النيل ده تايه من زمان
يوم ما شربوه الحيتان
اللي ماشي ف أرض مصر
ميِّت وواكلاه الديدان.
-
في دنيا بمبي كلنـا تايهين
فوق وتحت، وشمال يمين
أصل الأسى على كل لون
وفي الضلمة تتبرجل التلاوين.اترك تعليق:
-
الحب ده ترباس ... ومش مقفول
القلب فيه شلال، والعقل ياااه مشلول
البنت فيه تتهبل، وييجيلها منه ذهـول
ويبقى الجدع تمساح، فجأة يكون دلدول.
وعجبي!اترك تعليق:
-
يا عم سيبك م النســا
بلا لخبطة، بلا لحوسة
في الحب تبقى الواحدة شوكة
وانت فولة مدمسة.اترك تعليق:
-
د/ أحمد الليثي -استاذي الكريم الحال من بعضوا في كل دولنا العربية
رشاوي ومكاوي وتخليص كلام
الكل هنا حاوي يلا سلاماترك تعليق:
-
بمية ورد دا قلبي كده مغسول
بروح المسك متعطر وإبن أصول
ماليش ف القسوة، لكن عقلي
ما يخدعهـوش كلام معسـول.اترك تعليق:
-
الشر بقى بيزيد، والخير كده بيختلّ
والجهل عدَّى وفاض،والعلم تاه في الظل
والفقر مليون باب، والنعمة حيرة وذل
أصل النسا بتزيد، واحنا عددنا يقل.اترك تعليق:
-
قالوا لي روح اتجوِّز، قلت يا عمي إتنيِّـل
لا فيَّ حيل انعـدل، والحال اهـوه مميِّــل
أجيب لي داهية يا ناس، وشايلة مية عيل؟
دا الشابّ بعد الفرح .. شحـات وبيريِّل!اترك تعليق:
-
الدنيـا دوَّارة ما تِأمنهـاش
ما بتدومشي لحيٍّ عاش
ولو جت لك وزاحفة لك
مافي حاجة يا عم بلاش.اترك تعليق:
-
في ضلمة عايش، وفِ الضلمة هاموت
مـرة باشا، ومرة م الضنـا هلفـوت
عشت ف نعيم، وياما قاسيت وبكيت
ومرة أعمـل فار، ومرة أعمل حـوت.اترك تعليق:
-
الأخت الفاضلة الأستاذة رشيدةالمشاركة الأصلية بواسطة رشيدة فقري مشاهدة المشاركة
(طبعاً لازم شوية احترام ما دام جئت ضيفة ههههه)
شكر الله مرورك، وكريم تعليقك، وجعل لنا من دعائك حظاً.
دمتِ في رعاية الله.اترك تعليق:
-
أضحك الله سنك يا دكتورة.المشاركة الأصلية بواسطة رزان محمد مشاهدة المشاركة
نعم يمكن وصف سكلانة أنه هفق.
والفرق أن "سكلانة" اسم لشخص. أما هفق فصفة.اترك تعليق:
-
الأخت الفاضلة الدكتورة رزانالمشاركة الأصلية بواسطة رزان محمد مشاهدة المشاركة
شكر الله مرورك وتعليقك.
أما "الهفق" فالمقصود الشيء غير ذي القيمة، وهي لفظة من العامية المصرية. فيقال "فلان هفق" أو "شيء هفق" يعني لا قيمة له، غير ذي بال.
أما موضوع "كتر النسـا" فالمعنى في بطن الشاعر. هههههه
دمتِ سالمــة.اترك تعليق:
-
اخي الكريم د/احمد الليثي
من الصعب جدا ان يستطيع المرء الكتابة عن هموم الامة ويجعل القارئ يبتسم وفي عينيه دمعة
هذا التناقض اراك وفقت فيه واني ادعو لك بالمزيد من التالق والعطاء
تقديري لموهبتك المتفردة ومحبتي
اختك رشيدة فقرياترك تعليق:
اترك تعليق: