(مسابقة أكتوبر للتواصل والإبداع ووسام نجم الشعر)

**أسماء المنسي** · 15-10-2010, 16:25

روحت فين وسايبني وحيد

ده أنا من غيرك ببقى شريد

تايه في غربة بيرها* كبير

وظلام دامس اخر البير*

*=بئر

**جمعه محمد** · 15-10-2010, 16:44

رميت الفقر قلب البحر ما غرقشى
وشيلت الهم ويا الحزن وقلت يا صبر ماصبرشى
جمعت الفقر ويا الهم ويا الحزن وقلت اهرب وما حصلشى
لقيتهم برضو ويايا وانا منهم ما باسلمشى

**جمال عمران** · 15-10-2010, 17:12

ياصاحب الملايين حس بالناس الغلابة ..
شغالين زى المكن ضايعين فى دنيا قلابة ..
لا حد يرحم فقرهم ولا ضعفهم فى الغابة ..
رد قاللى ده لو هاطُول أطعمهم للديابة ..
* جمال *

**أميرة فايد** · 15-10-2010, 17:21

تاهت ملامح الطريق لما اتبدر بالضباب
قلت أنغرس مطرحي لا أوبة ولّا ذهاب
عوت الديابة .. عديت ممسوس باقوم وأتكفي
في الحركة أو في السكون .. رهين طماني اللي غاب

**جمعه محمد** · 15-10-2010, 17:26

بعتلك سلام وكلام ولا سئلتى
وصفتلك دموع قلبى ولا رحمتى
شكيت وبكيت ورحت وجيت
ولسه انتى كما كنتى

**أميرة فايد** · 15-10-2010, 17:32

يمين الله .. حياتي فداه
وروحي تحاوطه ف كل اتجاه
تتمتم شفايفي بدعايا لحفظه
وهو اللي قلبي لعرشه إصطفاه

**جمال عمران** · 15-10-2010, 17:46

هاروح لناس تانية غير إللى عرفونى ..
يمكن الاقى عندهم معنايا ومكنونى ..
والاقى حد يفهمنى ويحس يعنى بشجونى ..
ويبقولى أحبا اخوات ومش وانا حى ياكلونى ..
* جمال *

**آسيا رحاحليه** · 15-10-2010, 17:51

هوّنها يا محزون و اصبر على الأيام
يفرّجها ربّ الكون اللّي أبدْ ما ينام
الهمّ مهما يطول لابد يوم يزول
بس انت قول ياربّ..يا خالق الآنام .

**آسيا رحاحليه** · 15-10-2010, 17:53

يا ناس ليه القلوب تقسى و تتغيّرْ
و الحبّ و الإحساس بالبعد يتأثّرْ
لو كان حبيبك حنون والأصل فيه الوفاء
كان في البعاد يشتاق... ويحن لك أكثرْ.

**أميرة فايد** · 15-10-2010, 17:56

رجمت إبليس بايدي وغسلت ثوبي
بنور يفيض في الحرم كفر ذنوبي
كل اللي فات انطوى ودي صفحة بيضا
يا دنيا لا تفتنيني ويا نفسي توبي

**جمعه محمد** · 15-10-2010, 17:57

يا محلاها وهى شايله شنطتها
مع نسمه تلاعب فى ضفايرها
وهى ماشيه تتعايق بمشيتها
بعجبنى برائتها ويعجبنى كمان اكتر شقاوتها
(مهداه الى ابنتى بمناسبه ذهابها الى المدرسه)

**جمال عمران** · 15-10-2010, 18:06

******
مبروك ياعم لبنتك وبكرة تروح الجامعة ..
وتعملك فرح هنا ياعمنا جمعة ..
ولما تتجوزبنتك تدعينا ونبارك ..
ويوم الفرح هاغنى وفى الرقص راح اشارك ..
* جمال *

**آسيا رحاحليه** · 15-10-2010, 18:12

يا محلاها وهى شايله شنطتها
مع نسمه تلاعب فى ضفايرها
وهى ماشيه تتعايق بمشيتها
بعجبنى برائتها خجلها ويا رقتها * ويعجبنى كمان اكتر شقاوتها
(مهداه الى ابنتى بمناسبه ذهابها الى المدرسه)

امّورة و شقاوتها أحلى شيء فيها
يا رب تحفظها و لينا تخلّيها
دي حياتنا من غيرها ظلمه , بلا طعمه
لو بالعمر و الروح أنا كنت أفديها .

**جمال عمران** · 15-10-2010, 18:27

للعلم الناس مش ناقصة سواد ..
لكن السلطان خلاها أسود ع العِباد ..
واليوم إللى جى أسوأ م إللى راح ..
وهانلبس على اللقمةا لحاف حداد ..
* جمال *

**جمعه محمد** · 15-10-2010, 18:36

دعيت الاهل والاحباب
وقلت يا ماجى قلت رحاب
وفين انوار وعقب الباب
تعالوا تحلى سهرتنا يا اعز اصحاب

(مسابقة أكتوبر للتواصل والإبداع ووسام نجم الشعر)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث