مسابقة مارس للتواصل والإبداع ووسام نجم الشعر

**سيدة الشولى** · 02-04-2011, 17:41

[align=center]
يخايلني شريط العمر قدامي
وأشوف ما مر تحزن فيا أحلامي
تقول لي حرام
يضيع منك ربيعِك ليه وتنضامي ؟!
[/align]

**أسماء المنسي** · 02-04-2011, 18:13

ياما كنت في حبك بعادي

وأقول مش هي دي بلادي

كنت رسماكي في خيالي

أحلى بلد يا بلادي

ودلوقتي بقولك

أنا بحبك يا بلادي

**نهى رجب محمد** · 02-04-2011, 19:23

يا حلوه ليه توبك غالي؟

*يا حلوه ليه توبك غالي؟
-أصله هداه ليا الغالي
من ألف شال عجبو شالي
وطلبت نجمه جبهالي
ساكن ف قلبي مقامو عالي
------------------

نهى رجب محمد
ريشة المطر

**د.نجلاء نصير** · 02-04-2011, 19:37

يا أم الشهيد يلا اتحني
وبزفافه للحور اتهني
دا بدمه نور لي حياتي
فتح طريق ليا واخواتي

**د.نجلاء نصير** · 02-04-2011, 19:41

يا أم الشهيد يلا اتحني
وبزفافه للحور اتهني
دا بدمه نور لي حياتي
فتح طريق لاخواتي

**وليد الوصيف** · 02-04-2011, 21:15

[align=center]يا أم الواد اللي أصبح شهيد
طوق الورد دا هدية من الشعب ليكي
ودي صورة ابنك فوق طوق الورد فرحانة
زى طيور السلام ع الجنة سبقانه[/align]

**مها ضرار** · 03-04-2011, 06:18

[align=center]
هــمّ الـلي عـاش مـشغـول بجــمع المال
عَــمَـاه و شـافـُـه مـُسـتـبـاح و حــــلال
و أمي اللي ربت بالحلال زينة الرجال
فـَدِت لـمصر أخـوها و ابـنها و الـخـال
[/align]

**محمد فتحى السيد** · 03-04-2011, 09:39

[frame="3 98"]
لالا يازمن الظلم لالا ياوكر اللصوص
احنا بسلاح العلم هنعدى فيكوا ندوس
اصحوا بقا م الحلم هاتوا الدهب والفلوس
السلطه صبحت وهم وحياتكوا صارت كابوس
[/frame]

**وليد الوصيف** · 03-04-2011, 09:56

[align=center]ساعات قيام الثوارة كانت ميلاد
لشعب جديد كله عزه وكرامة
م يقبل لو يموت كتير م الولاد
يعيش من تاني في ذل ومهانة

[/align]

**محمد فتحى السيد** · 03-04-2011, 10:28

الشاعر وليد الوصيف باقة محبة وتجميع لمشاركاتك فى مسابقة مارس 2011

الشكر كل الشكر لك شاعرنا على مشاركاتك الرائقة

في مسابقة شهر مارس 2011

وباقة محبة وتقدير أرسلها لحسك الشعري المتدفق في حب الوطن

وهذا تجميع لمشاركاتك الطيبة في المسابقة لتيسيير التقييم ،

والاستمتاع بقلمك المبدع ..

الشاعر المبدع ..:

>> الأستاذ وليد الوصيف <<

1
يا أم الواد اللي أصبح شهيد
طوق الورد دا هدية من الشعب ليكي
ودي صورة ابنك فوق طوق الورد فرحانة
زى طيور السلام ع الجنة سبقانه
*****************
2
ناس يا أسماء في الوهم عايشين
وهما لا إخوان ولا سلفين
هما مجرد شلة وحوش منتفعين
هدفهم المال والكرسي الحصين
**************
3
والله لا فهمين ولا عارفين
يعني أيه طريح الحُسين
أنا شايفهم ناس مساكين
رصاص..لكن الموجه مين ؟
****************
4
تمام ولا مش تمام
أصل أنا لسه خايف
الجحر لسه فيه فيران
وأعمه اللي مش شايف
*******************
5
دايماً أجمل صبايا الأرض في الكون كله
يا قليل عليكِ لقب المحروسة وأم الدنيا
يا أم حباله في بشر يتحملوا الشقي وذله
وعمرك مطاطيتي رأسك ولا حتى ثانية
****************
6
نلون بدم الشهيد كل شفايف الصبايا
لجل يظهر جمالها في ليل عتمه حالك
دا دم شربات بلون الفرح في عرس الصبايا
يروي مصر من القرى لحد الزمالك
*****************
7
رحلة عمري كانت مر
تلاتين عام وأنا مش حر
علشان كده دلوقتي أنا خايف
أبقي في حلم ساعات ويمر
******************
8
نار في قلب أم الشهيد
تحول عتمة الليل نهار
تحرق كل بلاد الجاليد
تخلي الجبان ينضم للثوار
*******************
9
كافح يا شعب واسترد أمجادك
وأطوي صفحات العصر اللي عدا
وامحيه كمان من ذكرياتك
وأبني وعمر في أقل مده
*******************
10
همشي في طريقي عدل
وأطلب خدماتي ببساطه
ولازم زمن الرشوة يتقتل
هو وأخوه زمن الوساطه
***************
11
روح شهداء الثورة
ثأر ما بينا لأخر العمر
شعبنا عمره ما يقول مالنا
ويشربوا أهل الشهداء مر
*****************
12
تمر السنين على الفاسد نعيم
ويسمح للظلم يكون شعاره
ويصدق كذبه عاشها سنين
فارس مش هيخسر يوم مكانه
*******************
13
ساعات قيام الثوارة كانت ميلاد
لشعب جديد كله عزه وكرامة
م يقبل لو يموت كتير م الولاد
يعيش من تاني في ذل ومهانة

باقة محبة وشكر نهديها لهذا الجمال

لشاعرنا المبدع الأستاذ

وليد الوصيف

وإلى باقة محبة أخرى وشاعر آخر
من المشاركين في مسابقة شهر مارس
شكرا لكم
محمد فتحى السيد

**مها ضرار** · 03-04-2011, 11:37

همك يا مصري كان ف القوت و ف المأوي
وأما جمعـت الـقـوي , بقيت الأبقي و الأقوي
مــش محــتاجـــين منكم وصفـه و لا فـتــوي
و اللي صنع عـِزته , مــــاتـهـِدُهوش بــلــوه

**سيدة الشولى** · 03-04-2011, 14:09

[align=center]
هُما اللي قِدروا بدون سلاح
عَ المخفي / الطاغي اللي راح
يعجزوا عن شيء / خلاص
المصروة عَ الطريق والليل / رواح
[/align]

**وليد الوصيف** · 03-04-2011, 17:11

[align=center]حلم الجنين اللي لسه هيتولد
يغور الجبان قاهر الأحلام
إتحقق ويا بخت اللي ها يتولد
من 25 يناير لأخر الزمان[/align]

**د.نجلاء نصير** · 03-04-2011, 17:34

نسايم الحرية طلت علينا
لما اتقفنا نلملم بعضينا
وكلمتنا بقت واحدة وشبكنا ايدينا
ودم الشهيد دين ف رقابينا

**سيدة الشولى** · 03-04-2011, 19:05

[align=center]

أنت نايم يا عتريس بجد ؟!
والا فاكر صحيح ماتت ( فؤادة ) ؟!
( فؤادة ) يا عتريس / إن ماتت
كلنا يصيبنا مواتا
مهيَ مش حُبك لوحدَك
حَبْهَا قبلك وبعدَك
شيء وشويات قلوب /
برهنوا / وراهنوا / عليها
أشعروا /عنها / وفيها
حب / فاق بعد الله / عبادة .
[/align]

مسابقة مارس للتواصل والإبداع ووسام نجم الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث