(مسابقة أكتوبر للتواصل والإبداع ووسام نجم الشعر)

**أميرة فايد** · 15-10-2010, 18:39

برجل عارجة وعيوني شبه الضريرة
وبرغم ضعفي بدون عتاد أو ذخيرة
خضت ف طريق الحق والنور غمرني
هارمح ولو صنفوني فيه الأخيرة

**جمال عمران** · 15-10-2010, 18:40

بقالى سنين بادور لى على عنوان ..
لقيتنى كنت هناك لكن من زمان ..
كنت فوق جبل العروبة و الكرامة ..
والنهاردة بالإحتلال كل يوم باتهان ..
* جمال *

**آسيا رحاحليه** · 15-10-2010, 18:56

نعيم الدنيا لا بالجاه و لا بالمال
نعيم الدنيا حب الناس و راحة بال
واحساسك بان الخير جواك كتير
و ما بين الحقد و بين قلبك..
جبال و جبال .

**جمال عمران** · 15-10-2010, 19:10

لالوم علىّ لوحبيت والقلب يتوجع ..
يضيع قلبى لا يوم ألاقيه ولا رِجِعْ ..
وانا زيه باضيع فى الحروف ..
لا فى مَرَة بقيت قافية ولا مَرة أتسِجعْ ..
* جمال *

**انوار عطاء الله** · 15-10-2010, 19:11

على الوجع ننام وأعيونا مليانة بالاحلام ..
ونغوص في بحر الامل والشوق
نلاقي امانينا في اجمل الالوان
نفرح ونتمنى لو عمرنا مانفوق

**أميرة فايد** · 15-10-2010, 19:17

قلقلت بحر سكوني البليد
وغرست زهرك ف قلب الحجر
هديتني نجومك.. فداب الجليد
وباس طرف شالي خدود القمر

**جمال عمران** · 15-10-2010, 19:17

رايح بلاد بعيدة والفلوس حلمى ..
ركبت البحر وقالولى الطريق سلمى ..
لقيتنى فى سجن البلاد الغريبة ..
سنين باحلم بلون علمى ..
* جمال *

(مشاركاتى للتواصل ورغبتى فى أن أكون بينكم وأسعد بكم ، وهى خارج المسابقة ..)

**جمعه محمد** · 15-10-2010, 20:02

بدايه من المشاركه 54 الاستاذجمال عمران
(سنين باحلم بلون علمى)
حرف الياء
ياعم باركلى انا جيبت وابور
وكمان جيبت اللمبه ام عويل
لا تقول كهربا واسعار فواتير
مين عارف ايه تانى هايصير
******
وعجبى

**أميرة فايد** · 15-10-2010, 20:35

ريحة دخان ريحة شياط
بلية اتشتم بدأ الشباط
قرن الغزال ويا السيوف
ختمت بدم والحي زاط

**جمال عمران** · 15-10-2010, 20:37

طمني قلبي بكلمة ياحبيبة الروح ..
بحبك بس مش قادر بحبك أبوح ..
وبُعدك عنّي يولَع في قلبى لهيب ..
وقُرْبك يداوى الآلام والجروح ..
* جمال *

**ربيع عقب الباب** · 15-10-2010, 20:59

حصبر يمر الالم و الجرح يهده
قلبي كواه الندم شبع مناهده
و لا عدت عارف على أى بر أرسى
وأنا اللى ياما كنت مينا ومرسه

**ربيع عقب الباب** · 15-10-2010, 21:01

جمال الصديق العزيز
تمنيت لو حذفت مداخلتك أنت
فأنت صاحب البيت .. لا أن تحذف للعزيزة أميرة !!
شكرا

وفقكم الله

**د.نجلاء نصير** · 15-10-2010, 21:07

هو البر فين وأنا أرسي عليه
سارح في ملكوت الرحمن
تمنيت اوصل لنهاية الشطأن
رد البحر وقال بتحلم يا تعبان

**أميرة فايد** · 15-10-2010, 21:19

نعم كتير ربنا بيها حبانا
ونعم كتير برضه بغيابها ابتلانا
لا يغرك المنع .. أو العطا - الاتنين
آخر المتمة اختبار لحمل الامانة

**د.نجلاء نصير** · 15-10-2010, 22:01

تعالوا نحمد ربنا علي نعمه
ونعيش بالرضا وننول فضله
دي الدنيا مهما طالت بنا
لازم يجي يوم ونقابله

(مسابقة أكتوبر للتواصل والإبداع ووسام نجم الشعر)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث