تويت
اخي الدكتور اشرف اسلوب جميل جدا ومتابعة للواقع عن كثب لربما قربت لنا صورة بعيدة ووضحت غباشا بالكاد يمكن تقصي الخطوط العرجاء فيه ..
احييك جدا على رائعتك تلك ومن متاابعيك على الدوام
احييك جدا على رائعتك تلك ومن متاابعيك على الدوام
-
***إنه الغيبُ يا ضيّق الصدرِِ
يا أيها الراسخ اليومَ في الوهمِ والجهلِ
كم يلزمُ الأمرَ حتى يعلّمك الطينُ أنك منهُ
أتيت وحيدًا , هبطت غريبًا
وأنت كذلك أثقلت كاهلك الغضّ بالأمنياتِ
قتلت أخاك وأسلمته للغرابِ
يساوى قتيلاً بقابرهِ -
!ماهو كل اللي بيبيع شرف أمه..ماتصعبش عليه بلده.. وأكم من قرني..عاوز يبيع البلد دي..!!المشاركة الأصلية بواسطة د .أشرف محمد كمال مشاهدة المشاركةتعليق
-
المشاركة الأصلية بواسطة محمد ثلجي مشاهدة المشاركةأخي الغالي محمد ثلجي أشكرك على حضورك الكريم ومتابعتك شرف لي
دمت بود ودام تواصلناتعليق
-
المشاركة الأصلية بواسطة اسماعيل الناطور مشاهدة المشاركةأخي المفكر الكبير اسماعيل الناطور مجرد حضورك هو شرف كبير لي
وأحييك على حسن انتقائك..فهكذا أطمئن ان الرسالة قد وصلت
دمت بود ودام تواصلناتعليق
-
(10)
جلس (هنداوي) يفكر ويفكر ثم نظر حوله متطلعاً إلى المتحف المصري للآثار بالميدان في حسرة ,وعاد يفكر ويفكر ثم قال ذاهلاً:
- إزاي ..؟! إزاي يأجرو أبو الهول ..؟!هما فاكرينوه حمار.. ولا جمل..؟! السواح هيركبوه..!! ولا الهرم..؟! هيأجروه مفروش ولا إيجار جديد..؟! ماهو أصل هواه بحري ..و فيه أودة دفن تشرح القلب..!!
- بيقولو مدام محنش عارفين..ندير البلد..نأجرها ..!! زي حدانا كده في البلد ..اللي مابيفهمش فى الزراعه ولا بيعرف يزرع ارضو من أصله..بيأجرها لغيره يزرعهاله ..أحسن ما تفضل بايره ..أهو يكون ضمن ايجار جايله و ريّح دماغه ..ومالوش دعوه سواء خسرت ولا كسبت ..!! لكن بعد عمر طال ولا قصر ..هترجعله ارضه من تاني ..والمفروض يكون ربنا سهله واتعلم بقه..!!ولا هنسيبهم يتعلمو فينا..!!
- أنا بقول إن اللي ميعرفش..مش عيب إنه يقول جاي.. إنما العيبه إنه يفتي وهو مش عارف حاجه..لحد مايجبلنا الويبه..والبلد كلاتها تروح في أبو نكله..!!وفيها ايه يعني لو نجيب ناس تانيه فاهمه من ولادنا يديرو البلد..؟! على الأقل هيخافو عليها وهما أدرى بأحوالها من الخبرا الأجانب..!!
- هما عاوزنّا نعمل زي النوادي اللي في اوروبا ..اللي بتنباع لبتوع الخليج ..وبيأجرو اللعيبه كمان..دا حتى أبو تريكه بعناه..!!ومن يومها ياولداه الأهلي مقمتلوش قومه..!! و بيجيبو كمان مدربين أجانب .. أي نعم الأهلي .. كان جايب مدرب عوقر .. اسمه ابصر ايه..؟! إيوه ..إيوه.. جوزيه..جابله بطولات يامه ..لحد لما دولاب الكاسات بقه مليان لتمة عينه..!! و من يوم ماجابو البدري ابن الأهلي..وهوا كل شويه خسران ..خسران ..؟! لأ ومش بواحد ولا اتنين.. بالتلاته..!! يمكن يكون عامل حساب لحرس الحدود ..عشان دول من العسكر..؟! أمال لو الإخوان نزلو الملعب هيتغلبلهم كام..؟!
- بس مش أي أي ..ولا زي زي..!! كفايه علينا خيبة المنتخب ..؟! أهم جايبنلنا واحد أمريكاني منعرفش كان بيدرب قبل كده في أنهي داهيه..؟!وشكله كده لا هيخلينا نشوف كاس العالم ولا دياولو ..وهيودينا ورا الشمس..!! هيا أمريكا دي مش سايبانا في حالنا..حتى في الكوره..!!كان عيبه إيه بس المعلم حسن شحاته..؟! راجل طيب ..و بتاع ربنا ..و جابلنا تلت بطولات كده.. بدعا الوالدين..!!
- يارب منكون زي عواد اللي باع أرضه..ودار يلف في الكون بطوله وعرضه ..على دار يستر فيها عِرضه..لحد ما مات غريب ..و ملقاش حتة أرض يدفنو فيها عضمه..!!
يتبع
التعديل الأخير تم بواسطة د .أشرف محمد كمال; الساعة 03-03-2013, 10:37.تعليق
-
(11)وقف (هنداوي) في منتصف الميدان وأخذ يضرب كفاً بكف وتعجب قائلاً:
-بطلوده ..واسمعوده..!! على آخر الزمان الرقاصات عاملين اعتصامات..؟! ودول بقه هيجو يعتصمو في الميدان ببدل الرقص الشفتشي ولا إيه..؟!
ثم ضحك قائلاً في سخرية:
-وكمان أنا نفسي أعرف مطالبهم إيه..؟!صحيح ياولاد اللي اختشو ماتو..!! قال ايه هيضربو عن الرقص..طب وماله هو كان حد اشتكالهم ..؟! إياك ينضربو على وسطهم مايوعو يرقصو تاني..هيا البلد فيها حيل للرقص ..!! جاهم وجع في مصارينهم هما والأغوات اللي مشغلنهم..!!
وتلفت حوله قائلاً:
-قال ايه هما اللي بيجيبو عمله صعبه للبلد ..؟!ومن غيرهم السياحه هتوقع..إلاهي وإنت جاهي ..هما إللي يوقعو في داهيه مايطلعو منها ..و يسيحو في حر أغسطس.. ونستريحو منهم ..!! أقول إيه وإلا أعيد إيه..؟! ..ماهو أصل البلد دي طول عمرها كانت ماشيه على واحده ونص..!!
ثم عاد ونظر فيمن حوله وسأل في دهشة حائراً:
- وإسم النبي حارسهم الرقصات دول عاوزين إيه بقى..؟!عاوزين نقابه في شارع الهرم ..!!ولا زعلانين عشان تهاني الجبالي انشالت من الدستوريه ..؟! ولا عايزين يعملو حزب جديد أسمه (أما نعيمه نعمين) ولا (العتبة جزاز والسلم نيلو في نيلو ) ..؟! اياك ينشوّو في نار جهنم ميلاقو حد يطفيهم..!!
وتلمز بشفتيه في ازدراء قائلاً:
-ولا يكونوش عايزين يرقصو عرايا ملط زي بتوع الاستربتيز..؟! ماهي بقت هيصه ومولد وصاحبه غايب.. دا أصله زمن أغبر ..كله بظرميط.. على ولاد تيت..!!
يتبعالتعديل الأخير تم بواسطة د .أشرف محمد كمال; الساعة 18-03-2013, 16:15.تعليق
-
شايف يا أشرف يا خويا هنداوي فاكر الملط دلوقت " محترم " زي جودت بيه
هو احنا في أي مليونية النهاردة ؟؟
عارف أنا مقهور على هندواي
معقولة يخليهم يأجروا أبو الهول والأهرامات للبهيمة حمد !!!
يا ولداه حيعمل إيه دلوقيت ؟؟
(( يارب منكون زي عواد اللي باع أرضه..ودار يلف في الكون بطوله وعرضه ..على دار يستر فيها عِرضه..لحد ما مات غريب ..و ملقاش حتة أرض يدفنو فيها عضمه..!! ))
الأوضاع في كل البلاد لا تسر المولى ولا العباد
يعني اختلطت الأمور مع بعضها البعض ولم نعد نشاهد أو نسمع ما يسر
قلنا خير اللهم اجعلو خير واستبشرنا " بالثورات العربية " ولكنها خذلتنا
يا راجل معقولة في البلاد الملكية والسلطنات والامارات لا يوجد ثوار !!!
ما علينا خلينا بهنداوي
وخبرنا عن نشاطاته وقلو يبعد عن الرقاصات اللي عايزين يتظاهروا
وخليه قاعد مع الحرافيش والغلابا والدراويش
مصر بهمتهم حتبقى صامدة وحتعيش
سلامي لك ولهنداويهيهات منا الهزيمة
قررنا ألا نخاف
تعيش وتسلم يا وطنيتعليق
-
(12)
عاد (هنداوي) إلي بلدته بعد طول غياب فوجد أن هناك الكثير من الأغراب ,فظن أنهم جماعة من السواح الأجانب نزلوا إلي البلده , فتعجب من ذلك واستوقف أحد سكان القرية سائلاً:
- إلا قولي ياد ياحجاج ..إيه اللي جاب الناس السواح دول عندنا البلد .. هما اكتشفو فيها فراعين جداد..؟!
ضحك (حجاج) حتى كاد يستلق على قفاه قائلاً:
- هوا إنت رجعت أمتى ياعم هنداوي..؟! إنت تغيب تغيب كده ..وتظهر زي العفاريت ..!!
ضربه (هنداوي) على قفاه ونهره قائلاً:
-عفاريت إيه ياوله جاك خابط..!! ماعفريت إلا بني آدم..أنا بسألك على الملايكه دول اللي ماشين بينا..ولابسين زينا ..دول يبقم مين ياوله..؟!
ابتسم (حجاج) وقال ساخراً:
- دول جماعة أبوسماعين..!!
بهت (هنداوي) وسأل مستفسراً:
- هوا الشيخ حازم ابو سماعيل ..نزل هنا البلد ..هوا وجماعته..؟!
انفجر (حجاج) في الضحك وضرب كفا بكف قائلاً:
- هو انت مافيش في دماغك إلا السياسه يابا هنداوي..؟!متعمل زينا وتفضك من السياسه وبلاويها..!!
دهش (هنداوي) وسأله في بلاهه:
-أعمل زيكم إزاي ..؟! هو أنتو بسلامتكو بتعملو ايه ياعني..!! فتحتو عكا ياخي..؟!
غمز (حجاج) له بعينه وابتسم قائلاً:
- لاً .. فتحنا بلاد الشام..!!
تعجب (هنداوي) , و قال مذبهلاً:
- ياعني مسمعتش إن حد فيكم راح حرر الجولان..ولا المسجد الأقصى..؟! أمال فرحان كده ليه ياغراب البين..و مين دول النساوين الحلويين.. اللي مليين البلد ..رايحين جايين..في السكك..؟!
أجابه بنفاذ صبر و هو يشير عليهن واحدة بواحده:
- دول جماعه ابوسماعين زي ماقلتلك ..ودولهما جماعة عوضين ..ودكهما جماعة حسنين ..ودول جماعتي أنا..!!
هتف (هنداوي) قائلاً:
- يوه.. يوه.. جتك نصيبه ..أنت اتجوزت علي تفيده بنت أخويا..؟!
قاطعه قائلا:
- أيوه ومش أنا لوحدي بس كل رجالة البلد..كل واحد اتجوز واحده ولا اتنين ..من أخونا السوريين اللي جم هربانيين من الجزار اللي عندهم اللي اسمه بشار ..الله يجحمه مطرح ماهو قاعد..فقولنا نستر عليهم ..ربنا يسترها على ولايانا..!!
رفع (هنداوي) حاجبيه ,وجحظت عينيه:
- إيوه ..إيوه.. كدا أنا فهمت كل حاجه..!! الله يخرب مطنك ياد ياحجاج..أنت واللي زيك..اللي مركبين دقون عيره.. بقى دا كلام ياوله انت وهوا..؟! بقى اللي يستغيث بيكو.. توقعوه في شر أعماله..!!ينفع الصبايا اللي زي الحور العين ..دول يتجوز بهايم زيكو ..؟! يعني يطفشو من الدار للنار..؟!دي نار بشار.. أرحم من جنتكم..!!جتكم البلاوي في جتتكم أكتر ماهيا مليانه..!! أنتم معندكمش نخوه ولا كرامه..؟! دول ضيوف عندنا..نشلهم فوق رأسنا ..وأمانه نحافظ عليها في نن عنينا ..لحد مايرجعو بلدهم بالسلامه..!!
قاطعه (حجاج) قائلا:
- ليه بس كده الهزقه و طولة اللسان ياعم هنداوي..؟! هوا الجواز حرم..؟! ده جواز على سنه الله و رسوله..!! يعني الرسول عليه أفضل الصلاة والسلام.. معملش كدا مع المهاجرين والأنصار..و ربنا مقلش.. وإن خفتم إلا تقسطوا في اليتامى فانكحوا ماطاب لكم من النساء مثنى وثلث ورباع..!!
استوقفه (هنداوي) قائلا:
-اشمعنا الأيه دي اللي كلكم ماسكين فيها قوي بايديكو و سنانكو ..؟! متكمل بقية الأيه ياوله..فإن خفتم ألا تعدلوا فواحدة أو ماملكت أيمانكم ذلك أدني ألا تعولوا.. وبعدين ده يعتبر جواز المُكره ..و ربنا نهى عنه و الأصل في الجواز هو الاستمرار ..و الاستقرار..و موافقة ولي الأمر..يعني إنت ترضى بنتك لو سافرت بلاد بره ..تتجوز من هناك من غير أمرك ..؟!عشان الجواز ستره..!!
هرش (حجاج) في رأسه وقال حائراً:
- يعني ايه يا ابا هنداوي..؟! انت هتحرم اللي حلله ربنا..يعني نسيبهم كده بلا جواز..من غير راجل يحميهم ..لكلاب السكك ينهشوهم..؟! أهو ضل راجل ولا ضل حيطه..!!
ضحك (هنداوي) لأول مره وقال ساخراً:
- لما يبقى راجل ياولداه..؟! مش البلهارسيا بترعى جواه..و أخرة المتمه يبقم إخوات لاحول الله..!!
زجره (حجاج) قائلا:
- عيب كده ياعم هنداوي .. بلاش كلامك السم اللي يفور الدم ..خلي الطابق مستور....!!
ابتسم (هنداوي) وقال مستهزئاً:
-بكره حريمكم هما كمان يخلعوكم..و يتجوزو عليكم..عشان على الأقل يحسّنو النسل شويه ..جتكم البلاوي ..عرّيتو البلد..!!
فمال (حجاج )على أذنه هامساً:
- يعني بذمتك يابا هنداوي كلام في سرك..إنت مش في نفسك تتجوز.. واحده سوريه من دول.. زي لهطه القشطه ..؟!
قاطعه على الفور:
- آآآآني ..؟! أتجوز على أم عيالي ..فاطمه الخضرا الشريفه ..الله يرحمها..!! بعد لما بقيت شيبه..دي مش تبقى عيبه ..دي خيبه بالويبه..!!
ثم أنشد قائلاً:
- أه يازمن قلاب ..لا بتسيب الأسود أسود ..ولا الكلاب كلاب..واللي ميتعظش من غيره.. يستاهل ضرب القباب..!!
يتبع
التعديل الأخير تم بواسطة د .أشرف محمد كمال; الساعة 17-04-2013, 17:28.تعليق
-
إنت فين يا هنداوي ؟
والله لك وحشة يا راجل .
افتكرتك بشرم الشيخ بتتفسّح وسايب البلد تتحرق .
قلت في سري ، هنداوي ميعملهاش .
تحياتي دكتور أشرف
فوزي بيترو
تعليق
-
السلام عليكم ورحمة الله
أخي الدكتور أشرف
احييك جدا على هذا التوثيق الساخر
وعلى نظرتك المحايدة والوطنية
والتي ليس لها انتماء إلا لأم الدنيا
قرأت جانب من الموضوع
أعود بإذن الله وحوله
تقبل خالص تحياتي ،،،تعليق
-
قلبي معاك يافايز يا أخويا الوضع في سوريا لسه لا يسر عدو ولا حبيبالمشاركة الأصلية بواسطة فايزشناني مشاهدة المشاركة
واحنا طول عمرنا جسد واحد اذا اشتكى منه عضو تداعي له سائر الجسد بالسهر والحمى
أما عن سؤالك عن باقي الممالك والامارات فانا بقولك ان فيه رجاله ثوار بس اسيادهم اشتروا سكات باقي الشعب بالفلوس
هناك الغلابه يامه والفقرا أكتر من الهم ع القلب والظلم هوا نفس الظلم واللي ملوش ضهر بينضرب على بطنه
مافيش عدل ولا حريه ولا كرامه ولا انسانيه بس ليهم اتباع ارزقيه بيرملهم لقمه العيش عشان يتسلطنوا ويتسلطو على البقيه ويعيشو عيشه هنيه في ظل الملكيه وانت فكرك ان كان عندنا جمهوريه دي كانت جملكيه بتتورث اسخم من الملكيه ..!!تعليق
-
المشاركة الأصلية بواسطة فوزي سليم بيترو مشاهدة المشاركةأنا تايه في بلاد الله لخلق الله
تصدق وتأمن بالله يافوزي يا أخويا
أنا عمري ماشفت شرم الشيخ دي اللي بيقولو عليها
ويوم مابصيف بصيف في مصيف الغلابه جمصه
إن كنت تسمع عنها بتلاقيهم بيتريقوعليها في الأفلام..!!
مقلتليش انت ايه رأيك في الكلام ..؟!
مش عاوز تتجوز عندكم من الزعتري..؟! ولا خايف من الحكومه..!!تعليق
-
المشاركة الأصلية بواسطة أحمد على مشاهدة المشاركةوعليكم السلام ورحمة الله وبركاته
أخي أمير العامية الشاعر الكبير أحمد علي
أشكرك على استحسانك وكلماتك الرقيقة
أنا أيضا أرفض تقسيم الوطن والمواطنين
كما أرفض تقسيم الوطن العربي الكبير إلى دويلات متناحره وإلى شعوب متنافره
بانتظار عودتك لك خالص مودتي وودي
دمت ودام تواصلناتعليق
-
الآن فرغت من قراءة هذه الرائعة ...استوقفتني بعض إشراقاتها
فيها التشخيص من دكتور وبين طياتها العلاج ممزوج بالسكر كي لانخاف (المر)
". ما إحنا عندنا دستورنا المتين ..اللي نازل من عند رب العالمين..!!هوا فيه أحسن من كلام ربنا ..؟هوا اللي خلقنا وعارفنا ..وعارف ان فينا ناس مؤمنين ..وناس ملاعين ..وفيه كمان منافقين ..وطبالين.. وفاسدين ومفسدين ..وحراميه وهلابين..!!
وبعدين ..ماطول عمرهم المسيحين ..عايشين ويا المسلمين.. آكلين نايمين شاربين.. دا كمان في رمضان صايمين..!! إيه بقه لزوم نفضل متشاكلين عشان الماده إتنين..؟! مالقرآن الكريم قال لكم دينكم ولي دين.. والجماعه اللي بيقولو على نفسهم ليبراليين ..ولا علمانيين ..أهي كلها أسامي منعرفش بتتحدف علينا منين..؟! مش عاجبهم أيُتها حاجه ولا أيُها حد..!! لو طلع قوانين يقولو مش موافقين.. ولو معملش حاجه يتنقوزو ..ويقولو اديكو شايفين ..ولو قلنالهم حلّوها يا سيادنا ..يقولو يانقعد على الكرسي يا مش لاعبين..ولو لامؤاخذه قعدو ..مهماش قايمين ولا عاملين أيُتها حاجه في سنتهم الطين..!! كله كلام في كلام ..و رغاوي صابون ..ولا هيعملو حاجه ولا يحزنون..!!"
العلاج لو طرنا في السماء وغصنا في باطن الارض
عند الذي يعلم السر وأخفى
"في كتابه"
دون وصي من الشرق أو الغرب ... أو شخص أو حزب
قراءتك مؤلمة
ونصك بديع
وشكرا" لا يبوح الورد باحتياجه للماء ...إما أن يسقى ،أو يموت بهدوء "تعليق
-
المشاركة الأصلية بواسطة فكري النقاد مشاهدة المشاركةأشكرك أخي الأديب الكبير فكري النقاد على قراءتك الواعية المتأنيه
واضافاتك القيمه واطرائك الرقيق
دمت بود ودام تواصلنا
تعليق
تعليق