مسابقة مارس للتواصل والإبداع ووسام نجم الشعر

**سيدة الشولى** · 21-03-2011, 14:19

بس الحساب يوم الحساب وف الدنيا بني أدمين
حق / يشوفوا عدالة / الرب في الظالمين
عبرة لمن يعتبر / تنشاف بأم العين
واللي أتأخر جزاه
يمهل ولا يهمل / ولكل ظالم حين

**د.نجلاء نصير** · 21-03-2011, 14:28

نصر رب العالمين موسى على فرعون
وثورة التحرير صحوة هزت الكون
والحق مهما ضاع لابد يرجع يوم
وينعدل الميزان بنصرة المظلوم

**سيدة الشولى** · 21-03-2011, 15:03

[align=center]
معلوم يا بنت الأصول معلوم
لكل ليل فجر بعدُه /
ولكل ظالم يوم
ولكل مطرة غيوم
تجلي سواد الدرب
وتغسل نوايا القوم
[/align]

**د.نجلاء نصير** · 21-03-2011, 15:34

مرحب وأهلا بسيدة الشولي
علمينا يا ست الحرف واطربينا
والمعاني الأصيلة \فهمينا
مسير الحق يعلا وينور خطاوينا

**سيدة الشولى** · 21-03-2011, 15:47

أهلا بك يا نجلا / يا أميرة وغالية
وحياة اللي سوا / أخلاقك العالية
راح نشعِر ونشعِر
ونخليها حفلة/ بحروف شعر دالية

**د.نجلاء نصير** · 21-03-2011, 16:01

تسلم الموهبة وصاحبتها
اللي كلنا نسعد بصحبتها
نشارك الثورة فرحتها
ويحفظ ربي نصرتها

**محمد فتحى السيد** · 21-03-2011, 16:07

[frame="3 98"]
الله على نجلاء وسيده الشولى
شدوا العيون ليهم والكل غنولى
بالحكمه والأخلاق نسجوا على نولى
وبلهفة المشتاق شدوا خيوط قولى
[/frame]

**جمعه محمد** · 21-03-2011, 16:23

( مهداه الى شاعرتنا القديره / سيدة الشولى التى شرفت المسابقة بتواصلها الرائع لاننا نتعلم منها ونستفيد من تواجدها)
أنا جيت بصيت ولاقيت قمرات
ولمحت قلوب زى الشربات
ولقيتنى بطير فوق ف السماوات
علشان / سيدة أختنا وسطنا
نتمنى تعيش ف سعاده وهنا
وتسمعنا أحلى الكلمات

**سيدة الشولى** · 21-03-2011, 16:37

[align=center]
تابت فلول صاحبك وقالت يا استقامة !
عرضوا المقايضة بالفلوس يا ميت ندامة
مليار / ورا مليار / يا مين يزود ؟!
صلوا ورا الشيطان / يا الله السلامة
[/align]

**د.نجلاء نصير** · 21-03-2011, 17:50

تحايل وكذب شوفوا الندالة
وبيع الذمم دلوقتي استحالة
لو القضا باع منين تيجي العدالة
كلها ألاعيب شيطان بدماغ شغالة

**جمعه محمد** · 21-03-2011, 17:57

كل الشكر لجميع الشعراء والشاعرات المشاركون والمشاركات
بمسابقة التواصل والابداع لشهر مارس
واستغل هذة المسابقة لاكتب فى
( فى حب مصر )

سألونى بتحبها ؟؟؟ أنا قلت آه وبدوب

قالولى فين مهرها ؟؟؟ غزلت دمى توب

لاجل إنى اصون ارضها ويعودلها المسلوب

وحلفت عن حبها ابداً لا يمكن اتوب

**سيدة الشولى** · 21-03-2011, 18:17

بتحبها يا جمعة ؟
أه ممكن / ويمكن
مش أكتر مني أنا
لا يُمكن / لا يُمكن

**د.نجلاء نصير** · 21-03-2011, 18:33

نقول كلنا بنحبها دي أصيلة
لملمت ولادها وجمعت العيلة
وف ثورة التحرير ايد واحدة يا حليلة
هنوا يلا واعملوا هيصة وهليلة

**جمعه محمد** · 21-03-2011, 18:40

هى كده يا ولاد
الكل عاشقينها
قربنا ولا بعاد
ف قلوبنا شايلنها

**د.نجلاء نصير** · 21-03-2011, 18:55

الله على بلادنا ف عيوننا شايلنها
وأقسمنا كلنا نحفظ تراب طينها
من أرضها يطرح عمار خيرنا
ومن نيلها أحلى ميّة تجري ف شرايننا

مسابقة مارس للتواصل والإبداع ووسام نجم الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث