مسابقة سبتمبر ووسام نجم الشعر

**جمعه محمد** · 27-09-2010, 16:28

كلامى مش كلام فاضى كلام موزون
ولا فكرت اكون قاضى ولا اصلح بايدى الكون
انا هاكشف الاعيبهم واشاور ع اللى باع او خان
واقول حسبى انا ربى فلا يظلم حداه انسان

**د.نجلاء نصير** · 27-09-2010, 17:07

ناس عايشة علي همومها وناس بتقضي يا دوب يومها
ونا س مش لاقية ومن الحاجة
باعت هدومها وناس من كتر الفائض
مش لاقية للقرش مصارف وزهقت من فراغ يومها

**جمال عمران** · 27-09-2010, 17:21

الدنيا خدتنا ومش عارفين على فين خطاوينا
ساعة بنزعل وساعة بنفرح ماشي العمر بينا
وساعة نطول النجمة وساعة الدنيا تربط ايدينا
وساعة نشوفها حلوة وساعة تغمى لينا عينينا
* جمال عمران *

**جمعه محمد** · 27-09-2010, 17:48

الدنيا صحيح دواره ويا بختك لما تصالحك
تركب للسما طياره وتلاقى الحظ ضحكلك
الدنيا صحيح دوارة ويا ويلك لو كات ضدك
من نقره تلاقى دحضير ومسير الفقر يهدك

**د.نجلاء نصير** · 27-09-2010, 17:51

دنيا هي اختبار يا جنة يا نار
نمسك فيها بالنار لا نستطيع الفرار
مكتوب علينا ان نحيا فيها دون قرار
الشاطر هو اللي يعرف متي يأخذ القرار

**جمعه محمد** · 27-09-2010, 18:11

رايح وسايب كل شئ خلفك
لاهاينفعك مال ولا منصب ولا حتى كمان ولدك
عملك وبس هو اللى هايفضلك
ولو كان خيرهاتحلى الصحبه فى قبرك

**ماجى نور الدين** · 27-09-2010, 18:30

آخر مشاركة صحيحة للأستاذ جمعة محمد

رقم 458

من نقره تلاقى دحضير ومسير الفقر يهدك

ـ ك ـ

كدة الدنيا واخدانا وبتفرق خطاوينا

عايشين نجري ونسابق وهي بتطوينا

ووقت ماتيجي نهاية المشوار بنفتكر ماضينا

وقتها بس بنبكي على عمر هرب من بين ايادينا

وعجبي

ماجي

**جمال عمران** · 27-09-2010, 18:31

كلامك لما يكون م القلب يوصل ياعمنا لقلبى
وأحس بيه وأقدره مادام ماهوش متخبى
ونقدر نحل مليون مشكلة لو الكلام معقول
والكلمة تكون دوغرى مش كل قول غير قول
* جمال عمران *

**رحاب فارس بريك** · 27-09-2010, 19:00

ما ببدلك

لو لفيت كل الكون عرفت ياما من ناسي
غيرك يا روح الروح ما يملك احساسي
إنت عهد قطعتوا عحالي أبد مَبَدِلك بالغير
حتى لو موتوني وقطعوا جسمي عن راسي

**جمال عمران** · 27-09-2010, 19:11

يامصر ياأم النيل وام الكرم والجود
ياام النفوس مطمنة والإيمان موجود
احلفلك بكل غالى وبربنا المعبود
اسمك يبقى فى العالى طول ماانا موجود
* جمال عمران *

**جمعه محمد** · 27-09-2010, 19:14

( اخر مشاركه صحيحه كتبت ماجى )461
(وقتها بس بنبكى على عمر هرب من بين ايادينا)
( أ )
الدنيا بتظلم ناس وكمان بتفرح ناس
فيه عالم ليها اساس دلوقتى بقت تنداس
فيه ناس كانت ولا حاجه دلوقتى بقت ع الراس
وادى حال الدنيا يا باشا لا تفكر ولا تحتاس

**رحاب فارس بريك** · 27-09-2010, 20:38

خط الرجعة

سافر عبلاد الغربه واتركني، لا تهتم بدموعي
إزرع قلبي جوا روحك إقلعوا من بين ضلوعي
مهما جبت في بلاد بعاد رايح ترجعلي شي يوم
راح إرهنلك هالروح ولغيرك ما بيبقى رجوعي

**د.نجلاء نصير** · 27-09-2010, 21:09

يا لي بعدت وتوهت وغبت
بس رجعت تقول وتعيد
تحكي ف مالك وتزيد
انا بعد ماشقيت عن الغربة انا توبت

**أميرة فايد** · 27-09-2010, 21:39

تحرق نفسك ، جهلك ،خيبتك ،ونيران غلك
تحرق فرصة ترجع فيها .. تئوب عن غيك
تحرق صورتك .. ويبان ، كرهك ، زيفك ، مكرك
محفوظ القرآن يا غلابة .. ما يضيره عدائك أو كفرك

**ماجى نور الدين** · 27-09-2010, 22:55

ـ ك ـ

كفاية بقى لازم نخلع عباية الخوف

ونرمي حجر السكات فـ بحيرة الكلام

يعمل دواير ودوامات يمكن يطاوعنا الكلام

ونقدر نقول ونتحرر وفـ حشانا نزرع الأمان

ماجي

مسابقة سبتمبر ووسام نجم الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث