مسابقة مارس للتواصل والإبداع ووسام نجم الشعر

**آسيا رحاحليه** · 03-04-2011, 19:10

أيام وصاحب الكون يداولها بين الناس
اللي زمان فرعون بالظلم وحده ساس
أهو في الحضيض مدفون يشرب في مرالكاس
لا تخاف يا محزون ربك شديد الباس

**د.نجلاء نصير** · 03-04-2011, 19:27

سألوني عن مصير كل ظالم
رديت وقلت ربنا وحده العالم
ما هو يا بخت من بات مظلوم ولا باتش ظالم
والدنيا دي مسرح كبير للمظالم

**نهى رجب محمد** · 03-04-2011, 19:35

سيدي يا سيدي ع الأبرار

سيدي يا سيدي ع الأبرار
سيري يا مركبة بالأخيار
متقلش ماتو وتبني مزار
عايشين في جنة الأحرار
----------------------
نهى رجب محمد
ريشة المطر

**نهى رجب محمد** · 03-04-2011, 19:51

مين اللي يقدر يبقى أمين

مين اللي يقدر يبقى أمين
يدعي بدعوة المسكين
واحنا نرد نقوله آمين
ندرن عليا لوزع تين
ومسبش عيل يبقى حزين
---------------------
نهى رجب محمد

**وليد الوصيف** · 03-04-2011, 22:48

[align=center]نكتب إسمك يا مصر بحروف من دهب
عشان كل ما تزيد نارك تزيدي باريق
وشبابك في الثورة يايد في قلوبها لهب
تحرر ترابك من كل خاين في الطريق[/align]

**نهى رجب محمد** · 04-04-2011, 03:11

قدرك يا غاليه تبقي أميره

قدرك يا غاليه تبقي أميره
حفضه تملي حق الجيره
دايما تعدي خطوه عسيره
نفسي أشوفك شمس منيره
ع الأصل دور كله بخيره
-----------
نهى رجب محمد

**د.نجلاء نصير** · 04-04-2011, 05:33

همس الحروف ما يوفيهاش حقها
دا كفاية يا ناس شمسها وضلها
والكل يعرف طيب أصلها
وجدعنة ولادها وفخرها

**نهى رجب محمد** · 04-04-2011, 07:22

هاين عليا أموت بدري ولا اشوفش دمعه من عينك
مصريه من ساسي لراسي يا ريتني كنت أنا فداك
ولا غبش عيل من دارك،مجنون ده مين اللي نساك؟
صف الأحبه على بابك ،لايقة يا ناعسة ف زفافك
--------------------
نهى رجب محمد

**د.نجلاء نصير** · 04-04-2011, 09:46

كانت وهتفضل حضنانا
مهما بعدنا عن ترابها ملزمانا
في حزننا مواسيانا
وف فرحها دعيانا

**سميرة ابراهيم** · 04-04-2011, 09:53

[align=center]ان كان كثير علي أحمل همك يا بلادي
فانتي شايلة همي من مولدي
تعبت ادور ..على مينا استقراري
ضاع عقلي والاحلام شتتت أفكاري

[/align]

**سيدة الشولى** · 04-04-2011, 10:00

[align=center]
يا ستي أنتي يا حبيبتي
في قلبي مهما معاه غِيبتي
الظالم اللي كان أسرِك
يصونِك المولى / وطِيبتي
[/align]

**سيدة الشولى** · 04-04-2011, 10:08

أخوتي الكرام المشاركين في مسابقة شعر العامية
والسادة أعضاء لجنة التحكم -
أعتذر مقدما لإنقطاعي عن التواصل معكم اعتبارا
من الغد - نظراً لسفري إلى المغرب ان شاء الله
لحضور مهرجانات الشعر هناك -
ألف مبروك للأخ أو الأخت الفائزة مقدما
لكم مني أجمل الأمنيات بالتوفيق

**نهى رجب محمد** · 04-04-2011, 10:10

إحنا التلامذه

إحنا التلامذه يا محلانا
عايشين حياتنا على هوانا
نكبر ونرسم أمانينا
والحلم أخضر ف عنينا
---------------------
نهى رجب محمد
ريشة المطر

**وليد الوصيف** · 04-04-2011, 10:10

[align=center]يا أم الدنيا رأس أولادك مرفوعة
واللي رافعها مش شيء غير اسمك
وإنتِ ها تفضلي لأخر العمر منصورة
عرفه ليه لأن ربنا هو اللي حارسك

[/align]

**نهى رجب محمد** · 04-04-2011, 10:19

ياما سهرت

يا ما سهرت الليل جنبي
حضنا دماغي وبتبكي
واهي أزمة صعبه واتعدي
والرب تدعيه وينجي
------------
نهى رجب محمد

مسابقة مارس للتواصل والإبداع ووسام نجم الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث