(سلسلة) لغــــز اسمــــه … الــــزواج ..؟!

**د .أشرف محمد كمال** · 27-04-2010, 18:42

المشاركة الأصلية بواسطة أحمد أبوزيد مشاهدة المشاركة

د. / أشرف

طبعا العملية إتعقدت الواد ساب البيت
و البنت فشله
و الولاد راحين فى داهية بالتأكيد
تعرف مين الغلطان
طبعا الزوج لأنه لم يحسن الإختيار فى الأول
و بعدين ترك دوره كقائد للبيت
و أصبح مورد مال فقط
و فى النهاية باردوا خايب
الحل مع دى مش كدة
دى محتاجة جوازة تانية فى نفس الشقة
و فى نفس غرفة النوم
و على عينك يا تاجر
و شوف الموكوس و خايب الرجى
كاتب كل حاجة بأسمها
دة محتاج ياخد درس خصوصى عندى

منتظرين إبداعك يا دكتور

تحياتى و تقديرى

يا خوفي منك أنت يا بدران
أحسن ماتطلعش أبوزيد ولا جمعة الشوان..!!
وتطلع بتقول كلام في الفاضي بس للإعلان
عشان عايز تدي دروس في فن الزوغان
أخي الحبيب أحمد دائما ما أسعد بوجودك
و بمناقشاتك و مناغشاتك
وأنت تعلم أني أكن لك كل الود و التقدير والإحترام

**د .أشرف محمد كمال** · 27-04-2010, 18:52

لغــز اسمه الــزواج .. العصر الحالي (الحلقة الثامنة) الـزواج في الجامعـة

الحلقـة الثامنـة

الـزواج في الجامعة

.. أما الزواج في الجامعة . فقد يتعجب أحدهم سائلاً :
ـ يعنى قصدك إيه ..؟!!
وقد يتغابى البعض الآخر قائلاً :
ـ إزاي ..!!
و المشكلة غير خافية على أحد . فهي تحدث بصورة دورية في كافة الجامعات , و على مستوى الجمهورية ؛ إذا لم تكن بصورة يومية ..!!
..فبعد المرحلة الثانوية . يلتقى الطلاب من الجنسين في الكلية . بعيداً عن تلك القيود العائلية , و التقاليد البالية . و لأول مرة يجلسان سوياً بحرية . يطلقان العنان لتلك الشحن العاطفية , و الغريزية المكبوتة طوال تلك السنين الدراسية ؛ التي كان يمنع فيها الاختلاط بين الطلاب , و الطالبات ؛ إلا في المدارس الفنية . التي لا يختلف الحال فيها عنه في المراحل الجامعية ؛ فتنتشر فيها ظاهرة الزواج السري , أو كما يطلقون عليه الزواج العرفي . و ما هو بزواج , و لا يُعرَف له عــرف ..!!
.. سنحاول الرجوع إلى الوراء بنا و بكم . أو المضي قدماً بالصغار منكم إلى الحياة الجامعية . لنذهب جميعاً مرة ثانية إلى الكلية . و لنندس في سرية بين الجماعات الطلابية , لنستمع لتلك الأحاديث المتوارية , الخفية . بين هو و هي ..!!
هو :
ـ أعمل إيه يا حياتي ..؟! أنا مش عارف أذاكر ..!! كل لما بافتح كتاب ألقاكي قدامي .. حتى مش عارف .. أنا هاعمل إيه السنه دي ..؟!!
هى قالت جزعة :
ـ لا يا حسام علشان خاطري .. حاول تنجح السنه دي .. مش كفايه السنه إللي فاتت سقطت ..و بقيت أنا في سنه تانيه.. و إنت لسه فـي أولـى ..
(حسام) بتأثر :
ـ يعني حتى لو أنا نجحت السنه دي هتتحل المشكله ..؟!! ما هي لسه برضك متعقده .. مانتي هتخلصي قبلي .. و لسه فيه عندي الجيش .. و بعدين لازم أدور على شغل الأول .. و أحوش تمن الشبكه و المهر .. و ألاقي شقه .. تكونى إنتي إتجوزتي .. و خلفتي ..!!
قالت هي ـ فلم نعرف اسمها حتى الآن ـ :
ـ بصراحه يا حسام .. أنا مش عارفه أقولك إيه ..؟! لكن أنا عن نفسي.. هاعمل كل إللي عليا ..و أسقط السنه ديا.. علشان ما يبقاش عندك حجه .. و مش هاوافق على العريس إللي متقدم ليا ..!!
قال (حسام) بعدم اكتراث :
ـ و بعدين هتفضلي تسقطي لحد إمتي ..؟!! و افرضى إنك اتفصلتي من الكليه.. أو إني سقطت السنه دي كمان .. إيه هيكون الحل ؟؟!!
قالت (سها) بغضب ـ الآن فقط عرفنا اسمها ـ :
ـ و بعدين يا حسام .. أنا كل لما باحاول أحلها.. بتقفّلها في وشي ..؟! إنت بس عاوز إيه تاني مني ..؟!
ثم انخرطت في البكاء . أخذ (حسام) يحاول تهدئتها , يملس على شعرها , و يمسح الدموع عن عينها . قائلاً برقة:
ـ يا حبيبتي .. أنا بحبك .. و مقدرش أستغنى عنك .. أو أعيش من غيرك .. مقدرش استحمل إن واحد تاني.. ياخدك مني.. و متكونـيش ليا ..أنت ضي عينيا ..و كل ما ليا..!!
نظرت إليه (سها) , و الدموع تتلألأ في عينيها , و قالت :
ـ و أنا كمان عمري.. ما هكون لغيرك .. و لو هستناك طول عمري ..!!
نظر لها (حسام) مليا , ثم ابتسم قائلاً :
ـ طب لو غصبوا عليكي تتجوزي واحد غيري ..؟!!
نظرت إليه في ذهول , و أخذت تفكر طويلا ً, ثم قالت في حزم :
ـ هاموت نفسي ..!!
قال لها (حسام) مقاطعاً :
ـ لأ .. لأ .. إوعي .. إنتي كده تبقي بتنتحري .. و تقضي عليا أنا .. و انتـي ..!!
نظرت إليه يائسة :
ـ طيب قولي إنت .. إيه الحل ..؟!!
نظر إلى عينيها , و هو يكاد ينفذ إلى داخلهما ؛ حتى لم تعد ترى سوى عينيه , و شفتيه , و هما يتحدثان ؛ كمن كان مغشياً عليها :
ـ إحنا نتجوز ..!!
أفاقت من غيبوبتها بعد برهة , و قالت له :
ـ نتجوز ..؟! إزاي ..؟! و منين ..؟! و فين ..؟‍‍!
تردد قائلاً :
ـ أنا .. أنا ماعرفش .. لكن هوا ده الحل الوحيد .. علشان ما تكونيش لحد تاني .. و نحطهم قدام الأمر الواقع .. لو غصبوا عليكي.. و حاولوا يجوزوكي ..!!
قاطعته قائلة في لهفة:
ـ طب هنعيش فين ..و هنصرف علينا منين ..؟!!
أجابها غاضباً :
ـ تاني ..هتسأليني فين .. و منين .. إحنا هنتجوز عادي .. زي زمايل كتير لنا في الكليه دي .. زي منى و شادي .. و أحمد و ماجي .. وعلا و هاني .. و رشا و رامي .. و ندى و سامي .. و ...
قاطعته (سها) قائلة في دهشة:
ـ كل دول متجوزين ..و هما لسه في الكليه ..؟!!
استطرد قائلاً :
ـ طبعاً متجوزين في السر ..و ما حدش يعرف من عيلتهم .. لحد ما يبقوا يلاقوا حل ..!!
سألته متعجبة :
ـ بس أنا أعرف إن علا مخطوبه .. و فرحها الأسبوع إللي جاي ..!!
تلعثم (حسام) قائلاً :
ـ ما هو أصل هيا .. و هاني .. سابوا بعض ..!!
تساءلت (سها) في دهشة :
ـ أمال هيا هتتجوز إزاي ..؟!!
ضحك (حسام) قائلاً :
ـ زي بقية البنات ..!!
قاطعته قائلة في خجل :
ـ قصدي يعني ..
ثم تحشرجت الكلمات في حلقها . فضحك (حسام) قائلاً :
ـ ما تخافيش .. كل حاجه بقى لها حل في الزمان ده ..!!
نظرت إليه في تأثر , و سألته :
ـ يعني إنت عاوزنا نبقى زي دول ..؟!!
قاطعها على الفور قائلاً :
ـ لا .. طبعاً ..!! دول ما عرفوش يقاوموا و يواجهوا الظروف .. و يحاربوا عشان خاطر حبهم يعيش .. و ما ينتهيش .. إحنا هنكون حاجه تانيه .. إحنا هنعيش بالحب كل ثانيه ..
استغرقت (سها) فى التفكير . ثم حزمت أمرها , و قالت بإصرار :
ـ خلاص ..يعني مفيش قدامنا حل تاني .. طيب أنا إيه المطلوب مني ..؟
زفر (حسام) بارتياح ؛ و ابتسم في ظفر . قائلاً :
ـ مفيش .. كل إللي عليكي تقولي .. زوجتك نفسي .. و أنا أقولك .. قبلت .. بس خلاص ..!!
تعجبت (سها) , و قالت :
ـ يا سلام ..؟!! هو ده الكلام إللي يخلينا متجوزين ..؟!!
تلعثم (حسام) قائلاً :
ـ طبعاً .. طبعاً .. إنتي مش عارفة إن الجواز عباره عن .. إيجـاب و قبول ..؟!
قاطعته قائلة بعناد :
ـ و إشهار .. لازم الناس تبقى عارفه.. إن إحنا متجوزين ..
أجابها (حسام) في سرعة :
ـ طيب .. ما حنا كل أصحابنا و زمايلنا في الكليه .. هيبقوا عارفين .. زى ما إحنا كمان عارفين عنهم ..!!
نظرت إليه في تردد , و هزت رأسها علامة عدم الاقتناع . و قالت:
ـ يعني كده يبقى الجواز رسمي ..؟! طيب إيه الإثبات إن إحنا متجوزين بعد كده ..!! أزاي من غير مأذون ..؟!
قاطعها (حسام) مستنكراً:
ـ إيه لزوم المأذون ..؟ يعني كان أيام الرسول فيه مأذون ..؟ إحنا هنكتب ورقه .. و نجيب برضك إتنين شهود .. و نكتب العقود ..
فطأطأت رأسها خجلة , و أطرقت بعينيها , ثم هزت رأسها علامة الايجاب .

يتبع

**دكتور مشاوير** · 28-04-2010, 02:28

[align=center]
ههههه
لغز خطير ورهيب
مش عارف كنت عنه ليه بعيد..
متابع دكتورنا بجد متميز جدا في شخصك وفي لغزك..
ودي وتقديري ومعك للنهاية بس انت ابقي اغمزني ..!!!
دمت بخير
[/align]

**د .أشرف محمد كمال** · 28-04-2010, 19:04

المشاركة الأصلية بواسطة دكتور مشاوير مشاهدة المشاركة

[align=center]
ههههه
لغز خطير ورهيب
مش عارف كنت عنه ليه بعيد..
متابع دكتورنا بجد متميز جدا في شخصك وفي لغزك..
ودي وتقديري ومعك للنهاية بس انت ابقي اغمزني ..!!!
دمت بخير
[/align]

مأنا ياعم سامح عمال من ساعتها أغمزلك بعينيا
عشان تيجي تساعدني في الزنقة إللي أنا فيها
وأنت سايبني لوحدي و مقضيها مشاوير
عاوزين نكون رابطة يارجال العالم اتحدوا
عم أحمد انشق عن الرابطة وبيقول ميقدرش يستغنى عن الستات
عايزين انا وأنت نواصل الكفاح المسلح من أجل استرداد حقوق الرجل المسلوبة

**د .أشرف محمد كمال** · 30-04-2010, 07:16

لغــز اسمه الــزواج .. العصر الحالي (الحلقة الثامنة)الـزواج في الجامعـة (2)

(2)

.. تزوجا و تعددت لقاءاتهما , فكانت (سها ) تخرج من الصباح الباكر متوجهة إلى الكلية . ثم تنعطف إلى شقة أحد أقارب (حسام) ؛ حيث تجده بانتظارها . فيقضيان اليوم سوياً . ثم تصلح من هندامها , و تعود في الثالثة عصراً إلى منزلها , و ربما تتأخر عن ذلك ؛ فتختلق الأكاذيب و القصص . عما جرى لها في الكلية . و تتعلل بالمواصلات , أو بتأخير المحاضرات . بالطبع كان الرسوب في الامتحانات ؛ هو النتيجة الحتمية لكليهما . لأنهما انشغلا عن تحصيل الدروس بتلك اللذة الوقتية , و تلك الساعات التي كانوا يختلون فيها سوياً في سرية ..!!
و بعد عدة شهور .. جد في الأمر أمور . و التقيا ذات يوم في ساحة الكلية .
فسألها (حسام) على الفور :
ـ مالك يا سها .. ماجيتيش بقالك يومين ليه ..؟ أنا فضلت مستنيكي في الشقه لحد المغرب ..و حاولت أتصل بيكي كذا مرة لكن مامتك هيا إللي كانت بترد ..فكنت باقفل علطول .. و جيت النهارده علشان أدور عليكـي ..
أجابته (سها) بإعياء :
ـ مافيش .. أنا بس كنت تعبانه .. و امبارح ما كنتش قادره حتى أرد على التليفون ..
سألها (حسام) في لهفة :
ـ خير .. مالك يا حياتي ..؟ إيه إللي تاعبك ..؟
أجابته على الفور :
ـ مش عارفه .. دايخه كده علطول .. و بأرجع كل شويه .. و ماليش نفس للأكل .. دا حتى ماما عاوزه.. تاخدني النهارده للدكتور ..
بان الجد على (حسام) , و نظر إليها بفزع قائلاً :
ـ إنتي بتاخدي الحبوب ..إللي أنا جبتهالك بانتظام .. والا لأ ..؟!!
أجابته بلا مبالاه :
ـ حبوب إيه ..؟!!
ضرب على يديه , و قال لها جزعاً:
ـ إنتي نسيتي ..ولا إيه ..؟! حبوب منع الحمل ..!!
أجابته بتردد :
ـ آه .. طبعاً .. طبعاً .. باخدها ..
نظر (حسام) في عينيها , و أمسك بكتفيها قائلاً :
ـ بصيلي هنا .. بصي فى عينيه .. يعنى ما نسيتيهاش.. في يوم من الأيام ..؟!!
سكتت (سها) , و قد احتقن وجهها . ثم قالت متلعثمة :
ـ أصل.. أنا .. كنت في يوم نسيت آخد الحباية في ميعادها ..!!
أسقط في يد (حسام) , و جلس على أحد المقاعد الخشبية الموجودة بساحة الكلية واجماً . فنظرت إليه (سها) خائفة , و قالت له :
ـ يعني إنت قصدك إيه ..؟!! يعني ممكن .. أكون ..!!
أجاب (حسام) , و هو يضغط على أسنانه , يكاد يميز من الغيظ :
ـ حامل ..!! أيوه يا ست هانم إنتي.. هتطلعي حامـل .. إيه المانع يعنـي ..؟!!
لطمت على وجهها , و جلست تبكي على أحد المقاعد الخشبية . ثم نظرت إلى (حسام) , و قالت :
ـ طيب و إيه العمل دلوقتي ..؟!! إزاي هنقدر نخبي ..؟!! بكره هينكشف أمري .. و مش بعيد أبويا يقتلني ..!!
نظر إليها (حسام) بحنق ؛ لكنه حاول تهدئتها قائلاً :
ـ ما تخافيش أنا هاحاول أتصرف .. الأول نتأكد ..و بعدين يبقى يحلها حلال ..
ثم استطرد قائلاً :
ـ أنا هاروح أسأل وائل زميلنا .. هو عمل إيه لما حملت رنا..!! هو كان راح لدكتور معرفته .. عشان نلحق نتصرف بسرعه.. قبل ما الموضوع يكبر .. و يخرج من إيدينا ..!!
نظرت إليه (سها) , و الدموع ما زالت تتساقط من عينيها . ثم قالت :
ـ أنا إيه بس إللي خلاني أعمل كده .. من ورا أهلي ..؟! أنا كده حاسه إني باسرق .. و كإنى باعمل حاجه غلط .. مش من حقي ..!! مع إن ده كان ممكن يبقى يوم سعدي .. دلوقتي بقى يوم نحسي .. أنا خايفة أوي يا حسام .. و قلبي مقبوض .. و حاسه إنه حرام .. إننا نقتل المولود .. أقتل إبني .. إللي كان حلمي طول عمري.. أشيله فى حضني .. !! ليه بس كده يا ربي ..؟! لكن أنا برضك إللي غلطت في حق نفسي ..!!
قاطعها (حسام) قائلاً :
ـ إيه لزوم الكلام ده دلوقتى ..؟ إحنا نحاول نصلح الموضوع ده .. و بعدين .. لما تبقى أمورنا تتحسن .. نبقى نقدر نعمل كل إلل في نفسنا .. و نخلف على مهلنا ..!!
قاطعته (سها) قائلة :
ـ أبداً ..!! أنا بعد النهارده ما عدتش هارضي بالبهدله دي .. أنا كل يوم قلبي .. بيبقى هيقف من الخوف .. خايفه حد يشوفني .. أو يعرف .. و لما حد بيسألني .. أنا كنت فين .. أو إتأخرت ليه ..؟! باحس أد إيه ذنبي .. و إني باخون ثقة أهلي ..!!
نظر لها (حسام) بدهشة . و قال بتأثر :
ـ و حبنا ..؟! و حلمنا ..؟!
قاطعته (سها) قائلة :
ـ الحب لازم يعيش في النور .. و إلا هيموت من الخوف .. و الحلم لازم نحققه بإيدينا .. لكن إحنا إللي عملناه ..إننا هربنا من كل إللي حوالينا .. و خدنا حاجه مش لينا .. في وقت كان المفروض فيه .. نخّلص الأول الإلتزامات إللي علينا ..و بعدها نبقى نفكر فينا..!!

يتبع

**دكتور مشاوير** · 30-04-2010, 07:22

المشاركة الأصلية بواسطة د .أشرف محمد كمال مشاهدة المشاركة

مأنا ياعم سامح عمال من ساعتها أغمزلك بعينيا

عشان تيجي تساعدني في الزنقة إللي أنا فيها
وأنت سايبني لوحدي و مقضيها مشاوير
عاوزين نكون رابطة يارجال العالم اتحدوا
عم أحمد انشق عن الرابطة وبيقول ميقدرش يستغنى عن الستات
عايزين انا وأنت نواصل الكفاح المسلح من أجل استرداد حقوق الرجل المسلوبة

هههه هو أنا اقدر يا دك..
ما دامت الرابطة كتبُ عليها أن تكون ضد الستات ،ولا يهمك فأنا لها.
وربنا يجعل كلامنا خفيف عليهن/أصلي انت عارف تقتل واحدة تطلعلك مائة ي القطط بسبع ارواح،ودي غير بقي الباااقي ...!!!
فالهذا وعلى ما اعتقد ما جعل الأستاذ أحمد ابو زيد ينسحب من باب،يانحلة لا تقرصيني ولا عايز منكِ عسل لكن لا تخف أحنا أد القرص وأكثر شوية ..
ومعندناش حاجة نخاف عليها،يمكن أبو حميد خايف من الحكومة يا دكتور ..
متااابع يا دك
دمت بخير

**أحمد أبوزيد** · 30-04-2010, 07:51

هو دة عيب الرجالة
مش بثقوا فى بعض
فى حد سأل أبوحميد مش موجود ليه
بسرعة أتهم بالخيانة العظمى و الهروب من ميدان الحرب
لا و الله أنا لها و معكم حتى نبيد الأعداء
و نخربها و نعد على تلها نلطم من غيرهم

لم يمنعنى عنكم غير السفر
كنت بالقاهرة الأربعاء و الخميس

د. أشرف

دائماً ما أرفع يدى للسماء و احمد الله إننى تخرجت من الجامعة صفر اليدين
لم يكن نعرف هذا الزنا المسمى بالزواج العرفى أو السرى
أحمد لله على نعمته
أحمد لله على ستره
ولا أخفيك سراً
إنى بحسد هذا الجيل
عاملين شغل نار
موبيل
نت - كام - مايك
جواز عرفى

غير الشغل التقليدى بتاع زمان
السطوح
بير السلم
السينما
السيارة فى المنتزة

اللهم أسترنا فوق الأرض و تحت الأرض و يوم العرض عليك
اللهم استر بنات المسلمين

تحياتى و شكرا

**ريما منير عبد الله** · 30-04-2010, 07:58

متابعين يعطيك العافية

**دكتور مشاوير** · 30-04-2010, 10:15

المشاركة الأصلية بواسطة أحمد أبوزيد مشاهدة المشاركة

هو دة عيب الرجالة
مش بثقوا فى بعض
فى حد سأل أبوحميد مش موجود ليه
بسرعة أتهم بالخيانة العظمى و الهروب من ميدان الحرب
لا و الله أنا لها و معكم حتى نبيد الأعداء
و نخربها و نعد على تلها نلطم من غيرهم

لم يمنعنى عنكم غير السفر
كنت بالقاهرة الأربعاء و الخميس

د. أشرف

دائماً ما أرفع يدى للسماء و احمد الله إننى تخرجت من الجامعة صفر اليدين
لم يكن نعرف هذا الزنا المسمى بالزواج العرفى أو السرى
أحمد لله على نعمته
أحمد لله على ستره
ولا أخفيك سراً
إنى بحسد هذا الجيل
عاملين شغل نار
موبيل
نت - كام - مايك
جواز عرفى

غير الشغل التقليدى بتاع زمان
السطوح
بير السلم
السينما
السيارة فى المنتزة

اللهم أسترنا فوق الأرض و تحت الأرض و يوم العرض عليك
اللهم استر بنات المسلمين

تحياتى و شكرا

حمدالله على السلامة يا ابو حميد
ايوة كده يا راجل،متخفش كلنا لها.
وخرجت من الجامعة صفر اليدين !!
ليه كده يا زعيم،اكيد مكنش فيهن واحده تستاهل او كا العادة تجدهن مثل الخفر.
احنا ايامنا مفيش الغاز ولا جواز عرفي كان في دخلة على طول يا ريس.
ومن الرغم من بير السلم،كان هناك إيضا جبل المقطم،وحديقة العمارة الخلفية
وبعدين يا صديقي ليه محسسني انك عجزت،عيش حياتك،مع التطور الجديد
وكما قال احد اصدقائي اسمة احمد ابوزيد اشترى واحدة وخد اتنين هدية.
يعني حاجة ببلاش كده!
تحياتي لك ولدك اشرف

**د .أشرف محمد كمال** · 30-04-2010, 15:10

أيوه كده ياكماحه حسسوني بالونس (على رأيي الأخت ريما)

وزي لما محمد صبحي قال فى مسرحية نسيت أسمها دلوقتي

إلألزهايمر بقه بعيد عنكم..!!

إيه انتو كلوكو عليه ولا إيه..؟!
أخي أحمد أفهم من كلامك عن المنتزه أنك اسكندراني
وأخى سامح من كلامه عن المقطم أنه قاهري
أما احنا فكان عندنا جزيرة الورد

والمشايه إللى على شارع البحر (النيل بس أحنا بنقول عليه بحر)
وطريق كلية الصيدلة و مدرجات كلية التجاره
حزروا فزروا أنا منين..؟

وربنا يجعل كلامنا خفيف عليهم على رأيك يا سامح
وهو العرض بتاع اشتري واحده تاخد اتنين هدية لسه موجود ياأحمد..؟!

**أحمد أبوزيد** · 30-04-2010, 15:29

د. أشرف

حبيبى أنت من المنصورة

بحبك يا باشا
منين بقى فى المنصورة

د. سامح

نسيت طريق المطار و الأتوستراد
و شوارع مصرالجديدة بالليل عند قصر البارون
ولا المعادى
واووووووووووو
شارع 9 و التفرعات

مساء القشطة

**يسري راغب** · 30-04-2010, 17:08

دكتور اشرف الراقي الرائع
تحياتي لاهل المنصورة ولي فيها اقارب واحباب واكبر مركز للكلى وعلى فكرة عائلة عميد الملتقى الموجي هناك كبيرة ولها واحد من اكبر مراكز الاشعة في المنصورة على النيل على طول واساتذة في كلية الطب والصيدلة
نحن في غزة نعتبر انفسنا من مصر
وتاريخنا واحد من ايام كليوباترا وصلاح الدين وعين جالوت
ولعبة النسب والمصاهرة بيننا ممتدة منذ سنين وسنين
اما الاستاذ احمد الغالي الاسكندراني واصحابي في الاسكندرية كثير وهو منهم اكيد واساتذة وادباء ومفكرين منهم الروائي ابراهيم عبد المعطي داوود والدكتور محمد منصور والاستاذة ماجي نور الدين اصلا اسكندرانية
بس فكرتني بمصر الجديد قبل اربعين سنة وشارع العروبة وميدان الاسماعيلية وصلاح الدين وشارع عثمان بن عفان وعمر بن الخطاب وابوبكر الصديق وحلمية الزيتون اما شارع 9 فاظن انه في مدينة نصر لاني سكنت هناك عدة شهور
اجواء جميلة فيها ذكريات الشباب كل التحية والتقدير لشخصك النبيل
دكتور اشرف الغالي
اتابع لعبة الزواج بشغف شديد
وتحياتي للدكتور مشاوير الاسكندراني وريما غزال الشام الرقيق
دمتم سالمين منعمين وغانمين مكرمين

**د .أشرف محمد كمال** · 30-04-2010, 19:15

المشاركة الأصلية بواسطة أحمد أبوزيد مشاهدة المشاركة

د. أشرف

حبيبى أنت من المنصورة

بحبك يا باشا
منين بقى فى المنصورة

د. سامح

نسيت طريق المطار و الأتوستراد
و شوارع مصرالجديدة بالليل عند قصر البارون
ولا المعادى
واووووووووووو
شارع 9 و التفرعات

مساء القشطة

تمام يا أحمد باشا أنا من المنصورة كلها
لحسن تطلع من مباحث أمن الدولة
أو يتم تصفيتي من قبل الجماعات النسائية المسلحة
مساء الفل يافندم

**د .أشرف محمد كمال** · 30-04-2010, 19:36

المشاركة الأصلية بواسطة يسري راغب مشاهدة المشاركة

دكتور اشرف الراقي الرائع
تحياتي لاهل المنصورة ولي فيها اقارب واحباب واكبر مركز للكلى وعلى فكرة عائلة عميد الملتقى الموجي هناك كبيرة ولها واحد من اكبر مراكز الاشعة في المنصورة على النيل على طول واساتذة في كلية الطب والصيدلة
نحن في غزة نعتبر انفسنا من مصر
وتاريخنا واحد من ايام كليوباترا وصلاح الدين وعين جالوت
ولعبة النسب والمصاهرة بيننا ممتدة منذ سنين وسنين
اما الاستاذ احمد الغالي الاسكندراني واصحابي في الاسكندرية كثير وهو منهم اكيد واساتذة وادباء ومفكرين منهم الروائي ابراهيم عبد المعطي داوود والدكتور محمد منصور والاستاذة ماجي نور الدين اصلا اسكندرانية
بس فكرتني بمصر الجديد قبل اربعين سنة وشارع العروبة وميدان الاسماعيلية وصلاح الدين وشارع عثمان بن عفان وعمر بن الخطاب وابوبكر الصديق وحلمية الزيتون اما شارع 9 فاظن انه في مدينة نصر لاني سكنت هناك عدة شهور
اجواء جميلة فيها ذكريات الشباب كل التحية والتقدير لشخصك النبيل
دكتور اشرف الغالي
اتابع لعبة الزواج بشغف شديد
وتحياتي للدكتور مشاوير الاسكندراني وريما غزال الشام الرقيق
دمتم سالمين منعمين وغانمين مكرمين

أخونا و أستاذنا يسري راغب أهلاً بك ثانية فينك من زمان
طبعاً كلنا أخوان أخي الحبيب يجمعنا وطن واحد
ويجرى في عروقنا دم عربى واحد و همومنا واحده و ذكرياتنا أيضاً وتحياتي لكل أهالينا في غزة الكرام
وأتشرف ان يكون استاذنا محمد شعبان الموجي من المنصورة وبالطبع استاذنا الدكتور صبرى الموجي ومركزه غنى عن التعريف وتحياتي كذلك لكل الأسكندرانية ودمهم الخفيف و أخونا د مشاوير وكل أهالى القاهرة
رمسيس - المؤسسة - عبود ولكل أهل الشام من سوريا للأردن للبنان
وأهالينا فى العراق وفلسطين والسودان و الخليج كمان السعودية والكويت والامارات وقطر والبحرين وعمان واليمن وتونس وليبيا والجزائر و المغرب وميروتانيا وجيبوتي والصومال و جزر القمر كمان
بس خليك قريب جاهز بالطبنجة وتكون معمره تمام

**دكتور مشاوير** · 30-04-2010, 20:36

[align=center]

المشاركة الأصلية بواسطة د .أشرف محمد كمال مشاهدة المشاركة

أيوه كده ياكماحه حسسوني بالونس (على رأيي الأخت ريما)

وزي لما محمد صبحي قال فى مسرحية نسيت أسمها دلوقتي

إلألزهايمر بقه بعيد عنكم..!!

إيه انتو كلوكو عليه ولا إيه..؟!
أخي أحمد أفهم من كلامك عن المنتزه أنك اسكندراني
وأخى سامح من كلامه عن المقطم أنه قاهري
أما احنا فكان عندنا جزيرة الورد

والمشايه إللى على شارع البحر (النيل بس أحنا بنقول عليه بحر)
وطريق كلية الصيدلة و مدرجات كلية التجاره
حزروا فزروا أنا منين..؟

وربنا يجعل كلامنا خفيف عليهم على رأيك يا سامح
وهو العرض بتاع اشتري واحده تاخد اتنين هدية لسه موجود ياأحمد..؟!

طبعا قاهري ومن المهندسين.
وطبعا انت من المنصورة يا باشا،واجا والفخراني بتااع البليله.
اما مدرج الكليات مش عندكم بس ،متقوليش على المدرجات وخصوصا مدرج تجارة القاهرة ومسرحها يا زعيم،وااااااو اوعي وشك..!!
[/align]

(سلسلة) لغــــز اسمــــه … الــــزواج ..؟!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث