بحب الحكومة، بحب الحكومة
وليكم عليّا لاعمل عزومة
وادبح جاموسة وحمارة وبهيمة
لاولاد الذينَ ولاد اللئيـ ...
-
قومي يا مصـر وقولي لي: ليه معاكي احتـار دليـلي
النهـارده مكشَّـرة، وف الماضي كنتِ بتضحكي لي
مش هو ده وشِّك يا غالية، حتى نيلك مش هو نيـلي
والناس كمان اتغيرت، ولقيت عـدو مكان زميـلي.اترك تعليق:
-
المشاركة الأصلية بواسطة ahmed_allaithy مشاهدة المشاركة
آه ألف آه يا دكتور أحمد آه ألف أواه!
أيش نصنع إذا كان السلطان من سلالة جنكيز خان!
لقد تصالح جنكيز خان مع الموساد ولم يتصالح بعد مع الانسان!
اترك تعليق:
-
اصحى يا نايم، النومة طالت، وطول العمر مش مضمون
الضامن الرَّزَّاق، والرزق ما فيه حيلة، والحِيَل شكوك وظنون
والظن إثم، والإثم خيبة وندم، والندم ما فيهش سكون
والسكن زوجة، والجواز غالي، والغلا يصحِّي عيـون.اترك تعليق:
-
حب الحكومة دا واجب علينا
وخدمة جنابها دي كلّ ما لينا
نبـوس بحرقة إيديها الأمينة
وشوطة رجولها علامة وفينـااترك تعليق:
-
يا سيدي الحكومة دي زي المدام
تتعب وتشقى، وعيشتـك سُخـام
وان جيت ف مرة تقول ده حرام
قول على نفسك لربي الدوام.اترك تعليق:
-
بحب الحكومة وحبي شديد
أمِدِّلْها إيدي تمـد في إيـد
وتلطم خدودي وقلبي سعيد
أصل كرامتي كرامة عبيـداترك تعليق:
-
امتى الزمان يسمح يا جميـل
وينضفـوك يا نهـر النيـل؟
وارجع أغنّي فيك مواويـل
ووهيبة تمشي عليك وتميـل.اترك تعليق:
-
فلاح بلدنا وعاجنـة البلهارسيـا جِتِّتُـه
أصل أبوه النيـل وشـرب من مَيِّتُـه
قالوا: ظلمت النيل! طب قولوا مين موِّتُـه؟
هي يعني البلهارسيا من اختراع حضرتُـه؟اترك تعليق:
-
آه يا خليلي في وقت الخل شيء نادر
كان الصفا ف قلبي حقيقي مش عابر
بسطت إيدي بالسلام والنية خالصة
قطع إيدي وقال لي أصل الزمن غادراترك تعليق:
-
شاب راح العراق يحارب، ويتعارك، ويزيد المناسف
قال يا ناس دلوني ع الأمريكان اللي نورهم خاسف
نفسي اشيل رشاش ولا مدفع ولا صاروخ وأحارب
قالوا: منين؟ قال: مصري. قالوا: البس حزام ناسف.التعديل الأخير تم بواسطة د/ أحمد الليثي; الساعة 15-10-2007, 12:21.اترك تعليق:
-
عراقى قال لامريكى ليه خربتو ديارنا
قالو دا برضه السؤال ده عندنا محيرنا
والبشابوش راسو والف جزمة قديمة
ال ايه جايبنا للعراق لجل يمشوارنااترك تعليق:
-
توب عليَّا يا معين من قلة القيمة والسلف والدين
بقى لي في شغـل الحكومة سنيـن تجـر سنيـن
لا عمري اختلست مليم، ولا خدت رشوة باليمين
ولا كلت لقمة حرام، وكله يا قوي- بعـرق الجبيـناترك تعليق:
-
قبضت المرتب وجريت هوا على جـزار الحتـة
لاجل أوفي بوعدي للمـدام وللعيـال الستـة
اديته نص المرتب حـط لي عضم ودهـن وشغت
وقال على قد الفلوس، دا مرتبـك كله ناقص حتة.اترك تعليق:
-
حطيت رحالي على اعتابك وقلت خلاص ترحـال
ورميت نفسي في أحضانك وضميت سهول وجبال
وبست الحجر، والشجر، والتراب، والنيل، والناس
دا حضـن الوطـن يا خوانَّـا ما تعوضـوش أمـوال.اترك تعليق:
يعمل...
😀
😂
🥰
😘
🤢
😎
😞
😡
👍
👎
☕
اترك تعليق: