مسابقة سبتمبر ووسام نجم الشعر

**د.نجلاء نصير** · 22-09-2010, 21:56

ياأرضي في ترابك أنا ناسك
ولهواك أنا عاشق
يا حلوة ياللي من المشربية طلة
تسلم العين وتسلم ها الطلة

**جمعه محمد** · 23-09-2010, 03:44

هاراجع كل اقوالى وافعالى
واقول يا رب انا عبدك
نويت توبه تصونهالى
يا ريت نظره يا رب الكون
تغير كل احوالى

**ماجى نور الدين** · 23-09-2010, 06:04

ـ ي ـ

ياوابور الساعة اتناشر يافايت ع الاحباب

خدلي معاك ليهم اشواق وسلام وعتاب

وقولهم طفت ودقيت كل الابواب

ماحد رضي يديني عنهم أي جواب

ماجي

**علي عبد الله** · 23-09-2010, 08:24

بِعنا نهارنا بليل أسود كئيب حالِك
وبنينا لَجْل الفساد بُلدان ومَمَالِك
حاولت أصلّح عيوب الناس قالولي
خليك ف حالَك وسيب المُلك للمالِك

**انوار عطاء الله** · 23-09-2010, 09:12

كل ما تسْكت يقولو شِيطان مخَرّس
وابكم وكاتم ..علمك بس ليه؟
ولما تتكلّم يقولو عميل أو مكركس
والاّما تُدخلش فِالّّي مالاكشي فيه

**ماجى نور الدين** · 23-09-2010, 09:48

ـ هـ ـ

هات اللي عندك واكشف قناعك

ده المستخبي باين وبانت بشايرك

قلب ميت وروح يعلمها وحده اللي خلقك

مفيش داعي تخفي وشك ماخلاص بانت مصايبك

وعجبي

ماجي

**د.نجلاء نصير** · 23-09-2010, 10:21

كل الحكاية الضمير مات
أو خد إجازة في زحمة السكات
وان قولنا لحد ضميرك
يرد ويقول لو عندك هات

**ماجى نور الدين** · 23-09-2010, 11:23

ـ ت ـ

توتة توتة وشجرة مليانة بالتوتة

وتحتها حبايب بيتواعدوا يعيشوا الحب حدوتة

وآدي حكاية خلصت من قبل مايعزفوا النوتة

وآدي حكاية ابتدت بعد مافرحوا وجابوا بنوتة

وعجبي

ماجي

**د.نجلاء نصير** · 23-09-2010, 12:05

توتة وبنوتة جت فرحت الكل
ألف زغروطة
الحلوة دي بداية الحدوتة
وكل هم أهلها يشفوها مبسوطة

**ماجى نور الدين** · 23-09-2010, 13:10

ـ ت ـ

تيجي نسافر لبعيد والايد تفضل فـ الايد

لايهمنا ناس ولا وقت ولا مواعيد

أنا وأنت وبس نعيش احساس سعيد

لا فيه قال وقلنا ولاناس تعيد وتزيد

ماجي

**جمعه محمد** · 23-09-2010, 14:03

(د )
دا لو قولتى نسابق الطير انا موافق
ولو قولتى نعيش ف البحر او ف الجو
او ف الهو مانيش رافض
منايا ابقى وياكى ولا عمرى راح اتضايق

**د.نجلاء نصير** · 23-09-2010, 14:55

ق
قالوا يا بهية فيك كتيركل بنات حوا منك بتغير
وقالوا فيك غناوي وقصص وحكاوي
لما سألوا ليه عليك بغير
قلت أصل ترابك مهره غالي كتير

**انوار عطاء الله** · 23-09-2010, 15:02

ردّوا علي يا ناس ..

قلتو السكات غالي ويسوَى ذهب والْماس

ونسيتو حرو فْ ثمنْها.. منْ ارْواح تنْداس

وعشان الروح اغلى تبقى الكلمة اعلى

كلمة ضمير واحساس

كلمة ترد الحق ...وترفع كل راس ...

**ماجى نور الدين** · 23-09-2010, 15:09

ـ س ـ

سنين راضية بقسمتي ونصيبي مادمت انت كل أحبابي

معاك تحلى أيامي وأنسى كل خلاني

وتبقى أنت موج الحنية وقارب أماني

ولو طيرت أوصلك وأعيش العمر أقول ملكت أحلامي

ماجي

**علي عبد الله** · 23-09-2010, 15:38

يرحم زمان الشهامة ونخوة الفرسان
والتضحية والكرامة وغيرة الجدعان
ياللي امتطيت الحصان وتحسب انك بطل
لو يوم يخاطبك يقول انزل كفاية امتهان

مسابقة سبتمبر ووسام نجم الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث