د0 احمد الليثي
جميل ما تفضفض به بل رائع
أما عن الفصحى والعمودي والحر
فلا أحد يولد وهو متقن تمام الإتقان
ولكن من سار على الدرب وصل
طبعا إذا كان عنده نية وعزيمة
تحاياي
عارف عاصي
-
أ/ عارف
د/ جمال
شكر الله لكما مروركما، شرف لي أن تمر عيونكم على كلماتي.
والحقيقة أنا أهرب إلى العامية لأني غير متمكن من النظم بالفصحى، وأؤمن أن الكتابة الجيدة التي تستحق تسميتها كشعر بالفصحى يجب أن تكون عمودية. وليسامحني كتاب الشعر الحر وغيره؛ فأنا دقة قديمة. أما لماذا أكتب فهو كما اسم الموقع "فضفضة".اترك تعليق:
-
رباعيات جميلة أخي د. أحمد
فيها نقد اجتماعي لاذع
أراك ما شاء الله متعدد المواهب
أحسنت و بارك الله فيك
و لك الوداترك تعليق:
-
يعني ياعم أحمد
الواحد لازم يكون كويس
وشوف أنا بكلم نفسي ازاي
خدها من قصيرها وامشي جنب الحيط
ولا تقرا لدا ودا خليك ويا وِلْد 0000
وردد وراهم مدد والبس لهم زعابيط
وكدة تكون الحبيب ترتاح من التنطيط
وعجبي
عارف عاصياترك تعليق:
-
صاحبنا عمره ما اتوضى ولا صلى في يوم من الأيام
جاله رمضان آل أتوب، وراح استحمى قوام
سمع الفجر لفع جلابيته، جت لنص الرجل ع السُّنة
دخل بيت الله ... شافوه ... وراحوا مقدمينه إماماترك تعليق:
-
تابع رباعيات مصري
**********
شابة جميلة لابسة ع الموضة ومتغندرة
حاطه أحمر وأخضر وحاجة كده مسخرة
ماشية من العجمي وسحبانا للمندرة
طيحت صالح أعمالنا، ورجعتنا لورا.
**********
شاب عامـل ظريف واقف بيتنحنـح
بين بنات الجامعة، دِهْ مليحة ودي أملح
فتح بقه بيتغزل طلع الكلام أشـوح
يا خيبة شباب اليوم والبنات أبجح.
**********
صاحبنا عنده حَوَل في عينيه يمين وشمال
سمع خطـوة صبيـة بتدب بالخلخـال
قام التفت بودانـه، والخشم عنده مال
هيعمل أيه في الحَوَل؟ بيعـوَّض المحتال.
**********
طلعت في راسي فكرة، عجيبة جهنمية
اشتغل رقاصـة يعني سِنادة للماهيـة
لقيت وزير الثقافة بيقول يا عيني عليا
قلت الرقص مش عيبة، لكن "الثقافة" بليّة.التعديل الأخير تم بواسطة د/ أحمد الليثي; الساعة 10-03-2010, 16:20.اترك تعليق:
-
الأخت الفاضلة الأستاذة أمال مصطفى حفظها الله
أشكرك لك لطف عباراتك، ورقيق تعبيرك، ومرورك الكريم.اترك تعليق:
-
[align=center]وعجبـــــــــــــــــــــى
الله عليك ياشــــــــــــــاعرنا
كلامك والله فكرنى بعصر الأصالة
واول ماقريت رباعياتك علطول أفتكرت شاعرنا الجميل صلاح جاهين
ومن جمالها قريتها كتير ...مرة ورا مرة
تسلم أيدك ويسلم قلمك الجميل
تقبل مودتى وتقديرى
آمال مصطفى[/align]اترك تعليق:
-
رباعيّات ليْـثِـيَّة
مشيت على النيل لوحدي فارع وبتمخطر
لابس عباية وطربوش قال يعني بتنمنظر
شافني شايب كبير قال يا بني شوف ضهري
بكره ضهرك ينحني زيي، ويكون الخبر أخبر.
**********
روحَّت بيتي لقيت أم العيال ساكتة
وَغْوِشِتْ قلبي وقلت دي ليلة مش فايته
مالك يا حبة عيني أيش عكّر مزاجك؟
قالت لي: غلّوا الخيار، وما رخَّصوا القتة.
**********
ليَّ عند الحكومة مصلحة وانا موظف
رحت للافندي قلت يا سيدي لو تعرف
دابت كعابي من اللف، واحنا برضه زمايل
قال لي إبّ بالمعلوم، أصلي م الكلام باقرف.
**********
شفت ست عجوزة شايلة حمـول يا مـا
وماشية بتتعكز، وعيشتها يا عيني دوامـة
هوِّن يا رب علينا، قلت ياللا آخد بإيدها
قالت مين اللي بينادي، مش شايفة إلا غيامة؟
**********
صاحب البيت اتصل بيزعق وعَ التليفون
قال لي زاد إيجارك يافندي، من بكره بقى مليون
قلت له ماشي كلامك وفوقه كمان بوسة.
أيش ياخد الريح م البلاط؟ باين عليه مجنون.
**********
باصحى كل صباح أقوم أجيب الفول
وافطَّر العيال وامهم وأهلي وكلي ذهول
واخد العيال ع المدرسة، واروح طيران على شغلي
ويخصموا مرتبي، وِفْ شغلي كمان منقول.
**********
قعدت في بيت الله اقرا آيات قرآن
واستنى صلاة الفجر وقلبي فِ اطمئنان
سحبني من قفايا العسكر وجروني لابو زعبل
وقالوا يابن اللئيمة، دي أوامر السلطان.
اترك تعليق: