مسابقة سبتمبر ووسام نجم الشعر

**جمعه محمد** · 21-09-2010, 22:13

*** ملاك انتى وانا دايب ف حبك دوب***
***وحالف انى اهواكى يا زاينه التوب***
***يا بسمه انتى بتفرح قلوب وقلوب***
***بحبك آه وباشتقلك وعن حبك انا ما هاتوب***

**علي عبد الله** · 21-09-2010, 22:28

بركان بيرمي حِمم قلبي يا متغرب
سيبك بقى م الألم خلّي الهنا يقرَّب
الرحلة دي للعدم واخداك بلا أوبة
وحبيبك اللي ظلم منك بيتهرَّب

**جمعه محمد** · 21-09-2010, 22:43

***بلاها دنيا هانعيشها ونخسر دين***
***تعالوا نحب بعضينا دى هى يومين**
*** ياريت يا اخوانا نفهمها وننساها***
***بلاش تضحك على عقولنا يا بنى آدميين**

**علي عبد الله** · 21-09-2010, 22:48

نَعْش الشهيد اللي ضحَّى لاجل غيره يعيش
طاير بعيد ف السما من غير جناح ولا ريش
عُرسه هناك في جنان الخلد والفردوس
نشوان تزِفه الملايكة بالفَرْح والتبشيش

**جمعه محمد** · 21-09-2010, 22:57

***شمس الهدايه نور لكل الكون***
***ونور نبينا محمد فاق كل وصف ولون***
***واللى يسير ع الطريق يكسب رضى الرحمن***
***واللى يخالف ويعصى هو دا الندمان****

**ماجى نور الدين** · 21-09-2010, 22:59

ـ ن ـ

نايم ياقلبي بتحلم بيوم تروح حدها وتشوف وتطوف

وتلازمك الدمعة ولا تقدر غير تلهث بـ دعا الملهوف

يارب جيت لبيتك ألبي وأكبر وبلهفة رفعت كفوف

يارب اقبل عبدك وطهر توبه وردّه بقلب عطوف.

ماجي

**علي عبد الله** · 21-09-2010, 23:06

في قلب سـِن القلم متغربة الكلمة
والحرف فوق الورق بتحوّطه الضلمة
فضفضلي قول يا قلم يمكن تريحني
وأريحك م الألم ونخفف الصدمة

**ماجى نور الدين** · 21-09-2010, 23:24

ـ ت ـ

تعال نكتب كلمة محسوسة في كراس الحياة

ونرسم وردة جايبة الأمل فـ عبيرها ونقول الله

وخلينا فـ بكرة اللي جاي بهمومه وتبقى لنا فيه رسالة

بكلمة حب نبتدي الدرس ونعلم إن الحب هو الله ..

ماجي

**جمعه محمد** · 21-09-2010, 23:34

***هاتقول كلامك يا قلم *
***ماتخافش م المحاسيب*
دا انت معاك ربنا هو اللى نعم حسيب
*اوعاك تخاف تنكسر او تنهزم وتخيب
*فضفض وقول كلمتك صيب الهدف يا طبيب***

**على قابيل** · 22-09-2010, 00:02

[align=center]بحرف من الأمل مكسور ودايب دوب على الأخر
هاعلق منى كام كلمة يادوب ع السطر وأتاخر
أنا صبر ووفا وإخلاص وشارب كاس مرار كافي
يوصل دمعي لاكتافي ومش حافي ولكن موقفي ساخر[/align]

**أميرة فايد** · 22-09-2010, 00:32

رحيم الله .. يزيح ، ويبدل الأحوال
تبات النار تزوم وتفور .. وتضحى أطلال
وثقل جبال يخف يهون ، وتتعدل
مفاتح فرجه .. دعا ، وحسن اتكال

**ماجى نور الدين** · 22-09-2010, 01:53

ـ ل ـ

ليه ياقلبي حزين والدمع فيك دايب

ومرارة ساكنة الحشا والله علقم من فُرقة الحبايب

يااااااه على فراقك يااااه على غيابك .. يا اماية

نفسي أقول الآه لكن تايهة مني الحروف والصبر آية.

ماجي

**يسري راغب** · 22-09-2010, 03:39

تبر ترابنا حلالنا
نحنا بنات العرب
وايش قدنا وقدودنا
على التبر ترابنا
والماس اخبارنا
احنا اللي نوثق كلامنا
وتهمنا حقايق كتابنا
هذا التاريخ نتصفحه
والطيب مسك وبخور
ما حدا يتعدى
على العالي
مقامنا
والحق مقالنا
وتسلم الحجازيه
عاليه وغاليه
يارب دوم مدلله ومدلعه
ولا حد يداني محرابها
ولايخدش صيامها
وصلاتها
رب العباد
ورمضان ينعاد
بسلامة
حالها
وحلالها

**جمعه محمد** · 22-09-2010, 05:08

***انا منك **انا ليكى***
***انا بعمرى**انا افديكى***
***لانك شطى مرسايا***
***ولما باتوه بالاقيكى***
***تحنى تطبطبى تضمى***
***وتشجينى بغناويكى***

**رحاب فارس بريك** · 22-09-2010, 05:32

مشاركة جمعة محمد
*وتشجينى بغناويكي*

__________________________

( ما أرخص وعودك )

يا ما حكيت كثير _ ويا ما خلفت وعود

غشيت مأصلك خبير _ودقيت عطبلة وعود

وعدت تكافيني بخير _ تحميني جوا العين

تبيعني لاجل الغير؟؟!! _ تسَهَل وإياك تعود

مسابقة سبتمبر ووسام نجم الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث