(سلسلة) لغــــز اسمــــه … الــــزواج ..؟!

**خلود الجبلي** · 05-04-2010, 18:18

المشاركة الأصلية بواسطة د .أشرف محمد كمال مشاهدة المشاركة

الأخت الفاضلة خلود أهلاً بك معنا

وربنا يكملك بعقلك و يجعل كلامنا خفيف عليكي

شكراً لحضورك الكريم و جميل متابعتك

حلوة يكملني بعقلي هههههه
لا خد بالك أنا مش دوما بعقلي ههه

**سحر الخطيب** · 05-04-2010, 18:22

هو انت شرفت يا دكتور
من إمتى

هل بدأت حلقتك الجديده

يا دكتور من العصر الحجري تنصلت من حواء فكيف بهذا العصر
الله يعينا عليك يا رب
لكن للصدق استرسالك جميل وسخريه لاذعه كأنك ما عملت اي شىء
اكمل يا مؤرخ عصور النسوان

**د .أشرف محمد كمال** · 05-04-2010, 18:53

المشاركة الأصلية بواسطة ريما منير عبد الله مشاهدة المشاركة

بتسمحلي اوستاز اشرف يييييييي قصدي يا دكتور الا قلي اللي بيدق البو بسرعة شو بيكون عندو

يمكن بيجري ورا بنات أفكاره

الموهم برجع ليلي كنت بدي قولوا
انا ح احجز مقعد الي خمس نجوم ولو سمحت تبقى توريني النجوم مرسومة عليه ويكون بالصف الأول وبوعدك أكول الشيبس بشويش واشرب العصير من غير ما زمر ولو مرت كلمة كدة ولى كدة بالمصري وما فهمتها بدي شرح مع الاستعانة بوسائل التعليم المتوفرة
وح تابع معك واتفرج على صندوق الدونيا بتاعك ونبقى نتحاسب بنهاية السلسلة لشوف ح تديني كام
مومكين يا دوك

أهلين بك أخت ريما معنا في اللغز
نورت المطرح (المكان) بالمصري
بس اربطي الحزام كويس قبل انطلاق المكوك الفضائى هابولو
إلى عالم الخيال حيث لا يوجد هناك محال
بس هنحتاج منك شوية مصاري (فلوس بالشامي)
تمن الكراسي الخمس نجوم والشيبس والعصير والزمامير
وأجرة المترجم بالساعة والوسائل التعليميه المتاحة والغير متاحة
وتمن تذكرة المكوك -ذهاب فقط - وقيمة البيمة كمان
حاجه كده بتاعة 100 مليون ليره

**د .أشرف محمد كمال** · 05-04-2010, 19:02

المشاركة الأصلية بواسطة شيرين الأقصري مشاهدة المشاركة

دكتور أشرف تحياتى وتقديرى لكم على الاسلوب والكلمات فى سرد الموضوع .
ثانياً أحب أن أنوه أننا لسنا هنا لنصرة أحد الطرفين على الآخر
لكننا بصدد جمع وشرح بعض الأخطاء الزوجية التى يقع بها الزوجين
لنبحث معاً عن الأسباب ونفتش عن الحلول من أجل الحيلولة دون الوقوع بها مجدداً .
هذا ما ذكرته فى بدايه الموضوع ومع أول ولهه بدأت هجومك علينا ، واذا كان قديما المراة لا تطهى اللحم جيدا فالان لا تجده لتطهوه نيا او مستوى عشان كده بطلع غلبها على الزوج هتعمل ايه ؟
سأنتظر الى نهاية القصة .
دومت بكل خير

يعنى الزوج هيستحمل إيه ولا أيه..؟!
الشغل ولا المرتب التعبان ولا المواصلات ولا الحر و لا الدروس الخصوصية ولا مصاريف العلاج و لا الأسعار النار ولا دوشة العيال
كمان تيجي المدام تطلع فيه الجنان
طيب ماهيقول يا فكيك
يا هيروح المورستان
يأما هيروح في خبر كااان :(
أهلاً بك معنا أخت شرين فى محاولة فهم اللغز و تحقيق المعادلة الصعبة
وأشكرك على تفاعلك البناء
دمت بود ودام تواصلنا

**د .أشرف محمد كمال** · 05-04-2010, 19:12

المشاركة الأصلية بواسطة مصطفى شرقاوي مشاهدة المشاركة

إنت لو طلعت من الموضوع ده سليم يبقى كويس فضلاً عن إنك تطلع دكتور زي ما انت ..... حاول تتماسك حتى آخر لحظه والبوادر إذا لقيت زنه بجوار الجهاز ...... tern off وخد أقرب ساتر

أخي الحبيب مصطفى شرقاوى أشكرك على عودتك الشجاعة
وكويس أنك حزرتنى أنا قافل الكومبيوتر من ساعتها ومستخبى تحت التربيزة
بس سامع حاجه جنبى عم بتشخلل و تقول فو فو فو
تفتكر دى تكون إيه..؟!

**د .أشرف محمد كمال** · 05-04-2010, 19:19

المشاركة الأصلية بواسطة يسري راغب مشاهدة المشاركة

دكتور اشرف الغالي
كل المودة
وكل التقدير
وقلبي معاك
وكمان الطبنجه
عشان ما حدا يمسك لنا الساطور
وتسلم يا غالي

أهلا بالمجاهد الكبير يسري راغب
أيوه كده يا راجل اظهر وبان عليك الأمان
خلى قلبك معاك ينفعك في وقت زنقة
احنا عاوزين الطبنجه وياريت لو حته اربجية أو كلاشنكوف
أو صواريخ القسام
تسلم يا اخوي بس خليك جنبي ماتروحش بعيد

**د .أشرف محمد كمال** · 05-04-2010, 19:25

ننزل بالتترات بقه
بتاعة تكملة الحلقة الأولي
بس ربنا يستر

توكلت علي الله

**د .أشرف محمد كمال** · 05-04-2010, 19:38

(سلسلة) لغــــز اسمــــه … الــــزواج ..؟! الحلقة الأولي - العصر الحجري(2)

(2)

..أسرة مكونة من زوج , و زوجة , و جدة عجوز , و تسعة عشر طفلاً . بالطبع لم يكن عُرف تنظيم الأسرة فى ذلك العصر , وإلا زاد العدد عن ذلك بكثير..!! هذا بالإضافة إلى عدم اكتشاف الكهرباء و اختراع التليفزيون , فلم يشاهدا بعد أحد تلك الأفلام الأثرية , و البرامج المملة ؛ التى تدفع الجميع إلى النوم مبكراً ..!!

ما إن دخل (دوش ما) إلى مدخل الكهف حاملاً على كتفه الغنيمة التي اصطادها من الجاموس الوحشي ؛ حتى قابلته زوجته بالسؤال التقليدي :
ـ كنت فين بقالك تلت أيام يا سبع البرمبة ..؟!
أجابها ملقياً الجاموسة تحت قدميها , حتى كادت تسقطها أرضاً :
ـ كنت باصطاد الأكل .. إلّي تطفحوه ..!!
نظرت بازدراء - إلى الصيد السمين- و قالت مستهزئةً :
ـ ياما جاب الغراب لأمه ..!!
استيقظت المرأة العجوز عند سماع إسمها , و هتفت :
ـ إيه إلي يخليكي تجيبي سيرة أمه.. يا صرما يا بنت هرما ..؟!
فالتفتت إليها فجأة , و نظرت لها شزراً , و قد اشرأب حاجبيها . ثم صرخت فيها بصوت جهوري:
ـ جرى إيه .. يا شيحا يا بنت قيحا .. هو أنا معرفش أتكلم مع جوزي شوية ..؟! نامي .. نامت عليكي حيطه ..
ملحوظة(1) : هذا ليس نوع من السب العلني .. بل هي اسمائهما و أسماء والدتيهما فعلاً ..!! فلم تكن لتلك الأسماء نفس المعاني الموجودة في عصرنا هذا .. و كانت الأولاد تلقب بأسماء أمهاتهم .. ذلك للأحوط .. فلم يكن الأب معروفاً في الكثير من الأحيان ..!!
هنا زأر (دوش ما) قائلاً :
ـ و الله عال .. الواحد مبقاش له هيبه فى البيت ده .. والا إيه ..؟!!
..استيقظ كل من بالبيت .. وعلا صراخ التوأم (حادى و بادي) آخر العنقود .. وربما لا يزال فى العنقود بقية ..!!
فهتفت (صرما) بغضب :
ـ شفت ..؟! أديك صحيت الأولاد .. إبقى قابلني لو ناموا تاني النهاردة .. و وريني هتعرف تنام إزاي ..؟!
قال (دوش ما) فى أسي مستعطفاً:
ـ يا وليه حرام عليكي .. أنا جاي مهدود من الغابه ..و عايز استريح شويه .. علشان بكره عندي مأموريه.. في الجهة الجنوبيه.. رايحين ندور على بير ميه ..!!
صرخت في هيستريا:
ـ طب و أنا أعمل إيه ..؟! مانت سايبني طول النهار في المورستان لما قربت علي الجنان .. وبعدين بنتك جزما كمان .. قال إيه جاي لها عرسان .. و مش عارفة هنجهزها منين..؟! و البيت لا فيه فروه .. ولا حجر صوان ..؟!!
هنا تطاير الشرر من عيني (دوش ما) و زأر مرة أخرى قائلاً باستنكار :
ـ عرسان ..؟! و دول شافوها فين ..؟! وقعتها سودة الجزما بنت الصرما .. أنا مش قلت لك البنت دي ما تخرجش برة ..؟!
صنعت بحاجبيها حرفي ثمانية و ثمانين , ثم نظرت إليه من أخمص قدميه حتى مفرق شعره قائلة:
ـ حيلك .. حيلك .. إنت شادد حيلك قوي علينا كده ليه ..؟! فيها إيه لما راحت تجيب لنا حبة عضم .. من عند خالتها أم درمان ..؟!
أجابها ثائراً :
ـ و كمان راحت عند درمان .. أنا مش منبه ما ترحش هناك ..؟! دا راجل عينه زايغه ..و متجوز عشر نسوان ..!! غير إلي ما نعرفهمش كمان .. دا ما بيعرفش ولاده من بعض .. وعمر ما شّكر فيه حد ..!!
قالت (صر ما) متعجبة , و قد جعلت يديها في خصرها :
ـ و ماله بقه درمان .. راجل مليان ..و عنده قطيع خرفان .. و صحته تمام .. و عايش و لا السلطان .. أنا خلاص وعدت أم درمان .. و ادتها الخشبة كمان ..!!
ملحوظة (2): كان الزواج في الماضي بالخشبة .. فلم يكن اخترع بعد المأذون .. أو الشبكة .. أو المهر .. و الموبيليا ..أو الموبايل .. و التكييف .. و النجف .. و السجاد ..و الكتشن ماشين .. لذلك كان بإمكان الرجل أن يتزوج المئات ..!!
هنا انتفض (دوش ما) غاضباً ,و صرخ قائلاً :
ـ هيا حصلت تديها الخشبه من ورايا ..؟! أنا خلاص قاعد في البيت دبشه .. من غير لزمه ..؟! و الله مانا قاعدلك في البيت تاني .. و لا هوريكي وشي..!!
قالت باستهزاء ساخرة:
-مع ألف سلامه .. الباب يفوت فيل .. الكهف دا بتاعي أنا و ولادي..!!
فهب مسرعاً , و الشرر يتطاير من عينيه ..ثم ذهب إلى ركن قصي في الكهف , و أزاح حجر كبير عن مكانه , فإذا بحفرة أسفله . أخرج قطعة من فرع شجرة يابسة , و قال في حنق , و هو يضغط علي أضراسه:
ـ و ادي خشبتك كمان أهيه ..
و كسّر فرع الشجر إلى ثلاث قطع صغيرة ..!! ثم حمل أمه على ظهره , و مضى إلى حال سبيله ..!!

**سحر الخطيب** · 05-04-2010, 20:10

اضحك الله سنك
هم كلهم طلعوامصريين من اوائل العصر الحجرى

**ريما منير عبد الله** · 05-04-2010, 20:26

ايه ده يا دكتور والله بقيت تتشرط وعاوزلك ثروة علشان قلتلك بحجز كرسي خمس نجوم خلاص بطلت
ح علق بالسقف على المروحة سلة واتكوم بيها علشان أشوفك من فوق وانت بتشرح للتانيين وكمان ح كون ملمة بكل الأحداث وأي حركة ح ضرب بالمليان المكان محاصر هاااااا مين هناك وح جيب الشيبس والعصير والزممير من عند الكهف اللي جنبنا قصدي الدكان
ولا حد فعلك ولا فرنك (بالمصري ولا مليم)
الموووهم يا خويا
هما كانوا بالعصر الحجري البيت من حق الزوجة
وهو ح يجيب كهف تاني منين
ولى يمكن ح ينام بالعربية بتاعتو أكيد يا دكتور كان عندو عربية قد الفيل ما تؤليش انو كان يديها مشويروا متورجل والا ح زعل منك وانت عارف زعلي وحش أوي
كمل لنشوف آخرتها ايه
وحاسب على روحك من الشخليل اللي بتسمعها أودام الطاولة أحسن احنا محتاجينك ما تسبناش الا لما تخلص السلسلة الا هية عيار كام

**يسري راغب** · 06-04-2010, 05:19

دكتور اشرف الغالي
تحياتي
ولايهمك انا جنبك
انت اعط الاشارة
وحدد لي العدو من الصديق
عشان الامور ما بتكون واضحة كثير في هذه الحالات
بس اتمنى ما توصل للصواريخ
لكن بعيدا عن المواجهة الساخنة
اود ان اسجل تقديري واعجابي الكبير باسلوبك القصصي والروائي والذي يجعلنا نتابع عمل ادبي في الساخر رائع وراقي اكيد
دمت سالما منعما وغانما مكرما

**د .أشرف محمد كمال** · 06-04-2010, 10:07

المشاركة الأصلية بواسطة سحر الخطيب مشاهدة المشاركة

اضحك الله سنك
هم كلهم طلعوامصريين من اوائل العصر الحجرى

ماتصحصحي معايا يا أخت سحر أحنا هنبتديها ألزهايمر من الأول

القصة لسه طويله.. ركزي معايا شويه مش أحنا قولنا فى الجزء الأول
(هيا بنا نحاول أن نعيش مع أسرة حجرية ـ عفواً .. أقصد من العصر الحجري - معاناتها اليومية . مصحوباً بترجمة فورية باللغة العامية المصرية . فلا نعلم حتى الآن بأي لغة كانوا يتكلمون .. اللهم إلا بضع صرخات , و تأوهات تشبه اللغة الصينية ..!!)

أنا مش هأعيد تانى واللى مش حافظ هيتمد على رجلية

**د .أشرف محمد كمال** · 06-04-2010, 10:25

المشاركة الأصلية بواسطة ريما منير عبد الله مشاهدة المشاركة

ايه ده يا دكتور والله بقيت تتشرط وعاوزلك ثروة علشان قلتلك بحجز كرسي خمس نجوم خلاص بطلت
ح علق بالسقف على المروحة سلة واتكوم بيها علشان أشوفك من فوق وانت بتشرح للتانيين وكمان ح كون ملمة بكل الأحداث وأي حركة ح ضرب بالمليان المكان محاصر هاااااا مين هناك وح جيب الشيبس والعصير والزممير من عند الكهف اللي جنبنا قصدي الدكان

أيوه كده من تواضع لله رفعه .. بس أنا هأشغل المروحة على الأخر

ولا حد فعلك ولا فرنك (بالمصري ولا مليم)
الموووهم يا خويا
هما كانوا بالعصر الحجري البيت من حق الزوجة

طبعاً يا أختي ..من يومهم مفتريين :(

وهو ح يجيب كهف تاني منين

لا.. هوا هيسطح فوق القطر

ولى يمكن ح ينام بالعربية بتاعتو أكيد يا دكتور كان عندو عربية قد الفيل ما تؤليش انو كان يديها مشويروا متورجل والا ح زعل منك وانت عارف زعلي وحش أوي

كان عنده ديناصور بيقضى بيه المشاوير البعيدة

كمل لنشوف آخرتها ايه

آخرتها خييييييير إن شاء الله

وحاسب على روحك من الشخليل اللي بتسمعها أودام الطاولة أحسن احنا محتاجينك ما تسبناش الا لما تخلص السلسلة الا هية عيار كام

لا أنت فهماها غلط دي الحيه أم الجرس

إلى اللقاء فى الحلقة الجايه
إن كان فى العمر بقيه

**د .أشرف محمد كمال** · 06-04-2010, 10:34

المشاركة الأصلية بواسطة يسري راغب مشاهدة المشاركة

دكتور اشرف الغالي
تحياتي
ولايهمك انا جنبك
انت اعط الاشارة
وحدد لي العدو من الصديق
عشان الامور ما بتكون واضحة كثير في هذه الحالات
بس اتمنى ما توصل للصواريخ
لكن بعيدا عن المواجهة الساخنة
اود ان اسجل تقديري واعجابي الكبير باسلوبك القصصي والروائي والذي يجعلنا نتابع عمل ادبي في الساخر رائع وراقي اكيد
دمت سالما منعما وغانما مكرما

دا العشم برضوا يا أبو اليسر
أنا طول عمري بقول معرفة الرجال كنوووووز
يا راااجل يعني لحد دلوقتى مش عارف مين العدو..؟!
طبعاً هي .......... إسرائيل
أخى الغالى شكراً لصمودك و كفاحك المسلح

**د .أشرف محمد كمال** · 06-04-2010, 10:37

[align=center]
الحلقة الجاية العصر الفرعوني
فانتظرونا
أوعوا تروحوا فى إى حته
[/align]

(سلسلة) لغــــز اسمــــه … الــــزواج ..؟!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث