(سلسلة) لغــــز اسمــــه … الــــزواج ..؟!

**أحمد أبوزيد** · 17-05-2010, 18:55

د. أشرف

و مارست معه أقدم مهنة في التاريخ . فاليهود بارعين في ذلك كل البراعة ؛ منذ أيام (دليلة و شمشمون) , إلى عهد الآنسة (مونيكا) , و مدام ( أولبرايت ) ..!!

ما هى اقدم مهنة فى التاريخ ؟
مونيكا بعد إل حصل كله و لسه أنسة

ما تشوفوا شغلكم بقى بضمير

تحياتى و تقديرى
أحمد أبوزيد

**د .أشرف محمد كمال** · 17-05-2010, 19:09

المشاركة الأصلية بواسطة أحمد أبوزيد مشاهدة المشاركة

د. أشرف

و مارست معه أقدم مهنة في التاريخ . فاليهود بارعين في ذلك كل البراعة ؛ منذ أيام (دليلة و شمشمون) , إلى عهد الآنسة (مونيكا) , و مدام ( أولبرايت ) ..!!

ما هى اقدم مهنة فى التاريخ ؟

أسأل عنها أستاذ تاريخ..

مونيكا بعد إل حصل كله و لسه أنسة

أسأل في ده كلينتون..

ما تشوفوا شغلكم بقى بضمير

حاضر ياباشا أنت تؤمر..

تحياتى و تقديرى
أحمد أبوزيد

أشكرك أخي الغالي على حضورك الكريم و متابعتك القيمة
لك خالص ودى و خاص وردي

**مها راجح** · 17-05-2010, 19:25

مرحبا دكتور اشرف
يبدو انه فاتني الكثير
اتمنى تكبير الخط شويتين

تحيتي

**د .أشرف محمد كمال** · 18-05-2010, 14:40

المشاركة الأصلية بواسطة مها راجح مشاهدة المشاركة

مرحبا دكتور اشرف
يبدو انه فاتني الكثير
اتمنى تكبير الخط شويتين

تحيتي

بناءاً على طلب الجماهير
و الناس اللي نظرهم ضعيف
سيتم تكبير الخط شويتين من الآن و صاعداً
وتعديل ماسبق و كتب كلما سنحت ظروف النت

الأخت الفاضلة مها راجح يشرفني بالقطع متابعتك
و يسعدني معرفة رأيك في السلسلة
دمت بود و دام تواصلنا

**د .أشرف محمد كمال** · 20-05-2010, 17:30

لغـز اسمه الـزواج ..العصر الحالي(الحلقة الحادية عشر)الزواج في اسرائيل(2)

(2)

.. تزوج (على) من (راشيل) , و سكن معها في (تل أبيب) . و استمر الحال لمدة عامين . بعدها فوجئ بـ (راشيل) تقول له :
ـ علي حبيبي .. إنت لازم تحاول يبقى عندك فلوس كتير.. علشان تأمن مستقبلك ..و مستقبل ولادك ..!!
ضحك (علي) قائلاً :
ـ مش لما يبقى فيه ولاد الأول ..!! ماهوه.. إحنا متجوزين بقالنا سنين .. و مافيش عيال لحد دلوقت ..!!
اضطربت (راشيل) , و قالت في سرعة :
ـ بكره يبقى فيه ولاد .. لكن لازم يلاقوا عندهم إللي يكفيهم.. و زياده .. فلوس .. أرض .. شركات .. عمارات ..
قاطعها (علي) قائلاً :
ـ ماهو الحمد لله شركة السياحه بتاعتي شغاله كويس.. خصوصاً اليومين دول بعد الاستقرار .. و معاهدة السلام .. إللي بين مصر و إســرائيل ..
غضبت (راشيل) بعد أن نفذ صبرها :
ـ إنت مش فاهم قصدى ..!! شركة سياحة إيه .. و بتجيب إيه ..!!؟ دى مكسبها في السنه ما يجبش تمن عربيه فولفو .. ولا شيفروليه ..!!
قاطعها قائلاً بخجل:
ـ يا ستي بكره تكبر ..و نكبر معاها .. و نقدر نحقق سوا كل إللي بنحلـم بيه ..!!
ازدادت حدة غضب (راشيل) , و قالت ساخرة :
ـ إن شاء الله .. بعد آلاف السنين .. إنت ليه مش عاوز تفهم ..؟!!
تعجب قائلاً :
ـ أفهم إيه ..؟!
ابتسمت له ؛ و أخذت تداعبه في رقبته , و تلثمه بشفتيها. قائلة :
ـ فيه شغلانه حلوه أوي .. و فلوسها كتير .. و مش هتكلفنا حاجه .. لو فتّحنا مخنا .. و قدرنا ننفذ كل المطلوب مننا ..!!
هتف (علي) جزعاً :
ـ شغلانة إيه ..؟! إوعي يكون قصدك ..!!
أومأت له برأسها . فاستطرد قائلاً :
ـ عايزاني أخون بلدي .. و أتجسس عليها ..؟! و بعدين إنتوا عاوزين إيه ..؟! ما احنا بينا وبين بعض .. معاهدات سلام .. و عايشين في سلام ..!! إنتوا لسه عايزين تعرفوا إيه ..؟! و عايزين لسه منا إيه ..؟!
ربتت على كتفه , و هي تحتضنه , و تملس على شعره :
ـ يا حبيبي إحنا عايزين نحافظ على السلام .. و نتأكد إن ما فيش حرب ممكن تقوم تاني .. تهدد مستقبلنا .. و مستقبل ولادنا .. و نمنعها في الوقت المناسب .. علشان ما تدمرناش.. و تضيع حياتنا ..
و استدركت قائلة :
ـ و بعدين إيه كلمة منا دي .. مانت بقيت منا خلاص .. و احنا واحد .. و مستقبلك هو مستقبلنا .. و هيا دي حياتنا .. و الواحد بيعيش مره واحده .. يبقى لازم ننتهز الفرصه ..!!
صمت (علي) و أخذ يفكر ملياً , و قد بان عليه الاضطراب . ثم قال بتردد :
ـ يعني أنا المطلوب مني إيه ..؟! أنا ماليش دعوه بالحاجات العسكريه خالص ..!!
أجابته (راشيل) على الفور , و قد ارتسمت على وجهها علامات الظفر :
ـ و مين جاب سيره الحاجات العسكريه ..؟! ما احنا بنصورها بالأقمار الصناعيه ..!! لأ إحنا عايزين .. المعلومات الاقتصاديه .. عن الصناعه .. و الزراعه .. و المشاريع القوميه .. عايزين نعرف نبض الشارع .. و كل إللي بيحصل في حياتهم اليوميه .. عايزين أي وثائق تقدر تحصل عليها .. عن المشاريع السياحيه.. أو البتروليه.. أو التبادلات التجاريه ..
ثم ابتسمت له , و استطردت قائلة :
ـ شفت بقى يا سيدي الموضوع بسيط إزاي .. و مالوش دعوه بالحاجات العسكريه .. و الدفع هيكون بالدولار .. لإن دي مصالح أمريكيه تجاريه.. مش سياسيه ..!!

يتبع

**أحمد أبوزيد** · 20-05-2010, 18:52

د . أشرف

ابتسمت له ؛ و أخذت تداعبه في رقبته , و تلثمه بشفتيها.

ليه بقى بتعمل كده ؟؟؟؟؟؟؟؟؟

تحياتى و شكرا

**د .أشرف محمد كمال** · 22-05-2010, 18:09

المشاركة الأصلية بواسطة أحمد أبوزيد مشاهدة المشاركة

د . أشرف

ابتسمت له ؛ و أخذت تداعبه في رقبته , و تلثمه بشفتيها.

ليه بقى بتعمل كده ؟؟؟؟؟؟؟؟؟

تحياتى و شكرا

قووووول أنت بقااااااا ..!!!!

**د .أشرف محمد كمال** · 22-05-2010, 18:25

لغـز اسمه الـزواج ..العصر الحالي(الحلقة الحادية عشر)الزواج في اسرائيل(3)

(3)

.. مضت قرابة عشرين عاماً . و أصبح (علي) الآن برتبة جنرال في (الموساد) الإسرائيلي . و أحد أهم الشخصيات البارزة في (تل أبيب) بل تم ترشيحه في (الكنيست) الإسرائيلي؛ تقديراً لخدمته المتفانية في خدمة أهداف إسرائيل الكبرى ؛ بعد أن حصل على الجنسية الإسرائيلية , و أصبح اسمه (رفاييل حاييم) , و أدار أكبر شبكة للجاسوسية في مصر طوال تلك الأعوام . و أصبح من أغنى أغنياء إسرائيل . ذلك بالطبع بفضل زوجته (راشيل) التي ورثت أموال أبيها (كوهين) , و أدارها (علي) طوال تلك السنين , بالإضافة طبعاً لما جناه من وراء عمله الخطير , الذي تفانى فيه على المدى الطويل .
.. لكن ما لم تعرفه إسرائيل أو (راشيل) حتى الآن ؛ أن (علي سويلم) أو (رفاييل حاييم) , ما هو إلا (مصطفى وجدي) الضابط بجهاز المخابرات المصري . و أنه قضى كل تلك السنين في خدمة بلده مصر ؛ بعد أن عرف كل جواسيس , وعملاء إسرائيل في مصر . و كان يمدهم بالمعلومات التي لا تمثل في حد ذاتها قيمة , أو بمعلومات خداعية تحاول تسريبها أجهزة المخابرات المصرية . بينما حصل هو بحكم موقعه , و تغلغله داخل إسرائيل على الكثير من المعلومات الاستراتيجية الحيوية , و مواقع تمركز القوات الإسرائيلية على الحدود اللبنانية , و ساهم بقدر كبير في خروج إسرائيل من لبنان , و دعم الانتفاضة الفلسطينية , و تنفيذ الكثير من المهام الانتحارية للفدائيين؛ تحت الاسم الحركي (سيف الدين) الذي لم يره , أو يعرفه أحد حتى الآن ..!!
أما المفاجأة الأكبر الخاصة بـ (راشيل) ؛ أن (رافييل) أقصد (علي سويلم) – عفواً - (مصطفى وجدي) . أب لكل من (أحمد) و(محمود) . و هما ضابطان بالجيش المصري . و لم ينجب من (راشيل) طوال تلك السنين . لأنه رفض أن يكون له أبناء من أم يهودية . و كان يستعمل لذلك بعض الأدوية - فلا يجوز لأب مسلم أن يكون له أولاد يحملون الجنسية الإسرائيلية - فقد يلتقي بيوم من الأيام الأخوان في ميدان القتال . و يكون لكل واحد منهم انتماءات و أفكار و عقائد مختلفة ؛ بسبب اختلاف الأم , رغم صلة الدم ..!!

**د .أشرف محمد كمال** · 02-06-2010, 05:19

السلام عليكم ورحمة الله وبركاته

إييييه يا جماعه..!!

إلا مافي حد سأل عليا وقال الراجل ده اختفي فين من الأسبوع اللي فات..؟!
وإلا أنتو ماصدقتوا ارتحتوا مني ومن حكاياتي..!!

مش يمكن تكون القوات الإسرائيلية خطفتني مع قافلة الحرية..؟!
وبتعذبني عشان تاخد مني اعترافات عن مصطفى وجدي..!!

ماااااشي

هعترف عليكم واحد واحد وهخليكوا تروحو جوه أنتو ناموا

**مها راجح** · 03-06-2010, 10:44

الدكتور أشرف
نتمنى ان تكون بخير

زوبعة مرت بنا ..نحاول ان نلملم ما شتت فينا
ننتظر الألغاز ..
كن بخير

**د .أشرف محمد كمال** · 15-06-2010, 20:20

لغـز اسمه الـزواج ..العصر الحالي(الحلقة الثانية عشر) الزواج في الصين

الحلقـة الثانية عشـر

الزواج في الصـين

أما الزواج في دول شرق أسيا مثل الصين , و كوريا , و اليابان . فيتشابه كثيراً ؛ نظراً لأنهم يشتركون في نفس اللون - يطلق عليهم الجنس الأصفر - فهم أولاد (يافث) بن سيدنا (نوح) , و الأفارقة الزنوج , و البربر من أولاد (حام) . و الأوربيون , و العرب من أولاد (سام) بن سيدنا (نوح) أيضاً ..!! فالسمة المميزة لتلك البلاد هي تلك البشرة البرونزية , و العيون الأفقية ؛ حتى أنك تظن أنهم يمشون , و هم نائمون , أو أنهم لا يرون , أو يتربصون بك كالنمور الجائعة ..!! فهم متشابهين إلى حد أنك لا تستطيع أن تميز أحدهم عن الآخر , و كأنهم صورة مكررة من توائم مستنسخة ..!! المهم أن الزواج في تلك البلاد له طقوس عجيبة و غريبة , لكن أهم ما فيه احترام الزوجة الشديد للزوج , و أهل الزوج الذي يصل إلى درجة الاستعباد - هذا ما كان عليه الحال منذ عدة سنوات ..!! - أما الآن..؟! فأصبح الحال لا يقل عنه في غيرها من البلاد ؛ خاصة بعد أن انتقلت له صورة العالم الغربي عبر الأقمار الصناعية , و الإنترنت . و بعد أن أصبحن يضعن العدسات اللاصقة , و يقمن بعمليات التوسيع , و التكبير , و التصغير , و التبديل في خلقة الرحمن القدير ..!!
كما أنهن الآن أصبحن بارعات في ألعاب الكاراتيه , و الجودو , و الكونغوفو , فأمسى الآن الرجال يخشون اغضابهن , و إلا لاقوا منهن ما لا يحمد عقباه , و لضاعت هيبة المحارب الساموري العظيم ؛ الذي كان يضرب به المثل منذ قديم الأزل ؛ لكن ما زالت البيوت تخفي الكثير من الأسرار . و سنحاول في خفة أن نكشف عنها الستار .
لعل من أهم مظاهر تلك المجتمعات ؛ هو زيادة معدلات الإنجاب , مما دفع بعض الحكومات إلى فرض عقوبات , إذا ما زاد العدد عن طفلين , و حكومات أخرى قامت بإخصاء الرجال , و جعلهم عقيم . حتى ضاعت هيبتهم أمام الحريم ..!!
تلك الأسرة التي نحن بصددها لم تكن قد عرفت هذا الاختراع بعد . فكان لديها سبعة أطفال . مما جعل الأب (جو مان جي) , و الأم (سون جين هي) دائمي الشجار طوال النهار ؛ أما في الليل , فيعدن للمداعبة و الهزار . و ينجبون مزيداً من الأطفال ..!!
قالت (سون) إلى (جو) بحنق ـ طبعاً باللغة الصينية ـ :
ـ إنت تشوف لك حل بقه ..يا سي جو .. أنا مش معقول كل سنه.. ألاقي نفسي حامل .. أنا ما عدش فيا صحه خلاص..!!
نظر (جو) لها وقد رفع حاجبيه متعجباً :
ـ طب و أنا أعمل لك إيه .. هو أنا السبب ..؟!! مانتي إللي بتغلطي.. و تنسي تاخدي الحبايه يا ست هانم ..!!
قاطعته (سون) قائلة :
ـ ماهو إنت إللي لابخني .. إنت و عيالك .. هو أنا عاد فيا دماغ .. و بعدين إشمعنا أنا إللي يكون عليا كل حاجه .. إنت ليه ما بتعملش عملية زي بقيت الرجاله ..؟!!
قاطعها (جو) غاضباً :
ـ إياك عدتي تجيبي سيرة الموضوع ده تاني ..!! هما الرجاله بعد كده يبقوا رجاله ..؟!! كله إلا كده .. هيا حصلت .. والله عال .. يعملوها الستات ..و يقعوا فيها الرجاله ..!!
نظرت إليه متأففة , و قالت :
ـ مانت فضلت تقول كده.. لحد ما بقى عندنا سبع عيال ..
قال لها (جو) صارخاً :
ـ و أنا مالي ..؟! ما تشوفيلك و سيله تانيه ..!!
وضعت يديها على خديها و زفرت قائلة :
ـ ماناجربت كل الوسايل .. من لولب.. لحقن.. لحبوب .. و مفيش حاجه نافعة معاك ..؟!!
ضحك بصوت جهوري , ثم قال :
ـ برضك أنا السبب ..؟! مانا إللي بلاقيكي كل يوم.. منيمه العيال من بدري .. و لبسالي القميص البمبي .. يبقى العيب عليا إني بأدي واجبي ..؟!!
ابتسمت في خجل قائلة :
ـ يا سلام يا سيدي ..!! طب و أنا أعمل إيه دلوقتي ..؟!
نظر إليها (جو) بهلع قائلاً :
ـ ليه ..؟ هو حصل إيه تاني يا ستي ..؟!!
أدارت وجهها عنه . و انكمشت برأسها حتى اختفى بين كتفيها , قائلة:
ـ أنا الدوره.. بقالها شهرين .. ما جتش عندي ..!!
جحظت عيني (جو) - برغم صغرهما- و قال صارخاً:
ـ يا نهار أبوكي إسود .. بقالك شهرين.. و مخبيه عليا ..!! و لسه دلوقتي جايه تقوليلي يا وليه ..؟!!
ملحوظة : هذه ترجمة فورية من اللغة الصينية لما يقابلها بالعامية المصرية . لكن نفس العبارات الزوجية تقال بين الأزواج على الرغم من اختلاف اللغات و اللهجات ..!!

يتبع

**د .أشرف محمد كمال** · 18-06-2010, 09:05

لغـز اسمه الـزواج ..العصر الحالي(الحلقة الثانية عشر) الزواج في الصين (2)

(2)

.. بكت (سون) قائلة :
ـ الله .. و أنا أعمل إيه ..؟! ما هو ده إللي حصل .. يعني هو كان بخاطري .. ما هو كان غصب عني ..!!
ثم استطردت متسائلة :
ـ طب ما نروح عند الدكتور شين .. إللي صحبتي ..أوشين قالتلي عليه .. و نزل لها الحمل ..؟!
نظر لها (جو) شذراً :
ـ نعم يا ست هانم .. إنتي كمان عاوزاني أقتل إبني .. علشان ربنا ينتقم مني.. و يحرمني .. و يعاقبني على ذنبي .. أبداً .. دى إرادة ربنا .. و ربنا عاوز كده ..
قاطعته (سون) باكية :
ـ طيب إزاي هنربي كل دول .. دول بيدخلوا الحمام بالطابور .. و بيناموا على السرير بالدور .. و بين الواحد و التاني عشر شهور .. أنا أجيب صحه منين لكل دول ..؟!! روح إنت إعمل زي ما باقول .. شوف دكتور يعملك عمليه تمنع الخلفة على طول ..
نظر إليها (جو) ساخراً :
ـ شوفي .. أنا مش مسؤول عن الموضوع ده .. و لو اقتضى الأمر إني أطلقك .. مش هاروح للدكتور .. جايز ده يكون الحل المضمون إنك ما تحمليش على طول ..!!
ضربت بقبضتها على يديها قائلة :
ـ هيا حصلت يا جو ..إنك تطلقني كمان ..؟!!
قال لها ضاحكاً :
ـ أيوه علشان تستريحي خالص .. و أروح أتجوز واحده تانيه.. تكون لسه حلوه.. و صغيره .. و خدودها زي البرقوق..
بينما كان يتحدث إليها مولياً ظهره ؛ كانت (سون) في حالة من الغضب أقرب إلى الجنان . و وجهها أحمر من الاحتقان . تكاد تنفجر مثل البركان . فاستطرد :
ـ .. و جسمها زي الغزلان .. و بقها خاتم سليمان .. و صدرها ..
ثم التفت إليها , فإذ بها تنقض عليه فجأة – و هي البطلة الدولية في الكاراتيه - و ضربته ضربة قوية أسقطته أرضاً , قضت عليه , و جعلته لم يعد يصلح لها أو لغيرها ..!! و لم يعد فى حاجه إلى إجراء العملية . سجل ذلك الاختراع في الهيئة العالمية لتنظيم الأسرة باسم (سون جين هى) الصينية التي اخترعت تلك الطريقة الجهنمية ؛ لعلاج المشكلة الصينية من دون التكاليف الباهظة لإجراء أية عملية . أو استخدام الوسائل التقليدية ..!!
.. لذا نأمل نحن رابطة الرجال العرب, ألا تكون قد وصلت تلك المعلومات السرية عبر القنوات الفضائية إلى النساء في الدول العربية . خاصة و أنهم يحتكرون الآن استخدام الأكياس البلاستيكية , و السكاكين الصدأة في علاج كافة المشاكل الزوجية ..!!

**أحمد أبوزيد** · 18-06-2010, 11:27

د. أشرف

و حشنى و الله جدااااااااااااااااا ............

أنا لسه راجع من المصيف و لم اتابع موضوعك

و قبل السفر كنت ملخوم بمسئوليتى فى ملتقى الفكر الإقتصادى تبقى تزورنا

المهم

طبعا الرجل هنا أنانى جدا

لازم يتحمل المسئولية مع الزوجة فى تنظيم الأسرة

أنا بعتذر عن عدم إمكانى الهزار كما سبق
و بعدين نويت و نيتى على الله أن أكون جاد جدا و أكشر و أتكلم من مناخيرى خلاص أصبحت رجل مهم فى الملتقى

وميت من التعب يا دكتور
أسبوع بالكامل بدون نوم
بحر و رمله و بورى مشوى و مايوهات بكينى تقطع القلب
كل مايو له تأثر طن فيجارا
و اخر طن شوفته كان شديد آوى
و تأثيره كان غريب
مش عارف حصل آيه
يبدوا إنه علق

أخذت 10 طن منوم ولا مأثر

متعرفش أعمل آيه

أعد بالعافية

**د .أشرف محمد كمال** · 18-06-2010, 22:12

المشاركة الأصلية بواسطة أحمد أبوزيد مشاهدة المشاركة

د. أشرف

أبو زيد حبيب قلبي

و حشنى و الله جدااااااااااااااااا ............

القلوب عند بعضها والله أنت الأوحش..

أنا لسه راجع من المصيف و لم اتابع موضوعك

راجع من المصيف و أنت من اسكندريه..!!!

و قبل السفر كنت ملخوم بمسئوليتى فى ملتقى الفكر الإقتصادى تبقى تزورنا

أنا بحب اسيب الاقتصاد لبتوع الاقتصاد ومبحبش أتكلم في السياسة

المهم

طبعا الرجل هنا أنانى جدا

لازم يتحمل المسئولية مع الزوجة فى تنظيم الأسرة

يتحمل مسؤلية مين..؟!أنا بقولك دا قطع الخلف خالص..!!

أنا بعتذر عن عدم إمكانى الهزار كما سبق
و بعدين نويت و نيتى على الله أن أكون جاد جدا و أكشر و أتكلم من مناخيرى خلاص أصبحت رجل مهم فى الملتقى

ليه كفانا الشر أنت اتغيرت ولا أيه هيا الكراسي بتغير الناس كده..؟!

وميت من التعب يا دكتور
أسبوع بالكامل بدون نوم
بحر و رمله و بورى مشوى و مايوهات بكينى تقطع القلب
كل مايو له تأثر طن فيجارا
و اخر طن شوفته كان شديد آوى
و تأثيره كان غريب
مش عارف حصل آيه
يبدوا إنه علق

أخذت 10 طن منوم ولا مأثر

متعرفش أعمل آيه

أحسن حاجه لك أنك تتجوز :(..و تكون واحده من الصين

أعد بالعافية

الله يعافينا و يعافيك والكل كليله

**مها راجح** · 19-06-2010, 11:26

المشاركة الأصلية بواسطة د .أشرف محمد كمال مشاهدة المشاركة

(2)

.. بكت (سون) قائلة :
ـ الله .. و أنا أعمل إيه ..؟! ما هو ده إللي حصل .. يعني هو كان بخاطري .. ما هو كان غصب عني ..!!
ثم استطردت متسائلة :
ـ طب ما نروح عند الدكتور شين .. إللي صحبتي ..أوشين قالتلي عليه .. و نزل لها الحمل ..؟!
نظر لها (جو) شذراً :
ـ نعم يا ست هانم .. إنتي كمان عاوزاني أقتل إبني .. علشان ربنا ينتقم مني.. و يحرمني .. و يعاقبني على ذنبي .. أبداً .. دى إرادة ربنا .. و ربنا عاوز كده ..
قاطعته (سون) باكية :
ـ طيب إزاي هنربي كل دول .. دول بيدخلوا الحمام بالطابور .. و بيناموا على السرير بالدور .. و بين الواحد و التاني عشر شهور .. أنا أجيب صحه منين لكل دول ..؟!! روح إنت إعمل زي ما باقول .. شوف دكتور يعملك عمليه تمنع الخلفة على طول ..
نظر إليها (جو) ساخراً :
ـ شوفي .. أنا مش مسؤول عن الموضوع ده .. و لو اقتضى الأمر إني أطلقك .. مش هاروح للدكتور .. جايز ده يكون الحل المضمون إنك ما تحمليش على طول ..!!
ضربت بقبضتها على يديها قائلة :
ـ هيا حصلت يا جو ..إنك تطلقني كمان ..؟!!
قال لها ضاحكاً :
ـ أيوه علشان تستريحي خالص .. و أروح أتجوز واحده تانيه.. تكون لسه حلوه.. و صغيره .. و خدودها زي البرقوق..
بينما كان يتحدث إليها مولياً ظهره ؛ كانت (سون) في حالة من الغضب أقرب إلى الجنان . و وجهها أحمر من الاحتقان . تكاد تنفجر مثل البركان . فاستطرد :
ـ .. و جسمها زي الغزلان .. و بقها خاتم سليمان .. و صدرها ..
ثم التفت إليها , فإذ بها تنقض عليه فجأة – و هي البطلة الدولية في الكاراتيه - و ضربته ضربة قوية أسقطته أرضاً , و قضت عليه , و جعلته لم يعد يصلح لها أو لغيرها ..!! و لم يعد فى حاجه إلى إجراء العملية .. و سجل ذلك الاختراع في الهيئة العالمية لتنظيم الأسرة باسم (سون جين هى) الصينية التي اخترعت تلك الطريقة الجهنمية لعلاج المشكلة الصينية بدون التكاليف الباهظة لإجراء أي عملية . أو استخدام الوسائل التقليدية ..!!
.. لذا نأمل نحن رابطة الرجال العرب, ألا تكون قد وصلت تلك المعلومات السرية عبر القنوات الفضائية إلى النساء في الدول العربية . خاصة و أنهم يحتكرون الآن استخدام الأكياس البلاستيكية , و السكاكين الصدأة في علاج كافة المشاكل الزوجية ..!!

نص لطيف جدا ..
للحظة ظننت الزوجان من فئران (الهامستر )
تحيتي

(سلسلة) لغــــز اسمــــه … الــــزواج ..؟!

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث