مسابقة سبتمبر ووسام نجم الشعر

**انوار عطاء الله** · 22-09-2010, 15:07

يا حبيبي رُدّ الجَواب ْ......ولا تْخلِّيني فِى حِيره
اكتب ولو كان عتاب ....اوْ ايْ شيئ غيره
كفاية صمت وقطيعة ,,,,,ونار بتحرق فييَّ
أنا حبيبي , ماأبيعه ......وقلبَه غالي عليَّ

**ماجى نور الدين** · 22-09-2010, 15:11

ـ ي ـ

ياحبيبي ..طمني عليك وقولي فين أراضيك

ايام تفوت وسنين والقلب لسة مستنيك

أقوله خلاص نسينا يسيبني ويناديك

وألقى في آخر نداه دمعة حيرانة اسيبها وإلااتكحل عليك

ماجي

**د.نجلاء نصير** · 22-09-2010, 15:13

يا اللي بتندهي علي اللي غاب ولا سألش
ليه ياحلوة من نيران البعد بتشكي
الأولي ماتبوح العين
باللي انكتب عليها فوق الجبين

**جمال عمران** · 22-09-2010, 15:22

نضيع .. ويضيع من العين دمعها
وتموت .. كل الزهور فوق غصنها
والأب .. يشرب من مراته دمها
والأم .. ترمى للديابة بنتها
* جمال عمران *

**د.نجلاء نصير** · 22-09-2010, 15:27

آه وألف آه من الظالمين اللي بدماء الضحايا متهنيين
ولما تسالهم يعملوا نفسهم مش سامعين
وتضيع الحقيقة ونفضل طول عمرنا ضايعين
مش لاقيين شط الحقيقة ومش عايشين

**جمعه محمد** · 22-09-2010, 15:37

***نار الحب فى قلبى بتكوينى
مسا وصباح***
ولو تنادينى تلاقينى
اطير ليكى بالف جناح
واشيلك جوا ف عيونى
وادفيكى ويحلى البوح***

**جمال فرح** · 22-09-2010, 15:48

إخوانى وأخواتى الأعزاء الكرام
الشعراء الرائعون
والشاعرات الرائعات
شكر وتقدير
ورجاء تحمله المودة والإحترام
لأخى الفاضل المبدع الراقى
يسرى راغب
وأختى الفاضلة المبدعة المميزة
آسيا رحاحليه
لطفا منكم أعزائى مراجعة شروط المسابقة
والمشاركة بناءا عليها
لكى تصبح صحيحة وداخل التسابق
وانا اعتذر لكم بشدة على حذف مشاركاتكم
اذ لم تكن مطابقة للشروط وفقط
عفوا أعزائى وشكرا من القلب
على حضوركم الراقى
وتواصلكم الرائع

**آسيا رحاحليه** · 22-09-2010, 15:59

وادفيكى ويحلى البوح***

حذفت سْطوري يا خيّي و محيتْ الحبرْ
بنقرة زر .. و في لحظة نهيتْ الأمرْ
و انا كان نفسي اتواصل مع الأحباب
و ماكنشت عايزة لا نجمه و لا ألقاب .

تحية تقدير و احترام لك أخي جمال فرح و آسفة على إخلالي بالشروط..
تمنياتي بالتوفيق للجميع.

**ماجى نور الدين** · 22-09-2010, 16:06

ـ ب ـ

باب المحبة انفتح وطلّ علينا شاعر

جمال الروح ساكنه ومعاه الفرح

جينا ياطيب نرمي عليك الود ونمسي

ياصاحب القلب الجميل ماهو انت الاسم والمعنى

ماجي

**جمعه محمد** · 22-09-2010, 16:40

يا ناس يا خلق يا عالم يا كل الكون
انا شاعر وكان قلمى كتير مجنون
يكشف حقايق يقول الحق أياً كان
لا يهمه مكسب ولا كرسى ولا سلطان

**ماجى نور الدين** · 22-09-2010, 16:57

ـ ن ـ

ناوي على ايه ياشاعر ياصاحب القلم الحنون

هتكتب ف الحب وغرامه وتعلي نبض القول

وإلا رح تغني لحن من كل معنى ولون

وإلا هينكسر سنه ويضيع منك لحنك وتبقى كما المجنون

وعجبي

ماجي

**علي عبد الله** · 22-09-2010, 17:04

ناس فوق ف سابع سما وناس ف سابع أرض
تِفرِق كتير إنما عايشين بطول أو عرض
لا قلت فيه مَظْلمة ولا قلت فيه تفريق
دي سُنّة الحَقّ فينا بس التراحُم فَرض

**ماجى نور الدين** · 22-09-2010, 17:21

ـ ض ـ

ضناني التعب وانهد حيلي م اللف والدوران

ادور على لقمة اسد بيها الرمق والرزق ع الرزاق

كتبت اسمي على حيطة مايلة وقلت اسندوني قبل ماتقع الاركان

وقلولي امتى رح ينصلح حالي وحال الخلق سبحان مقسم الارزاق

وعجبي

ماجي

**د.نجلاء نصير** · 22-09-2010, 17:30

قالوا لي اشتري الصبر من العطار
طال االانتظار ما جاني صبر
ولا فتح عطار وايش يعمل الصبر
مع اللي باع أهله وصبح غدار

وعجبي

**يسري راغب** · 22-09-2010, 17:32

راس الحكي
بدر البدور
نورت مكانها
واشرقت حروفها
هي الراقيه من يومها
والحكي اجمل سطورها
والقمر بيانها وعنوانها
مجبوله بصفات الحسن
والشجن احلى اشعارها
بتغني وهي عارفه
بتحكي وهي شايفه
وهيك اميرة المحكي
وهذا سلطانها
وانا هون واقف
هيك على بابها
ما احلى استقبالها
وما احلى مزارها

مسابقة سبتمبر ووسام نجم الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث