أزعل أبويا و أمي ..و قلت لما أشوف أخرتها إيه ..!! لكن إنك يا حتة صعلوك .. تفرق بيني وبين حبيبتي .. دا يبقى آخر يوم في عمرك النهارده ..!!
ثم أخرج مسدساً كان يحمله في جراب حزامه و صوبه نحو رأسه . هنا صرخ المهراجا (باهندار) قائلاً :
ـ بيندار ..!!
عندها خفض (بيندار) المسدس قائلاً في خزي :
ـ أنا آسف يا والدي .. لكن لا يمكن أوافق على الكلام ده .. دا راجل عجوز بيخرف ..!!
قاطعه والده قائلاً :
ـ إستنى لما نشوف هوا عاوز يقول إيه ..؟!!
ثم التفت إلى (كومار) , و سأله :
ـ ليه يا سّيدي بترفض الزواج ده ..؟!!
نظر (كومار) شذراً إلى (بيندار) , و هو يتوعده في نفسه .ثم قال :
ـ هذه العروس من برج ناري .. و انتم من برج مائي .. و إذا ما دخلت عليكم .. فستولد الدمار و خراب الديار ..!!
هنالك ثار (بيندار) , و أمسك بعنق (كومار) . ثم أخذ يخنقه , و هو مصرّ أن يقتله . لكن والده منعه , و أبعده عنه . فقال (بيندار) غاضباً :
ـ إنت بتصدق الكلام ده يا والدي .. ده راجل محتال ..و بيخرف كمان .. هو كان يعني شافها .. ولا عرف تاريخ ميلادها ..؟!!
أخذ (كومار) يسعل . ثم هتف قائلاً :
ـ أنا شفت طالعها المكتوب جوا النار.. و عرفت إنها هيا و برجك أضداد ..و لو إتجوزتها ..و خلفت منها أولاد .. دا هيكون آخر يوم في عمر المهراجا باهندار .. و نهاية سلسال عيلة ماهيتار ..
جزعت الأميرة (جلنار) , و قالت :
ـ لأ .. بعيد الشر .. يعني إللي خلقها ما خلقش غيرها .. بكرة أجوزه ست ستها .. و أنقي له أجمل الجميلات ..!!
صرخ (بيندار) في أمه قائلاً :
ـ لا يا أمي .. أنا باحب منار .. و مش هتجوز واحده غيرها .. و لو جبتولي بنات الدنيا .. لا يمكن أتجوز إلا هيا ..!!
ثم انصرف غاضباً , و تركهم لا يدرون ؛ ماذا يفعلون ..؟!

يتبع

**ريما منير عبد الله** · 20-06-2010, 00:26

المشاركة الأصلية بواسطة د .أشرف محمد كمال مشاهدة المشاركة

أشكرك أخت مها على حضورك البهي ومجاملتك اللطيفة
على الرغم أني مش عارف مين فيران (الهامستر)..!!
و أيه وجه الشبه بينهم وبين الزوجين جومانجي وسون جين هي..؟!
دمت بود ودام تواجدك العطر وأرجو أن ينال القادم اعجابك

ولو دكتور
حدا ما بيعرف فيران التجارب والاشهر منها السورية والناس بتربيها بالبيوت كحيوان أليف وهي تشبه الأرنب بتقاطيع وشها بس اذانها أصغر شوي ومالها ذيل متل باقي الفيران وأعتقد الأخت مها شافت وجه الشبه بينها وبين الصينيين إنهم ما لهم ديل
صباحك خيرو نور وسرور بإذن الله
كمل يا وحيد سامعتك وشايفتك

**د .أشرف محمد كمال** · 20-06-2010, 22:12

المشاركة الأصلية بواسطة ريما منير عبد الله مشاهدة المشاركة

ولو دكتور
حدا ما بيعرف فيران التجارب والاشهر منها السورية والناس بتربيها بالبيوت كحيوان أليف وهي تشبه الأرنب بتقاطيع وشها بس اذانها أصغر شوي ومالها ذيل متل باقي الفيران وأعتقد الأخت مها شافت وجه الشبه بينها وبين الصينيين إنهم ما لهم ديل
صباحك خيرو نور وسرور بإذن الله
كمل يا وحيد سامعتك وشايفتك

أهلاً بالأخت الغالية ريما
شكراً على التوضيح البين والمعلومات القيمة
افتقدناك كتير باللغز وين كنت..؟!
يظهر أنك مشغولة بالإشراف وبهمسة غلا
إلا بالحق هيا همسة غلا ولا غلاً ..؟!
يعني من الغلو ولا من الغلّ ولا من الغليان..!!
يسعدني دوما حضورك و مشاغباتك
ولا تزعلي من كلامي هيد مناغشه .. مو جر شكل..!!
لك خالص ودي وخاص وردي

**د .أشرف محمد كمال** · 24-06-2010, 10:46

لغـز اسمه الـزواج ..العصر الحالي(الحلقة الثالثة عشر) الزواج في الهند (2)

(2)

.. ذهب (بيندار) إلى دار حبيبته (منار) . فجلسا معاً في الحديقة , و أمسك بيديها الرقيقة قائلاً :
ـ منار يا حياتي .. أنا نفسي تكوني مراتي .. حتى مماتي ..
أجابته (منار) جزعة :
ـ إن شاء الله أنا يا حبيبي .. يا منايا و كل نصيبي .. أنا لا يمكن أعيش يوم من بعدك .. و ما عدتش قادرة على بعدك .. أنا مش عارفه إيه بس مخليك مستني .. و يخليك بعيد عني ..؟!!
قال على الفور :
ـ أمي ..!!
هتفت بحنق :
ـ حماتي .. هيا بدأت من دلوقتي ..؟!! مش قادرة تستني.. لما الموضوع يبقى رسمي ..؟!!
أشار لها بيديه (بيندار) قائلاً :
ـ لأ ..!! إنتي مش فاهمة الموضوع بالضبط .. قال إيه يا ستي ..!! كومار السحار بيقول إن جوازي.. أنا و إنتي.. هيجيب الدمار و خراب الديار ..!!
قاطعته باستنكار :
ـ أما صحيح حتة حمار ..!! جته شكه في زوره .. و ينقطع لسانه من لغلوغه ..
استطرد قائلاً :
ـ و بيقول كمان .. إن لو إتجوزنا .. والدي باهندار هيموت .. و سلسال العيله هينقطع ..!!
قاطعته ثانية :
ـ لأ .. دي راسه إللي عايزه تنقطع .. أكيد حد موحيه يقول الكلام ده ..؟!
نظر إليها مستفسراً :
ـ إنتي قصدك إيه ..؟!!
أومأت له برأسها ,و غمزت له بعينها قائلة:
ـ طبعاً إنت عارف قصدي كويس .. أكيد أمك دفعت له .. علشان يقول الكلام ده .. لإن إنت عارف إنها كانت عاوزه.. تجوزك بنت أختها .. جلبهار ..!!
قال لها مستهجناً :
ـ لا يا شيخه .. مش معقول الكلام ده .. ما هي عارفه إني ما بطقهاش .. و إني لا يمكن أفكر أتجوزها .. دي شبه القرده الهنديه ..المرسومه على المعبد ..!!
أجابته (منار) قائلة :
ـ و إيه يعني .. ما هي أمك بتدور على فلوس بنت خالتك .. و الأراضي إللي عندها بكره لما تورثها ..!!
بان الفهم على (بيندار) و قال:
ـ إنتي فكرك كده ..؟!
ثم التفت , و ضرب على قبضته غاضباً:
ـ طيب أنا هاتصرف .. و أشوف السر ورا الموضوع ده .. و بكره أجيب لك خبره ..

يتبع

**د .أشرف محمد كمال** · 26-06-2010, 08:24

لغـز اسمه الـزواج ..العصر الحالي(الحلقة الثالثة عشر) الزواج في الهند (3)

(3)

..عاد (بيندار) إلى منزله . فوجد مجلس العائلة مجتمعاً على العشاء . و وجد خالته (جلبهار) , و ابنتها . فقال محدثاً نفسه :
ـ دي باين الحكايه زي ما قالت منار ..!! هما لسه بيعاملوني معاملة العيال .. و فاكرين إنهم يقدروا يفرضوا عليا أي حد ..؟! أنا إللي لازم أختار .. و لو ما كنتش هاختار دلوقتي .. إمتى بقى هاختار ..؟!!
ما أن رآه والده (باهندار) حتى هتف :
ـ بيندار .. تعالى يا ابني ..سلم على أعمامك.. و عماتك .. و أخوالك ..و خالاتـك ..
تقدم (بيندار) متوجساً, ثم قال :
ـ خير .. اللهم اجعله خير ..!! إنتم كلكم متجمعين ليه ..؟! إنتم داخلين حرب مع عيله زنزبار.. ولا إيه ..؟!!
هتفت أمه (جلنار) :
ـ عيب يا ولد .. إيه الكلام ده ..!!
أشاح بيده قائلاً :
ـ الولد إللي بتتكلمي عنه ده .. عنده خمسه وعشرين سنه دلوقت .. و لسه بتعامليه على إنه عيل صغير ..!!
أجابته قائلة :
ـ و هيفضل طول عمره في نظري عيل ..و لازم يسمع كلامي .. و هاجوزه إللي أنا أخترهاله ..!!
قاطعها (بيندار) ساخراً :
ـ كله إلا دي ..!! طبعـاً عـاوزة تجوزيني بنت أختك جلبهار ..؟!! أبـداً ..!!
هتفت خالته (جلبهار) قائلة :
ـ مالها بنتي ..؟! هيا بايره ولا باير ..!! دا ألف مين يتمناها .. لولا العهد إللي أخدته أنا و أختي.. أنها ليك .. و هيا لسه في اللفه ..
قاطعها قائلاً بامتعاض:
ـ أيام لما كانت في اللفه كان لسه ما بقاش لها شكل .. حرام يا أمي ..إني أتحمل خطأ ارتكبته.. خالتي و جوز خالتي .. و أتجوز واحدة ما اخترهاش قلبى .. أبداً .. دا يبقى آخر يوم في عمري ..
و انصرف غاضباً , و صعد إلى حجرته . ثم أرسلت أمه إلى السحار (كومار) . فأتى في الحال . و جعلته يخبر العائلة بما سبق أن قال . ثم كان أن نزل (بيندار) فجأة , فرآه و جن جنونه . و أمسك بتلابيبه , و طرحه أرضاً . ثم أوسعه ضرباً . فأمسك به الخدم . و خلصوه من يديه , و هو يصرخ قائلاً :
ـ لازم أدفعكم كلكم التمن .. و أولكم الجبان كومار .. لازم أنتقم منكم كلكم .. و ما يطلعش عليكم نهار ..
ثم جرى خارجاً من المنزل . لا يلوي على شئ , و الشرر يتطاير من عينيـه .

يتبع

**د .أشرف محمد كمال** · 27-06-2010, 07:42

لغـز اسمه الـزواج ..العصر الحالي(الحلقة الثالثة عشر) الزواج في الهند (4)

(4)

.. و بعد عدة ساعات . جلست العائلة على مائدة العشاء . بينما جلس (كومار) في أحد الأركان . و رفض أن يتناول الطعام بحجة أنه صائم للعبادة . وأخذ يتلو طقوساً لطرد الأرواح , و مباركة المهراجا . ثم انصرف في الحال . فقال (باهندار) :
ـ لقد قررت أن أؤجل زواج بيندار كام سنه لحد ماتنصلح الأحوال .. أو لحد ما تضع الأقدار حداً لهذه الأفعال .. رغم أنى كنت أتمنى أن أجيب حفيداً .. يرث كل هذا المال .. و يحافظ على السلسال .. و نسل عائلة ماهيتار ..
ثم بدأ في تناول الطعام , و من بعده جميع أفراد الأسرة . وماهي إلا بضع دقائق . حتي انتفض (باهندار) . ثم أمسك بصدره , و صرخ من الألم , و سقط على الأرض و قد جحظت عيناه , و فارق الحياة . ثم بعدها ببضعة ثوان ؛ تساقط أفراد الأسرة الواحد تلو الآخر كالذباب . ففزع الخدم . و تحركوا في الحال . و ساد هرج و مرج في المكان . و اتصلوا بالمستشفيات . و امتلأت ساحة القصر بعربات الإسعاف , و عساكر الشرطة في كل مكان ؛ إلا أنه لم ينج من سكان ذلك القصر أحدٌ ..!! فاتجهت أصابع الاتهام كلها نحو (بيندار) . بعد أن أخذوا أقوال الخدم و الحراس . و عرفوا ما كان من أحداث . أخذت الشرطة تفتش عن (بيندار) حتى تم العثور عليه في حديقة قصر (منار) . ما يزال يطارحها الغرام , و ينظم لها في الأشعار .
..و في قسم الشرطة , قال له الضابط :
ـ أحسن لك تعترف .. مش هيفيدك الإنكار .. كل الأدلة ضدك .. و الشهود كمان شهدوا إنك هددت كل من بالدار .. و قلت لهم مش هيطلع عليكم نهار ..
أخذ (بيندار) يبكي , و يصرخ قائلاً :
ـ أنا .. !! أنا أقتل أبويا .. و أمي .. و إخواتي .. و أخوالي .. و عماتي .. أقتل كل عيلتي ..؟!! مهمن كان غضبي ..!! أنا عمري ما أعمل حاجه زي كده .. و لو كان التمن عمري .. أعيش بس إزاي من غير أهلي ..؟! أنا لابد أعرف مين إللي عمل العمله ديا .. أكيد دي من عمايل كومار الكلب .. لابد أنتقم منه .. و أشرب من دمه ..!!
ضحك الضابط , قائلاً :
ـ حلوه أوي التمثيليه دي .. كإنك ما تعرفش إن كومار إتقتل .. ؟!
أسقط في يد (بيندار) , و هتف جذعًاً :
ـ إيه .. كومار إتقتل .. إزاي دا حصل ..؟!!
ضحك الضابط مرة أخرى , و قال ساخراً:
ـ يا سلام ..! أمال لو ما كنش إتقتل بالمسدس بتاعك .. كنت هتقول إيه ..؟!
ذهل (بيندار) , و ألجمته المفاجأة , ثم قال بصوت هامس :
ـ المسدس بتاعي ..؟! كومار إتقتل .. أبويا .. و أمي .. و إخواتي ماتوا ..؟! دى مكيده ..!!
ثم استطرد قائلاً :
ـ دى أكيد مكيده .. حد مدبرها علشان يخلص من عيلتنا .. أكيد فيه حد ورا الموضوع ده .. أنا لازم أعرف مين إللي مدبر كل حاجه .. و أنتقم ..و آخد بتاري .. و أطفي ناري ..!!
ضحك الضابط مرة ثالثة , و قال متعجباً :
ـ مش لما تشوف هتعمل إيه الأول في نفسك .. ؟! إنت هيتحكم عليك أكيد بالإعدام .. و أنت آخر واحد في عيلة ماهيتار .. و بموتك كده ينتهي السلسال ..!!
تنبه (بيندار) فجأة , ثم قال :
ـ بس .. أنا كده عرفت مين إللي مدبر الموضوع ده .. أكيد ده شنكار بن زنزبار .. هوا إللي كان عاوز ياخد بالتار .. إللي بين عيلته و عيلتي .. كمان كان عاوز يتجوز حبيبتي .. هوا الوحيد المستفيد من كل الخراب إللي أصاب عيلتي .. و هوا أكيد إللي دفع لكومار .. عشان يوقع بينا .. و هوا إللي سرق المسدس مني .. و قتل بيه كومار علشان التهمه تلبسني ..!!
صفق الضابط بيديه قائلاً بسخرية :
ـ الله .. حلو أوي الفيلم الهندي ده .. بس إزاي تثبتها بقه يا بطل الأبطال ..؟!!
ثم هتف قائلاً بغضب :
ـ يا عسكري .. خده على السجن ..
..هكذا تحققت نبوءة العراف (كومار) . بعدما أحاط بتلك العائلة خراب الديار , و الدمار . لكن لا يوجد هناك ما يقال إلا : ( كذب المنجمون و لو صدقوا .. و ما عفريت إلا بني آدم ..!!)

**مها راجح** · 27-06-2010, 14:19

المشاركة الأصلية كتبت بواسطة د .أشرف محمد كمال
أشكرك أخت مها على حضورك البهي ومجاملتك اللطيفة
على الرغم أني مش عارف مين فيران (الهامستر)..!!
و أيه وجه الشبه بينهم وبين الزوجين جومانجي وسون جين هي..؟!
دمت بود ودام تواجدك العطر وأرجو أن ينال القادم اعجابك

ولو دكتور
حدا ما بيعرف فيران التجارب والاشهر منها السورية والناس بتربيها بالبيوت كحيوان أليف وهي تشبه الأرنب بتقاطيع وشها بس اذانها أصغر شوي ومالها ذيل متل باقي الفيران وأعتقد الأخت مها شافت وجه الشبه بينها وبين الصينيين إنهم ما لهم ديل

***

ههه
عذرا لاني ما انتبهت لسؤالك دكتورنا الفاضل
شكرا لك استاذة ريما

كان وجه الشبه ان الهامستر يتكاثر كثيرا

شكرا للاهتمام
نتابع

**د .أشرف محمد كمال** · 27-06-2010, 17:12

المشاركة الأصلية بواسطة مها راجح مشاهدة المشاركة

المشاركة الأصلية كتبت بواسطة د .أشرف محمد كمال

أشكرك أخت مها على حضورك البهي ومجاملتك اللطيفة
على الرغم أني مش عارف مين فيران (الهامستر)..!!
و أيه وجه الشبه بينهم وبين الزوجين جومانجي وسون جين هي..؟!
دمت بود ودام تواجدك العطر وأرجو أن ينال القادم اعجابك

ولو دكتور
حدا ما بيعرف فيران التجارب والاشهر منها السورية والناس بتربيها بالبيوت كحيوان أليف وهي تشبه الأرنب بتقاطيع وشها بس اذانها أصغر شوي ومالها ذيل متل باقي الفيران وأعتقد الأخت مها شافت وجه الشبه بينها وبين الصينيين إنهم ما لهم ديل

***

ههه
عذرا لاني ما انتبهت لسؤالك دكتورنا الفاضل
شكرا لك استاذة ريما

كان وجه الشبه ان الهامستر يتكاثر كثيرا

شكرا للاهتمام
نتابع

بل أنا الذي أشكرك على حسن متابعتك
و أعدك أن القادم سيكون أجمل بإذن الله
أوعوا تروحوا في حته تانيه
العرض مستمر

**شيرين عبد المنعم** · 29-06-2010, 08:09

دكتور اشرف
نعدك لن نذهب لحتة تانية
فمع لغزاسمه سلسلة الزواج مش حنقدر لانغمض عنينا و لانروح حتة تانية
مع تحياتي بدوام التالق

**د .أشرف محمد كمال** · 29-06-2010, 16:29

المشاركة الأصلية بواسطة شيرين عبد المنعم مشاهدة المشاركة

دكتور اشرف
نعدك لن نذهب لحتة تانية
فمع لغزاسمه سلسلة الزواج مش حنقدر لانغمض عنينا و لانروح حتة تانية
مع تحياتي بدوام التالق

أخت شرين أشكرك على هذه الثقة التي أعتز بها
وأتمني أن أكون دائما عند حسن ظنك
وأعدك أنك مش هتقدري تغمضي عنيكى ولا تغيري المحطة
انتظرونا في الجزء القادم

الزواج العنكبوتي

**أحمد أبوزيد** · 29-06-2010, 19:35

د. أشرف

مساء العسل

أحدثك من بلد أجمل الموزز

بلد أم كلثوم و أنيس منصور

بلد المشاية و جزيرة الورد و السكة الجديدة و توريل

عرفتها ...........

على العموم أنا فى فندق جزيرة الورد

تعالى نسهر سوا

تحياتى و تقديرى
أحمد أبوزيد

**د .أشرف محمد كمال** · 06-07-2010, 11:04

المشاركة الأصلية بواسطة أحمد أبوزيد مشاهدة المشاركة

د. أشرف

مساء العسل

أحدثك من بلد أجمل الموزز

بلد أم كلثوم و أنيس منصور

بلد المشاية و جزيرة الورد و السكة الجديدة و توريل

عرفتها ...........

على العموم أنا فى فندق جزيرة الورد

تعالى نسهر سوا

تحياتى و تقديرى
أحمد أبوزيد

حبيب قلبي أبو زيد
أنت بتحنسني بقه
خلاص الأجازه خلصت و مسافر تاني
أنا اليومين إللى فاتوا كنت بصيف و كنت بعيد عن النت
و لسه شايف رسالتك العزيزه عليا قوي النهارده
ملحوقه ياباشا نتقابل المره الجايه
لك خالص ودي وخاص مودتي

**د .أشرف محمد كمال** · 06-07-2010, 11:28

لغـز اسمه الـزواج ..العصر الحالي(الحلقة الرابعة عشر) الزواج العنكبوتي

الحلقة الرابعة عشر

الـزواج العنكبوتي

..بالطبع لا أعني هنا زواج العناكب السوداء ؛ حيث تقوم الأنثي بطعن زوجها في ليلة الزفاف بذنبها في منتصف ظهره , لتقتله بعدما يكون قد أدي مهمته , و أصبح لا داعي لوجوده . فتلتهمه بضراوة , و تشف . ثم ترتدي بعد ذلك لأجله السواد طيلة العمر..!! لكن أقصد ماعُرف مؤخراً بزواج الشبكة العنكبوتية (النت) ؛ حين يتعارف شبان و فتيات ؛ بل رجال , و سيدات من كافة الأعمار , و مختلف البلاد ؛ ببعضهم عن طريق النت , و تتوطد بينهم أواصر الصداقة , و المحبة . فيرتبطون بقصة حب عنيفة , حتى لا يستطيع أحدهم الاستغناء عن الآخر , و يهيمون في غياهب تلك الرغبة المستحيلة , و الأحلام السرابية الجميلة . لذا دعونا نستعرض هنا في عجالة أحد تلك النماذج العنكبوتية , و نتابع هذه المأساة الكوميدية.
.. التقيا في أحد المنتديات . بهرها بأسلوبه , و أفكاره , و أشعاره . خلبت لبه برومانسيتها , و سحرها , و دلالها . توطدت علاقتهما على مدار عدة شهور , ظنا أنهما عرفا كل شئ عن بعضهما مما زاد من ارتباطهما . تبادلا رسائل الحب , و الهيام عن طريق( الشات ) . و في أحد تلك الأيام . دار بينهما ذلك الحوار..
قال (الكتكوت الجريح) - لا تتعجبوا فهذا هو (النك نيم) الذي أطلقه على نفسه في المنتدي-:
- زوزو حياتي ..انا مش عارف أقولك أيه..؟! أنا خلاص معدتش قادر.. استغنى عنك..!!
أجابته (زهرة بلا أنياب) – و هذا هو أسمها أيضاً- بدلال :
- و أنا كمان ما بقدر كوكو .. حبيبي ..!!
استطرد كاتباً:
- أنا مش عارف يا روحي.. إيه أخرة إللي أحنا فيه..؟! أنت من بلد .. و أنا من بلد .. و عمرنا ماهنتقابل..!!
أجابته في سرعة:
- ليش .. أحنا كل يوم مو مع بعض..!!
- بالكتابه بس .. أنا نفسي يوم أشوفك .. أمسك إيدك أملس على شعرك.. أسمع صوتك..
- أنا ممكن أرسلك صورتي .. و نعمل شرينج ..أو حتي نشغل الكاميرا لايف .. بس انت عارف ظروفي .. أخاف حدن من أهلي يسمعني .. أو يشوفني .. و أنا مشغله الكاميرا..!!
- معاكي حق أنا كمان .. مراتي بتراقبني .. و بتعمل كبسات مفاجئة عليا.. و بلاقيها فوق راسي .. زي عسكري الدرك..!!
- ماتفكرني أنك متزوج .. كل مابفتكر أنك لك واحده تانيه غيري ..بتلاطفها و تلاطفك ..و تلاعبها و تلاعبك.. بنجن..!!
- أحنا هنغير.. ولا إيه..؟! مأنا صارحتك بكل حاجه من الأول .. و قلتلك ظروفي.. و بعدين عاوزاني اطلقها يعني .. طيب هأعمل أيه في الخمس عيال.. إللي في رقبتي..!!
- كان بدي هادول.. يكونو ولادي منك..!!
- طب إزاي هنجيبهم ..؟! بالمراسلة..!! مش لما نبقى نتجوز الأول..؟!
- و الله فكره..!!
- قصدك إيه..؟! أنا كنت بهزر..!!
- يعنى إيش بتهزر.. أنت تضحك عليّ ..و تريد تتسلي ..!!
- لا أبداً يا حياتي.. بس إزاي يعني..؟!
- أنت ماسمعت ..عن زواج المسيار..!!
- لا ماسمعتش بيه..!! مش مطبق عندنا..؟!
- عنّا مطبق .. يعني اتنين بيتزوجوا .. و كل واحد بيظل ببيتو..
- هههه ..ودا يبقى اسمه جواز ازاي..؟!
- لا ..ماهم ممكن يتلاقوا بأي مكان ..اذا سمحت لهم الظروف..!!
- طيب أحنا ازاي هنتجوز..؟!

يتبع

**د .أشرف محمد كمال** · 08-07-2010, 08:48

لغـز اسمه الـزواج ..العصر الحالي(الحلقة الرابعة عشر) الزواج العنكبوتي (2)

(2)

..أخذت تفكر, ثم أجابته بعد فترة صمت قصيرة:
- مو الجواز.. ايجاب .. و قبول..؟!
- أيوه بس عندنا محتاج لمأذون ..و توثيق العقود ..و شهود .. و إعلان..؟!
- أول ماكان فيه مأذون .. و كانو يتزوجوا برضا الطرفين ..من دون حتى عقود..
- طيب .. و الشهود ..هنجبهم منين..؟!
- بسيطه.. بنخلي حدن من زملائنا.. يشهد علينا..
- يا سلام.. هو حد منهم يعرفنا.. كلهم بس يعرفونا بالنيك نيم..
ثم استطرد كاتباً بعد لحظات تردد:
- طيب .. و الإعلان .. !!
- بنعلن في المنتدى أن الكتكوت الجريح .. و زهرة بلا أنياب .. اتزوجو في صفحة التهاني
- طيب ..و هنستفيد إيه من جوازة النت دي..؟!
- كيف .. يعني أنت ما بدك تتزوجني..؟!
- أبداً يا حياتي .. بس أنت عارفه إني راجل متجوز..!!
- عارفه أنك متزوج ..!! مو من حقك مثنى ..و ثلاث ..و رباع..؟!
- أيوه .. و الله فكره ..!!
- لكن إنسى الثلاث.. و الرباع هادول ..!! و لا باقطع خبرك..
- الله اشمعنى بقى ..؟! يعني ليه اللي ترضيه لغيرك .. ماترضهوش لنفسك..؟!
- أيه أنا.. لا زييّ زي.. و لا مثلي حد..!!
- ياسلام على الغرور.. بس أنت ماقلتليش برضوا ..يعني أيه فايده الجوازه دي..؟! و هيا مع ايقاف التنفيذ..!!
- أول شي منشان .. ماحد تاني من المنتدى يفكر أنه يغازلني ..أو يحاول يتقدملي ..ثانيا هادول البنات اللي عم يتنططو إلك في مواضيعك .. يبطلوا.. مثل هيك الحركات اللي بيسووها ..و ينهدوا..!!
- آآآه .. يعني عاوزه تحتكريني.. و تقضي على مواهبي الأدبية..!!
- إيه ..أنا باريدك تكتب إلي بس ..و ماحد أبداً يقرالك..
- يا لطيف ..!! دا مراتي بقى .. تبقى أهون..
- أيه جاب السيرة الزفت دي..انت لازم تفكرني كل شويه أنك متزوج واحده تانيه..!!
- لا و أنت الصادقه.. دا إنت التانيه ..و هيا الأولانيه..
- ظريف .. و لو .. أنا بنسيك اسمك..خليك أنت معي بس..
- لكن متنسيش أن شرط التعدد في الجواز العدل .. يعني لازم أعدل بينكم..
- ليش ماكفاها عشرين سنه زواج .. أيش بدها منك تاني..؟! أريدك تعدل..و تعوضني عن هيد السنين كلها..!!
- إلا بالحق أنت لحد دلوقتي ماقلتليش .. أنت عمرك كام سنه..؟!
فوجئت بسؤاله فصمتت برهة ثم أجابت:
- هوا فيه رجال عاقل ..بيسأل واحده ست عن عمرها..؟!
- لا بس أنا كنت عاوز أعرف عندك كام سنه ..؟! عشان أعرف فرق السن بينا..
- و هادا إيش يفرق معك ..؟!
- عشان أعرف إذا كنا ..هنعرف نجيب عيال بعد الجواز .. ولا لأ..!!
- و كيف بدك تجيب أولاد.. بالمراسلة متل ماقلت..؟!
- أيوه صحيح فكرتيني ..أنا كنت نسيت..!!طيب قوليلي بصراحة .. أنت ليه ماتجوزتيش لحد دلوقت..؟! ولا تكوني بتضحكي عليا.. و تطلعي متجوزه..!!
- أبداً أنا مو متزوجه ..ولا تزوجت قبل .. فيه ناس وايدين.. اتقدمولي.. لكني كنت برفضهم..
- ليه..؟!
- لأنى ماكنت بحبهم ..و رافضة اني اتزوج بلا حب.. و كان إلي مواصفات معينه .. لفتى أحلامي.. ضليت أدور عليها كل ها السنين.. و مالقيتها..!!
- أيوه .. اللي هما قد ايه .. بقى السنين دول..؟!
- بطّل هزارك الثقيل هادا.. عمرى مابقولك على سني ماتحاول .. بعينك..!!
- يعني ازاي اتجوز واحده .. لا شفتها ..و لا أعرف حتى اسمها الحقيقى .. و لا سنها..؟!
- ما انا كمان ما اعرف عنك شي ..!!.. يمكن تكون شايب طاعن بالسن ..و منتهي الصلاحية..؟!
- ياسلام .. ماأنا قلتلك كل حاجه عني.. وعن سني .. وعن ظروفي..!!
- و أنا ايش عرفني .. مايمكن تكون بتكذب عليّ..؟!
- طيب ما يمكن تكوني انت كمان بتضحكي عليا ..و وحشة ومافيش حد راضي بيكي..!!
- يا سلام دا أنا بينهبلو عليّ العرسان.. من و أنا عندي 16 سنة .. حتى كانوا بيغازلوني بكل مكان .. وايدين من اقاربنا كان بدهم يتزوجوني..
- دا كان زماااان.. من يجيي 50 سنه ..!! لكن ايه أخبارك دلوقتي..؟!
- أنت مو بتبطل هيد الغلاسة ..أبدا ما بخبرك عن عمري ..
- يعني ماأعجبتيش بحد .. ولا حبيتي حد قبلي
- لا طبعاً حبيت كتير قبل .. بس أهلي ماكانو ..بيوافقوا عليهم..!!
- ليه..؟!
- منشان كان سني صغير وقتها.. و ماكانو مناسبين لعائلتنا.. و لسه ببداية حياتهم .. و طمعانين بثروة عيلتنا..!!
- آآآآه قولتيلي بقه ..أنك غنيه ..و عندك فلوس..!!
- أكيد أبوي شيخ كبير .. وعندنا أراضي .. و عقارات ..و معارض سيارات..
- واو دا أنت لقطه..!! خلاص أنا موافق
- موافق على إيش..؟!
- على جوازنا..!!

يتبع

(سلسلة) لغــــز اسمــــه … الــــزواج ..؟!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث