رباعيّات ليْـثِـيَّة

د/ أحمد الليثي · 10-05-2011, 07:01

المشاركة الأصلية بواسطة صابرين الصباغ مشاهدة المشاركة

[align=center]
حريق النار يُحتمل ولا نظرة الحاسد
ونار الثورة تهون .. ولاجنة الفاسد
شربنا المر كاسات وأكلنا المسرطن
يحصدنا الموت جماعة وهو لخيرنا حاصد
[/align]

أنا باقول الرباعيات نورت.
والآن عرفت السبب.
حياك الله أستاذتنا الشاعرة المُجيدة صابرين الصباغ.

صابرين الصباغ · 09-05-2011, 00:51

[align=center]
حريق النار يُحتمل ولا نظرة الحاسد
ونار الثورة تهون .. ولاجنة الفاسد
شربنا المر كاسات وأكلنا المسرطن
يحصدنا الموت جماعة وهو لخيرنا حاصد
[/align]

د/ أحمد الليثي · 30-04-2011, 10:12

[align=center]
قالوا بعد الثورة مصر بقت حرة
والعيشة فيها تحلى، حتى لو مُرَّة
أصل المرار أنواع، والحلا أنواع
ومصر كُتلة صبر، وطول عمرها حرة
[/align]

د/ أحمد الليثي · 25-11-2010, 18:39

ضرب الغلا في بلادي
ضحك الخروف وعلى ضهره انطرح
قال يا بني أدمين
ورب البيت النهارده راح اعمل فرح
مافي فقير بيدبح
ده "جنابه" من الفقر اندبح.

وعجبي على بلادي
يموت فقيرها، ويحيا خروفها ف مرح.

د/ أحمد الليثي · 25-06-2010, 13:34

يا مين يقول لي الألم ف عيشنا ليه بيدوم؟
وليه يا جرح الزمن بننام عليك ونقـوم؟
بلسم جراحنا أكيد مدفون في بحر عميق!
يا ترى اللي تايه أنا؟ والاَّ الأمل معـدوم؟

د/ أحمد الليثي · 22-06-2010, 14:05

[align=center]
الدمع يجري، والقلب له أحـزان
الوهن يسـري، تستسلم الأبدان
والأمة تِحْبي طول ما العزيز متهان
وفِ الزحمة نلقى حقنا ... غلطان.
[/align]

د/ أحمد الليثي · 21-06-2010, 15:35

في المدرسـة قام المُعلِّم ... شَـرَح
القدس راحت، والأمَّة رقص ومرح
وعراقنا ينزف، واحنا نعمل فـرح
كفِّنْت قلبي، والحزن جُوَّاه طـرح.

د/ أحمد الليثي · 21-06-2010, 15:33

ابْكِي يا عينـي؛ دا البُكا تريـاق
للحـزن قلبي مِ الهـوى مشتـاق
وِانْ قالوا ليه الألم، والألم حـرَّاق
قلت عمري قضيتُه من فراق لفراق.

د/ أحمد الليثي · 19-06-2010, 18:37

الدنيا من حولي تضحك، والحـزن ماليني
بتنصِب شِبـاك الألم وفي الرايحة بتغـريني
يا دنيا ضِقْتي وْمَا عادتْ ضحكِتِك تكفيني
ومن إمْتَى كان الألم وحزن القلب يشفيني؟

د/ أحمد الليثي · 30-03-2010, 08:58

حبيبنـا طبيبنـا عيانـا دوانـا
آه من اللي ممكن وآه م اللي كانا
يا فاقع مرارتي ومرارتك كمـانا
أرفع في كفـي انا ساعـة أدانا
وَادْعيـك يا ربـي تعينه؛ أمانة!

د/ أحمد الليثي · 10-03-2010, 15:17

ابْنِ غَـزِيَّة طِلِـعْ رَقَّـاص
قِيمَة وْسِيمَـة وْكُبْر مَقَـام
مَ الرِّجَّالَة ارْبَـاع وِانْصَاص
وَابْنِ الْـوِزّ أَكِيـدْ عَـوَّام.

د/ أحمد الليثي · 06-09-2009, 05:29

النجم اهوه عالي والقمر ويَّاه

مرة نور طاغي ومرة ما تلقاه

والدنيا دايرة ما بين موات وحياه

والنفس تسأل: هو مين سوَّاه؟!

د/ أحمد الليثي · 01-06-2009, 17:44

من غير بُكا وحيرة وألم
تبقى دي دُنية نعيــم
مالهاش وجود غير في العدم
وساعتها يبقى مافيش جحيم
ومافيش حساب
ولافيش عذاب
ولا رحمة من ربٍّ كريم.

د/ أحمد الليثي · 11-04-2009, 15:37

المشاركة الأصلية بواسطة رنا خطيب مشاهدة المشاركة

لا شاي و لا كاتوه
و لا بسمة و لا كلام معسول
عايزين بس لما نتوجع
ندخل داركم و نستريح

بعد إذن سعدتكم

الراحة دي مطلب ومش ميسور
من عهد آدم، م الظـلام للنـور
لو حد يعرف فين تكون الراحة
أحلف لاعدِّي لها بين جبال وبحور.

رنا خطيب · 11-04-2009, 14:54

لا شاي و لا كاتوه
و لا بسمة و لا كلام معسول
عايزين بس لما نتوجع
ندخل داركم و نستريح

بعد إذن سعدتكم

رباعيّات ليْـثِـيَّة

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

ما الذي يحدث