هنــــداوي في المعتقــــــل (متجـدد)

أحمدخيرى · 18-11-2013, 23:15

المشاركة الأصلية بواسطة د .أشرف محمد كمال مشاهدة المشاركة

الذى دعا إلى إعتصام سلمي ..فى رقبته كل هذه الدماء التى اهرقت واريقت ...
كان لابد وان يكونوا إرهابيين حقا كان لابد وان يقتلوا جلاديهم .. قبل ان يقتلوا ..!!
الان وبعد ان نفذ البكاء وانتهت نعرة السلمية والديموقراطية أجدنى اُكفر بعضهم
لم افعلها من قبل أجدنى الان اقولها بـ اعلى صوتى نعم هم كفااااااااااااااااااااااااااااااااااااار
هذا المجتمع لا يستطيع التعايش مع الاسلام إنما اسلامهم مجرد خانة فى بطاقتهم الشخصية
إنما اسلامهم هو مزيج من التصوف والتشيع كما قال بعض الازهريين
إنما اسلامهم هو مسلسلات رمضان وفوازيره وبرامج المسابقات
إنما اسلامهم هو حبهم وتآيدهم للنصارى من باب الظهور بشكل متحضر او متدمن
إنما اسلامهم هو ان ما لـ قيصر لـ قيصر وما لله لله
إنما اسلامهم أن الله غفور رحيم والحشيش والخمر والزنا والرقص والفحشاء مجرد هفوات او نزوات وكلنا بشر
إنما اسلامهم ان كل قومجى او يسارى او ليبرالى اوعلمانى هو مواطن صالح وما دون ذلك هو ارهابى
إنما اسلامهم هو كل ما ضد اسلامنا
لم تكن لـ السلمية محل بين كل هذا .. كان لابد من المواجهة بالمثل
المولتوف بـ المولتوف
السباب بـ السباب النعوت بـ النعوت
الرصاص بالرصاص
الانقلاب كان ولابد ان يواجه بـ الجهاد
ولا شىء الا الجهاد
وما السلمية هذه الا اضعف وافقر مراحل الجهاد
كان لابد من العنف .. فمثل هؤلاء لا يواجهوا الا بالعنف
سواء سموه ارهاب او قتل او اى كان ..!!

هذه النوعية من الردود لا تناسب طبيعتك " السلمية " يابو كمال

زعلان منك يا اشرف

فوزي سليم بيترو · 30-09-2013, 16:16

يعطيك ألف عافية يا دكتور أشرف
ننتظر هنداوي 3 بعد ما يطلع سليم معافى من السجن
سليم معافى من الجزيرة وزن الجزيرة .
شكرا لك دكتور أشرف ، أمتعتنا .
فوزي بيترو

د .أشرف محمد كمال · 28-09-2013, 14:37

(26)

صاحبت عملية القبض على الإرهابي (هنداوي) ضجة إعلامية كبرى في كل القنوات الفضائية المحلية و الدولية , و الصحف القومية و العالمية . ظهر (هنداوي) بهيئته و ابتسامته العريضة الواثقة ؛ مكبلاً في الأصفاد من قدميه و رجليه بين الضباط الملثمين الذين يهللون و يرفعون إيديهم علامة النصر بينما اختلس (هنداوي) لحظة رفع فيها أحدى يديه علامة رابعه العدوية الشهيرة . و التقطتها كل الكاميرات ؛ لكن بالطبع لم تذعها القنوات المحلية و الخاصة التابعة للعسكر , وأصبح ذلك المقطع الأكثر مشاهدة على اليوتيوب و تناقلاً على الفيس بوك.
دخل (هنداوي) المعتقل مغمى العينين كعادته , إلا أنه لم يشاهد أي من المعتقلين الآخرين . كأنه وضع في معتقل خاص به وحده, كما لاحظ أن هناك اختلافاً في المعاملة ,فلم يتم عمل حفلة استقبال له بالعصي و الهروات وخراطيم المياه و الصعق بالكهرباء و اللطم و الضرب و الركل بالأيدي و البيادات كعادتهم..!! و لم يمارسوا معه أفانين التعذيب والارهاب لينتزعوا منه الاعترافات كدأبهم , حتى ظن الظنون وانتابته الهواجس أن يكون في حلم جميل, أو يكون قد فارق الحياه , يحيا في برزخه الخاص.
ابتسم لواء المخابرات الجديد في سعادة بالغة ,و هو يراقب (هنداوي) في الشاشة التي أمامه , و قال فرحاً مخاطباً ذلك الرائد:
- مش قلتلك إنه هيجلنا برجليه ..و هيسلم نفسه بنفسه..؟! و يقول حقي برقبتي..!!عرفت بقه إن كلامي هو الصح..؟!
نظر الرائد باحتقار إلى ذلك المتعجرف المنتفخ على الكرسي , لا يفقه شيئاً . لكنه ابتسم ابتسامة باهتة قائلاً:
- طبعاً يا فندم ..كله كان بتوجيهات سيادتك و افكارك الجهنميه..ربنا يخليك للبلد..!!
ثم أدار وجهه , وهو يهم بالانصراف وقال محدثاً نفسه:
- جتكم البلاوي ..الله يخرب بيتكو ..وديتو البلد في داهيه..!!
مرت عدة أيام على (هنداوي) قضاها مسترخياً في محبسه يأكل و يشرب أجود أنواع الطعام و الفاكهة , دون أن يشاهد بشراً قط حتى ظن أنه في الجنة . ابتسم حين عنّ له خاطر طريف؛ أنهم ربما يسمنونه ليذبحونه على العيد مثلما فعلوا مع صدام..!!
إلى أن دخل عليه ذلك الرائد مرحباً:
- والله زمان ياعم هنداوي..إنت دوختني ولففتني وراك مصر كلها..!! و أخيراً جيت برجليك لحد عندي..!!بس فعلاً أنا مستغرب لحد دلوقتي.. إيه اللي خلاك تفدي ناس أغلبهم متعرفهمش و تسلم نفسك..؟! إنت مش عارف إيه إللي هيجرالك..؟!
ابتسم (هنداوي ) ابتسامته العريضة حتى بانت أسنانه المخلوعة ,و قال مهللاً:
- أهلا.. أهلا بيك ياسعادة البيه ..والله لك وحشه..!! معلش إن كنت تعبتك معايا شويه..محنا شعب مايستهلكوش ..ربنا يريحكو منا..يا يريحنا منكو..!! بس إيه المعامله الحلوه دي ياسعاده الباشا ..؟! دا ولا فندق سبع نجوم..!!دا لو الشعب شم خبر ..؟! كله من بكره هيكون عندكم في المعتقلات..!!طب بدل ما بتصرفو كده على الناس اللي في السجون..؟! متأكلو الشعب الجعان أولى.. ينوبكم فيه ثواب..!!
ضحك الرائد قائلا:
-مافيش فايده فيك ياعم هنداوي ..؟!مابتبطلش كلام في السياسه ..ولسانك دهوه متبري منك..وهيوديك في داهيه..!!
ضحك (هنداوي) ,وغمز بعينه قائلا:
- هوا فيه داهيه أمرّ من إللي إحنا فيها..؟! يا بيه أنا السياسه بتجري في دمي ..!! و هتفضل ..تفضل تجري.. لأخر دقه في قلبي.. وآخر نفس في صدري.. هيجرى إيه يعني لما أموت فدا بلدي..؟! أموت ..أموت.. و بلدنا تعيش..!!
دمعت عينا الرائد من كلمات (هنداوي) البسيطة في معنى الوطنية, فهو كان على يقين من براءته , من تلك المعلومات التي تجمعت لديه , كونه مواطن بسيط يحب بلده و يطمح في لقمة عيش كريمة , لاتمتهن كرامته أو يمد يده, أن يعبر عن رأيه بحرية , أن يشعر بأن هناك عدالة اجتماعية في توزيع ثروات البلاد على أبنائها , أن يعامل في بلده معاملة آدميه ولا يضطر إلى الهجرة خارجها . فوقف في تأثر و أدى له التحية العسكرية.

و ترددت في السماء أصداء أغنية الشهداء ..

يا بلادي يا بلادي أنا بحبك يا بلادي..

يا بلادي يا بلادي أنا بحبك يا بلادي..

إلي اللقاء في ثورة جديدة قريباً بإذن الله

د .أشرف محمد كمال · 28-09-2013, 14:21

المشاركة الأصلية بواسطة فوزي سليم بيترو مشاهدة المشاركة

تعرف يا دكتور أشرف إيش إلّي عاجبني في هنداوي قبل 30\6 وبعدها ؟
بساطته وعفويته وذكائه الفطري غير الممنهج .
وهذا بحد ذاته نقل لصورة الإنسان المصري البسيط الذي تسوقه العاطفة نحو عدم إعمال العقل فيما يجري حوله
من أحداث ومحاولة تفسيرها لكشف الحقيقة .
وكي لا تكون الحقيقة نسبية ، فالمسؤولية تقع على عاتق
السلطة في كشفها . وطالما أن السلطة تدير ظهرها
لهذا الأمر بالقصد أو بالإهمال ، فاللوم لا يقع على هنداوي
ومثله مثايل ، إنما اللوم الأكبر يقع على صاحب القرار
في عدم كشف المستور والمسكوت عنه .
أنا على يقين أن هناك هندواي 3 سيظهر بعد فض أختام
أحراز القضية .
حتما سيكون هنداوي واعٍ في هذه المرحلة لأن الدروس والعبر
التي مرّت في مراحل سابقة كانت قاسية ودامية .

عارف يا أخي فوزي أنا كتبت الحلقه الأخيرة من هنداوي في المعتقل ولم أنشرها
انتظاراً لردك هذا ..!!
أولاً: أشكرك على رأيك في هنداوي فهو حقاً يمثل أغلبية الشعب المصري البسيط
الذي تعود أن تسوقه الأقدار..أو يسوقه الحكام ..ولا يتحكم في مصيره لا يشغله سوى قوت يومه..!!
لكنني كنت أتمنى أن يتغير الحال بعد 25 يناير.. بعدما تحركت تلك الكتلة الحرجه الصامته ووقفت مع الثورة
..وهي نفس الكتلة التي تعاني الآن بعد ما أسميه بنكسة يونيو و نجاح الثورة المضادة في إعادة الأمر إلى أسوأ مما كانوا عليه..!!
ثانياً : يكذب من يدعي منا معرفة الحقيقة ..فالحقيقة دائما نسبية وكل منا يراها من منظوره
أما رأيك في دور السلطة تجاه الشعب.. فللأسف أقول لك أن كافة السلطات العربية ترى أن شعوبها غير مؤهلة للديموقراطية.. لذا يقومون عن عمد بتغمية وتعمية.. كل العقول المثقفة التي تنادي بالحرية والديموقراطية والإنسانية والعدالة الإجتماعيه..!!
وأخيراً وليس آخراً أهدي إليك وإلى كل أحبابي الحلقة الأخيرة من هنداوي في المعتقل
على وعد بلقاء قريب بإذن الله في ثورة جديدة إن كان في العمر بقية
ولك ولهم خالص تحياتي وخاص ودي

فوزي سليم بيترو · 27-09-2013, 08:29

تعرف يا دكتور أشرف إيش إلّي عاجبني في هنداوي قبل 30\6 وبعدها ؟
بساطته وعفويته وذكائه الفطري غير الممنهج .
وهذا بحد ذاته نقل لصورة الإنسان المصري البسيط الذي تسوقه العاطفة نحو عدم إعمال العقل فيما يجري حوله
من أحداث ومحاولة تفسيرها لكشف الحقيقة .
وكي لا تكون الحقيقة نسبية ، فالمسؤولية تقع على عاتق
السلطة في كشفها . وطالما أن السلطة تدير ظهرها
لهذا الأمر بالقصد أو بالإهمال ، فاللوم لا يقع على هنداوي
ومثله مثايل ، إنما اللوم الأكبر يقع على صاحب القرار
في عدم كشف المستور والمسكوت عنه .
أنا على يقين أن هناك هندواي 3 سيظهر بعد فض أختام
أحراز القضية .
حتما سيكون هنداوي واعٍ في هذه المرحلة لأن الدروس والعبر
التي مرّت في مراحل سابقة كانت قاسية ودامية .

د .أشرف محمد كمال · 26-09-2013, 18:40

(25)

هتف (عبد الرحمن) جزعاً :
- إنت بتقول إيه يا أبا هنداوي..؟! إنت عاوز تسلم نفسك للناس دول إللي مبيرحموش..؟!دول أكيد.. أكيد.. هيعدموك..!!
أجابه (هنداوي) بثبات:
- وماله ياعبد الرحمن يابني ..؟! هيا موته ولا أكتر..!!يعني أنا هاجي إيه في اللي ماتو..؟! الله يرحمنا زيهم..و يكتبنا شهدا وسطهم..!!
تعجب (عبد الرحمن) ,و قال دهشاً:
- بس ده يبقى انتحار ياأبا هنداوي..!! إيه الفايده اللي هتعود عليك من إنك تسلم نفسك ليهم..وتبقى تحت رحمة إيديهم..؟!
قاطعه (هنداوي) في غضب:
- انت كمان لابترحم ولا بتسيب رحمة ربنا تنزل..؟! الملافظ سعد ياعبد الرحمن..!!انتحار إيه بس ..؟! انت عاوز تضيع علينا الشهادة وخلاص..!! أنا هسلم نفسي ليهم ..قبال إنهم يفرجو عن كل المعتقلين..من أهل البلد..يفرجو عن ولادي ..و ولاد ولادي اللي اخدوهم في الرجلين..يفرجو على الناس اللي قبضو عليهم غدر في رابعه والنهضه..واللي خدوهم في رمسيس ..و جامع الإيمان ..و الفتح..والناس اللي قبضو عليهم في المظاهرات في كل المحافظات..واللي خدوهم من بيوتهم في دلجا و كرداسه وناهيا ..واللي هدو عليهم بيوتهم وشردوهم في سينا..واللي لفقولهم قواضي من جماعة الاخوان..والطلبه اللي اعتقلوهم ظلم في الجامعه و هيضيعو مستقبلهم..!!
هز (عبد الرحمن) رأسه في أسي ,و فرت الدموع من عينيه ,ثم تسأل في حزن:
- وإنت هتعمل كده إزاي ياعم هنداوي..؟!وهتضمن منين إنهم يوفو بعهدهم..؟!
ضحك (هنداوي) ساخراً ,وقال بمرارة :
-أنا هاتصل برائد صاحبي في المخابرات..عشره قديمه.. !!و هخليه يعمل اتفاق مع الرويسه بتوعه.. ولما يفرجو عن المعتقلين ..هبقى أسلم لهم نفسي..و أخليهم يعملو الشويتين بتوعهم.. إنهم هما إللي قبضو عليا ..عشان يحسو إنهم عملو حاجه..ويكنّو شويه عن الناس الغلابه..!!
ربت (عبد الرحمن) على كتفي (هنداوي ) ,و احتضنه باكياً فلطمه على وجهه بقوة قائلاً:
- الرجاله مبتعيطش ياوله زي النساوين..!! و إياك أسمع إن فيه واحد عيط عليا بعد ما أموت.. لحسن اطلعلكم من تاني..!!
ثم تركه و انصرف مسرعاً ,فودعه (عبد الرحمن) بنظره ,و قال بفخر:
- يا أيتها النفس المطمئنة إرجعي إلى ربك راضية مرضية فإدخلي في عبادي و إدخلي جنتي..

(يتبع)

د .أشرف محمد كمال · 21-09-2013, 15:07

المشاركة الأصلية بواسطة مهيار الفراتي مشاهدة المشاركة

الأخ الدكتور الغالي
الأديب المبدع أشرف محمد كمال
موجع ما تغزله على نول الألم
جميل حد الدهشة
مؤلم حتى البكاء
إن هذه التعرية لواقع معاش
هو ما نحتاجه في زمن انقلبت فيه الموازين
و ارتدت ثيابَ الملائكة فيه الشياطين
حقا إنه زمن الفتن
نجانا الله و إياكم منها
و حفظ لنا مصر و سوريا و فلسطين
و كل البلاد العربية الغالية
شكرا لك و دمت بألف خير

آآآآآمييييين
أخي الجميل مهيار الفراتي
أعذر لي سهوي عن الرد على مشاركتك تلك فلربما لم أرها سوى الآن
أو ربما رأيتها ونسيت أن اعقب عليها لتلاحق الأحداث
وأشكرك كثيراً على كلماتك الرقيقة الشاعره
فحقاً نحن في زمن الفتنة والقابض على دينه كالقابض على الجمر
اللهم أرنا الحق حقاً وارزقنا اتباعه وأرنا الباطل باطل وأرزقنا اجتنابه
دمت بود ياصديقي ودام تواصلنا

د .أشرف محمد كمال · 20-09-2013, 16:36

(24)

رفع (علام) السيف عالياً , و همّ أن يهوي به على رقبة (هنداوي) المغمّى العينين , المكبلة يديه خلف ظهره , الموضعة رأسه على قطعة خشبية كبيرة , ينطق الشهادتين . لكن ضُرب الباب فجأة بالقدم , و دخل (عبد الرحمن) فزعاً ثم هتف:
- إرجع ياعلام..!! إنتو بتعملو إيه ياجدعان..؟! إنتو راحيين تقتلو الراجل الطيب ده..!! عشان شوية إشاعات ..مطلعها إعلام النظام الكداب..!! إنتو بسهوله كده تصدقو عساكر الانقلاب..؟! هما عاوزين يوقعو بينا و بين بعض..و يخلونا نخوّن بعض و نقتل في بعض..!!عشان يستفردو بالحكم..إللي ميقدروش يجيبوه..يخوّنوه ..و يطلعوه جاسوس و عميل..ماهو ده نفس إللي بتعمله إسرائيل ..!! اتقو الله..يا أيها الذين أمنوا إن جاءكم فاسق بنبأ فتبينوا أن تصيبو قوماً بجهاله فتصبحو على مافعلتم نادمين..!!
توقفت يد (علام) في الهواء قبل أن يجتز السيف رقبة (هنداوي) بمليمترات حتى أن هواها لفح وجه , فأغمض عينيه كي لايشعر بالألم. و لما عم السكون فجأة ظن أنه قد فارق الحياة فعلاً , فحدث نفسه قائلاً:
- الله..طب مالموت سهل أهوه..!! أمال الناس بتخاف منه ليه..؟!دا زي شكة الدبوس..!! ولا الشهدا زي ما ربنا بيقول مبيموتوش..أحياء عند ربهم يرزقون..!! ياله اتكلو على الله كلكم..دا الموت أحلى منه مافيش..أهو راحه لنا من شر الدنيا اللي عايشين فيها.. و بلاويها..!!
قطع أفكاره صوت (علام) الأجش , فخشى (هنداوي) أن يكون دخل معه إلي جهنم. لكن سرعان ماتبينت له الحقيقة حين سمعه يقول غاضباً:
- إيه ياسي عبد الرحمن..؟! إنت مش مكفيك الصور ..و الشرايط.. و السيديهات إللي شفناها كلنا..؟! ولا عشان هوا بلدياتك جاي تدافع عنه..؟!و تمنع إننا نقيم عليه الحد ..و نطبق شرع الله..!!
قاطعه (عبد الرحمن) قائلاً:
- إنت طول عمرك مابتفهمش ياعلام..!! مابتحاولش تشغل مخك..!! إنت مسمعتش الآيه إللي قلتها..إنت شايف الإعلام ده فاسق ولا لأ....؟!يبقى إزاي آخد منه أي معلومه أكيد متفبركه.. إلا لما أتبين..!!
تحدث أحدهم موجهاً حديثه لـ(عبدالرحمن) ,و سأله بسخريه:
- يعني فيه إيه أكتر من أننا نتأكد من إن البصمه إللي على إستمارة تمرد هيا بصمته فعلاً..؟!و إننا نشوف فيديو له و هو بيستلم 100ألف جنيه من السفيرة الأمريكيه..؟! و صور له وهو مجتمع مع أوباما ..و نتنياهو..و البرادعي كمان..؟!
ضحك (عبد الرحمن) قائلاً:
- أوباما..!! هيا حصلت كمان أوباما..؟! يعني الراجل البسيط الغلبان ده..هيقابله أوباما..!!و فين في البيت الأبيض ولا في البانتجون..؟! دا عم هنداوي..عمره ماسافر بره مصر ولا عنده حتى باسبور..!!ولا يكنش أوباما ..و نتنياهو جم قابلوه عندنا في كفر الهنادوه..؟! إنت مسمعتش عن حاجه إسمها الفوتو شوب..؟!ممكن يخليك..و بيناظير بوتو إخوات.. و يجيبك بتلاعب حتشيبسوت طاوله..!!
قاطعه آخر قائلاً:
- طب و بصمته على استماره تمرد..؟! و الفلوس اللي قبضها..؟!و الموقع بتاعنا اللي كشفته الطيارات و ضربوه بالصواريخ في لحظه..؟! و كأنهم كانو متابعينا خطوه بخطوه.. !!
ابتسم (عبد الرحمن) ,و قال بهدوء:
- على فكره كل الحاجات دي ..في صف عم هنداوي..و تظهر براءته..!! أولاً عم هنداوي كان معتقل بعد الانقلاب العسكري..و حطوله جهاز تتبع في ضهره..ولما كشفه قالي عليه.. وحذرتكم لو تفتكرو .. بس ملحقتش أشرحلكم الموضوع ..و سيبنا الموقع على طول قبل مالطيران يضربو..!!ولو كان تبعهم بصحيح ..؟! كان زمانه هرب.. و كان زمانكو في خبر كان..!! ثانياً قصة الفلوس دي.. حكالنا عنها عم هنداوي لما كان في البلد ..بعد لما هجمو عليه بلطجية الداخليه ..و سرقوها منه.. و المخابرات كانو عملو علية تمثيليه مخالتش عليه طبعاً..إنه في برنامج مقالب من بتوع رمضان..!!و سهل قوى يركّبو صورة السفيره مكان المذيعه.. بشوية مونتاج بتاع خالد يوسف المخرج..والاستماره اللي خلوه يبصم عليها على إنها وصل استلام الفلوس ..سهل قوي يبدلوها ..أو إنها تكون هيا اللي بصّموه عليها من غير مايعرف..!!
تبادل الجمع الهمس , و هم مابين مصدق , و مكذب , فأردف (عبد الرحمن) قائلاً:
- يعني ماحدش فيكم سأل نفسه ..إيه مصلحة التلفزيون الحكومي والقنوات الفضائية اللي تبعه.. إنهم ينشرو الحاجات دي دلوقتي..؟! إلا إنهم مش عارفين يوصلو لعم هنداوي..و إنه مدوخهم و مجننهم..!! فحبو يخلصو منه عن طريق إنهم يوقعو بينا و بينه..ونبقي إحنا بإيدينا ..قتلنا آخر أمل لينا..!!
نظر الجميع إلي (هنداوي) المسجى على المقصلة ,مغمى العينين , مكبل اليدين, في صمت. ففرت الدموع من أعينهم , و قاموا جميعاً بفض الأربطة , و الغمامات , و أوقفوه يقبلون أيديه , و رأسه , و كتفيه. فقال في تأثر:
- الحمد لله رب العالمين.. ظهر الحق.. و زهق الباطل ..إن الباطل كان زهوقاً..قل لو اجتمع الإنس و الجن على أن يضروك بشئ ..لم يضروك إلا بشئ قد كتبه الله عليك..قل لن يصيبنا إلا ماكتبه الله لنا..هو مولانا و نعم النصير.. !!

(يتبع)

د .أشرف محمد كمال · 20-09-2013, 14:00

المشاركة الأصلية بواسطة فوزي سليم بيترو مشاهدة المشاركة

وهيطرموله سنانه..!!
نقبهم حيطلع على شونة يا دكتوري الجميل أشرف
الأسنان مخلوعة من زمان ، ألله يسامح مين كان السبب .
اللسان ينفع ؟
تحياتي
فوزي بيترو

إيه يا دكتور فوزي باب النجار مخلع ولا إيه..؟!
وياترى مين بقى اللي كان السبب..؟! معتقدش إنك دخلت معتقلات قبل كده..!!
إحنا عندنا مبيهزروش ..مبيطرموش اللسان..ياباشا..بيقطعوه من لغلوغه..
دا إذا مكسروش الراس..وقالو دا اتزحلق وهوا بياخد شوّر ..!!
بقولك أمن وطني..مش أي كلام ..الكذب عنده عاده والمطالبه بالحق معصيه
دمت بود ياصديقي

فوزي سليم بيترو · 18-09-2013, 18:17

المشاركة الأصلية بواسطة د .أشرف محمد كمال مشاهدة المشاركة

القول قولك ياعصام يا اخويا انا هبلغ هنداوي باللي قولته ده..!!
وهأ خليه يعلق له صوره في الزريبه..
على الأقل يبقى في وسط أصحابه..
بس أوعي تطلع أنت كمان من بتوع الأمن الوطني وتكون بتجرجرني في الكلام
وتبلغ عني و عنه..؟! قولهم على أخونا فوزي..هيخلوه يعرف إن الله حق وهيطرموله سنانه..!!
ياحبيبي يا فوزي.. الله يرحمه ..كان راجل طيب..

وهيطرموله سنانه..!!
نقبهم حيطلع على شونة يا دكتوري الجميل أشرف
الأسنان مخلوعة من زمان ، ألله يسامح مين كان السبب .
اللسان ينفع ؟
تحياتي
فوزي بيترو

د .أشرف محمد كمال · 18-09-2013, 16:16

المشاركة الأصلية بواسطة عصام سامى ناجى مشاهدة المشاركة

ماهنداوي غلطان برضه يادكتور اشرف عملي ثوري

ماكان يعلق صورة السيسي في بيته ولا علي صدره حتي وهما ماكانوش اعتقلوة
دانا لي واحد أعرفه كان معدي علي كمين في وقت الحظر ومكانشي معاه أي اثبات
شخصية فطلع لهم صورة السيسي كإثبات للشخصية وهو ده اللي انقذوا .....عشنا وشوفنا السيسي بقى له قيمة

القول قولك ياعصام يا اخويا انا هبلغ هنداوي باللي قولته ده..!!
وهأ خليه يعلق له صوره في الزريبه..
على الأقل يبقى في وسط أصحابه..
بس أوعي تطلع أنت كمان من بتوع الأمن الوطني وتكون بتجرجرني في الكلام
وتبلغ عني و عنه..؟! قولهم على أخونا فوزي..هيخلوه يعرف إن الله حق وهيطرموله سنانه..!!
ياحبيبي يا فوزي.. الله يرحمه ..كان راجل طيب..

عصام سامى ناجى · 18-09-2013, 16:02

ماهنداوي غلطان برضه يادكتور اشرف عملي ثوري

ماكان يعلق صورة السيسي في بيته ولا علي صدره حتي وهما ماكانوش اعتقلوة
دانا لي واحد أعرفه كان معدي علي كمين في وقت الحظر ومكانشي معاه أي اثبات
شخصية فطلع لهم صورة السيسي كإثبات للشخصية وهو ده اللي انقذوا .....عشنا وشوفنا السيسي بقى له قيمة

د .أشرف محمد كمال · 11-09-2013, 15:18

(23)

ظل (هنداوي) وسط جماعته في مقرهم الجديد ؛ الذي كانوا ينطلقون منه إلى قيادة التظاهرات و المسيرات . إلى أن دخل أحدهم ذات يوم متجهم الوجه , و أسر بشيء في أذن آخر . فنظر شذراً إلى (هنداوي) و بان عليه الغضب . فتنبه إلي ذلك , و قال متعجباً:
- إنت إزاي يا شيخ علام ..تدخل كده مترميش السلام..؟! مش من المفروض إنك تدخل تكلم الكبير الأول..!!
تكلم الشيخ (علام) باستهزاء قائلاً:
- معلش يا كبير..أصل الأمر ده خطير..وهيتحدد عليه حاجات كتير..!!
تهامس الجمع فيما بينه , و تحدث معهم ذلك الرجل الذي كلمه (علام) فانتفضوا جميعاً , و أحاطوا بـ(هنداوي) إحاطة السوار بالمعصم . فبهت و قال غاضباً:
- إيه يا إخوانا ..حصل إيه..؟! العسكر احتلو مصر كلاتها..!!
قال ذلك الرجل الذي أصبح على مايبدوا قائدهم الجديد ساخراً:
- لأ الملعوب انكشف..يا هنداوي..!! وعرفنا إنك جاسوس مزروع في وسطينا..وتمن الخيانه عندنا هو الموت..!!
..تم حبس (هنداوي) في كهف مظلم لا يوجد به بصيص ضياء , ولا يدخله الهواء. وسط حراسة مشددة من أفراد الجماعة لساعات طوال حتى يجتمع مجلس شورى الجماعة , و يبتوا في أمره .فهتف قائلاً:
- يإخوانّا أنا مش خوّان..ولا خاين..إنتو جبتو الكلام ده منين..؟!هما يقبضو عليا ويأخونوني..يإما إنتو تحبسوني وتخونوني..!!خلاص عرفو إزاي يضحكو علينا.. ويوقعو بينّا ..علشان يستفردو بينا واحد ورا التاني..!!ماهوه ده نفس الملعوب اللي بيلعبه اليهود طول عمرهم ..عشان يفضلو طول العمر مستعبدنا ..وحاكمنا ..ويحركونا زي العرايس في ايديهم..؟! ياجاي ياهو فوقو بقه..!! إحنا هنفضل كده ..عُبط لأمتى.. ويضحك علينا كده بسهوله..؟!
فجأة فُتح الباب , و دخل مجلس شورى الجماعة , و قد أقروا بالإجماع ..إعدام (هنداوي) , و قطع رقبته بالسيف . ثم دخل (علام) ممسكاً بسيف كبير لامع مشحوذ , و هو يبتسم في تشف , فازدرد (هنداوي) لعابه في صعوبة و قال:
- أشهد ألا إله إلا الله ..وأن محمداً رسول الله..

(يتبع)

د .أشرف محمد كمال · 07-09-2013, 14:17

(22)

ارتجف رائد المخابرات , و هو يؤدي التحية العسكرية لمديرها الجديد؛ ذاك اللواء صغير السن الذي تلقى تدريبه في الولايات المتحدة الأمريكية , ربما ذلك ما أوصله إلى منصبه هذا بهذه السرعة..!! ثم قال في خوف:
- تمام يا أفندم ..حضرتك استدعتني خير..؟!
و لما طال صمته, ارتعشت نبرات صوته ,و أردف قائلاً في توسل:
- والله ماليا ذنب يافندم ..!!سيادة اللواء مات لوحده قضاء و قدر..و تقرير الطبيب الشرعي قال كده..أنا لا سميته.. ولا خنقته.. ولا عملتله أي حاجه ..؟! هوا هنداوي السبب..أيوه هوا السبب..!!
ظل ذلك اللواء صامتاً , مستغرقاً في التفكير , ينظر إلى الرائد في جمود . فأستطرد الأخير قائلاً:
- يافندم إحنا ممكن نقول إن هنداوي..هوا إللي قتله..دا إرهابي دولي وبينفذ عمليات إرهابيه كبيره..!! و بكده ممكن نمد فترة الطوارئ.. ونشتغل براحتنا في سينا ..ونقبض على الجماعات الإرهابية دي.. وأي واحد يتظاهر في الشارع بمزاجنا..!!
هنا تكلم اللواء بصوت جهوري , و قال غاضباً:
- إنت بتخرف بتقول إيه..؟! إنت عاوزنا نقول..إن حتة إرهابي حقير زي هنداوي ..مش عارفين نقبض عليه..!! لأ و إيه ..؟! قدر يدخل مقر المخابرات العسكرية..و يقتل مدير المخابرات..!!كده بكل سهوله..؟!دي كانت تبقى فضيحتنا بجلاجل..!! و بعدين إنت فاكرنا هنعمل زي الداخليه.. ولا محتاجين لقانون الطوارئ عشان نعمل شغلنا..؟! إحنا مبيهمناش أي حد في البلدي ..ومافيش حد يقدر أبداً يقف قدامنا..!!
ارتعد جسد ذلك الرائد , و سأله مستفسراً:
- أمال هنعمل إيه يا فندم مع هنداوي ده..؟! إزاي هنجيبه ..؟! إحنا هنسيبه كده ..؟! بعد لما كشف جهاز المتابعه و هرب مننا..!!
ابتسم اللواء في خبث قائلاً:
- متقلقش ..إحنا هنقضي عليه بسلاحنا السري..!!
فرح الرائد , و سأل في بلاهة:
- هنستخدم معاه النووي..؟!
غضب اللواء بشدة , و قال بحنق:
- نووي إيه ياسيادة الرائد..؟! إنت معندكش إي معلومات خالص..؟! هوا إحنا حيلتنا نووي ..!! أنا أقصد سلاح الإعلام..إحنا هنشيع إن هنداوي عميل سري للمخابرات..مزروع في وسط الجماعات الإرهابيه..و هنسرب في الفضائيات..تصوير توقيعه لإستمارة تمرد..و قبضه للفلوس..و نخلي بقه الجماعات هيا إللي تقوم بالباقي و تصفيه..يأما هيجي لحد عندنا برجليه.. يسلم نفسه عشان نحميه منهم ..ويقول حقي برقبتي..!!

(يتبع)

د .أشرف محمد كمال · 05-09-2013, 15:25

(21)

كان المشهد الذي أودى بحياة لواء المخابرات هو ظهور (هنداوي) على شاشة التلفزيون بابتسامته الساخرة رافعاً أصابعه الأربعة علامة مجزرة (رابعة العدوية) الشهيرة فلم يحتمل قلبه المريض ,وعمره الذي تجاوز سن الإحالة على المعاش تلك الصدمة و توفى في الحال.
نزل (هنداوي) كما وعد يوم 8/30 جاب الشوارع في مسيرات سلمية كسائر الشرفاء في جميع انحاء مصر , فبلغوا مئات الألوف في كافة المحافظات ؛ و ليس بضع مئات كما يشيع إعلام مسيلمة الكذاب. وقد اكتشف جهاز المتابعة المزروع بالصدفة البحتة ؛ لحسن الحظ .. فقد كان يعاني من حساسية شديدة جعلته يحك ظهره بصورة مستمرة منذ خروجه من المعتقل لدرجة أنه ظن أن جرباً قد أصابه حتى أنه كان يمسك بحطبه طويله كي يستطيع الوصول إلى مكان تلك الحكة , و يظل يحك حتى يدمى جلده ..إلى أن اصطدمت تلك الحطبة ذات مرة بجسم صلب و اقتلعته من جزوره , فوجد رقاقة بحجم بطارية الساعة الإلكترونية ملوثة بقطرات من الدم ومغطاة بطبقة رقيقة من الجلد ففهم (هنداوي) بفطنته منْ من الممكن أن يكون زرع هذا الجهاز في جسده ..؟! وما فائدته..؟!
فدفنه في مكانه وحذر الجماعة .ثم انطلقوا خارج الموقع على الفور قبل أن تقوم الطائرات بدكه و مساواته بالرمال..!!
مشى (هنداوي) وسط الجموع الغفيرة ,وقال بثقة:
- ماشاء الله الشعب كله نازل..!! إنتو عارفين إيه أجمل حاجه في انقلاب يونيو..؟! انه رجعنا تاني إيد واحده..الشعب و الشعب.. إيد واحده.. بأربع صوابع..!! اي نعم صوابع إيديك مش قد بعضها.. لكن كلها في إيد واحده..وإللي يحاول يحني صابع فيها أو يقطعه..يبقى لازم يقطع الأيد كلها..!!
ثم نظر حوله بكل فخر إلي تنوع الفصائل الموجودة في التظاهرة ,و قال:
- كان فيه واحد سلفي زمان سألني..هو مرسي عمل إيه للشريعه و للإسلام..؟!عشان ننزل ندافع عنه ..!! دلوقتي حلقولوه دقنه..ومنعوه يصلي في الجامع إللي جنب بيته..!! و واحد تاني من شباب اليومين دول بتوع 6 ابريل..اللي فضل يتظاهر ضد مرسي بسبب و بدون سبب ..عمال على بطال..خدو أبوه في أمن الدوله و عذبوه.. دلوقتي أبوه منعه من الخروج للمظاهرات..و قطع عنه المصروف.. وأمره إنه يقطع علاقته بالحركه..وإلا هيطلق أمه ..!! و واحد قريبي كان عنده كذا تاكسي ..فضل سنه كامله يدعي على مرسي بسبب البنزين.. دلوقتي باعهم كلهم بتراب الفلوس ..واستغنى عن السواقين..واشتغل بنفسه على تاكسي ..ورديه واحده بسبب الحظر..!! و الست اللي فضلت معترضه على ارتفاع الاسعار أيام مرسي..و مافيش على لسانها غير منك لله يامرسي ..بتشكتي دلوقتي إنها لأول مره في حياتها التموين يجي بس نصه..والاضافي مجاش خالص..!! و الناس اللي مسكتوش سنه بحالها عن شتم مرسي والإخوان في كل صلا وأدان بأفظع الألفاظ .. حتة منشور مالوش لازمه..خلاهم يخافو يهمسو حتى فى الحمام بكلام في السياسه..!! و جارتنا المسيحيه اللي نزلت يوم 30 يونيو هيا و جوزها ضد مرسي..عشان الإخوان لو اتمكنو هيضطهدو المسيحين..بتشتكي ليا إن معظم جيرانها قاطعوها بعد ما قالت يوم فض اعتصام رابعه..يارب يموتهم كلهم..و بطلو حتى يرمو السلام عليها..!!و إنها شالت الصليب من عربيتها..و حاطه طرحه فى شنطتها للظروف !!.. اللهم لا شماته ...أيوه جايز هما شايفين إن مرسي معرفش يعملهم حاجه..؟! لكن على الأقل سابهم راسهم مرفوعه و أحرار.. مش عبيد بيداس عليهم بالبياده..!!

(يتبع)

هنــــداوي في المعتقــــــل (متجـدد)

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

ما الذي يحدث