مسابقة يناير للتواصل والإبداع ووسام نجم الشعر ..

**جمال عمران** · 13-01-2011, 14:16

دورت على نوع من المعدن اسمى بيه اخواننا ..
اللى بيغدروا بينا ويخونوا ود كان بيننا ..
لقيتهم اقل من الصفيح فى القيمة والمعنى ..
وكفاية انهم بلا قافية بين الدول فاضحيننا..

**د.نجلاء نصير** · 13-01-2011, 17:41

أهل الخيانة دول وسواس خناس
بينشر سمه بين كل الناس
والواحد منهم مايقدرش يمشي من غير حراس
ولو يوم وقع يتنسي وينداس

**جمعه محمد** · 13-01-2011, 17:51

( مملكة الحب )
ساحر وسارق وقاتل وله ضحايا كتير
يحتل كل القلوب لا بقصد ولا تدبير
يإسر ويسحر ويقتل لا يقول غنى وفقير
قبل الزمان بزمان له مملكه بتسير
وعجبى !!!!!

**وليد الوصيف** · 13-01-2011, 17:59

راوي السموم عايش فى عروق الوطن
أسمه خيانه ورشوة وفساد
والكل ملهي وما فيش شهيد غيرالوطن
وإللى هايص تجار السم فى البلاد

**د.نجلاء نصير** · 13-01-2011, 18:05

رغم الظلام والخوف يا بهية عندي أمل كبير
إنك في لحظة تتحرري وتغيري كتيير
لأن أرضك طيبة ونيلك سلسبيل
وولادك لخاطر عيونك يشيلوكي شيل

**الخليل عيد** · 13-01-2011, 18:20

لهيب بتونس الخضرا
وقسمة كحكة السودان
ومصر الغالية مطلوبة
من إسرائيل والأمريكان

**وليد الوصيف** · 13-01-2011, 18:50

ناسيين عدونا الأخطبوط
وبقى لينا أعداء جوا الوطن
بقينا فى حصار.. مظبوط ؟
ولا ما زلنا أبطال يا وطن

**د.نجلاء نصير** · 13-01-2011, 18:52

نور طريقنا يا رحمن
واكفينا شر بطش الانسان
واحفظ أرضنا من ثورة البركان
وانشر السلام في كل مكان

**وليد الوصيف** · 13-01-2011, 18:59

نور أيه يا نجلاء فى ظل الفاتورة
عماله تزيد والحسابه بتحسب
والغيلان فى البطش دايماً منصورة
ولا عمرها للأخرة راح تحسب

**جمعه محمد** · 13-01-2011, 19:22

بحور الزيف طوفان والحق بيصارع
امد إيديا بالنجده الاقينى معاه واقع
وواقفه الخلق تتفرج علينا واحنا بنّازع
إرادتهم كسرها الزيف وصار الكل له خانع
وعجبى !!!!!

**د.نجلاء نصير** · 13-01-2011, 19:27

علطول نقول بكرة الحق نهاره يطول
واللي يصبر لازم ينول
وبكرة ينحبس الغول
في قبر كبير مهول

**وليد الوصيف** · 14-01-2011, 03:58

لو كان الشعر صانع معجزات
لقتلت العدو والغول بالأبيات
ولكنه فى ظل الغيلان أصبح
مجرد تخفيف للألم والأهات

**ماجى نور الدين** · 14-01-2011, 08:08

تعالوا نرسم خطاوينا واضحة ومدروسة

خالية من الرشاوي والفساد وبالدين محروسة

لجل ما نحير العدا و نواياه تصبح منا مفروسة

أنا مش بشعر لكن بصبح عليكم بكلمة محسوسة .

ماجي

**جمعه محمد** · 14-01-2011, 11:33

( ناقوس الخطر )
هذيان وتوهه وضياع راح الامان يا ناس
مسجون ف عالم كبير بلا سور بلا حراس
باعصر دموع الصبر وبادق ع الاجراس
طالب امان مش كتيرطالب ضمير حساس

**وليد الوصيف** · 14-01-2011, 14:33

سلام وأمان على كل لفته فى شوارعها
ودى حقيقة فى أرضها وفى قلوب جيلها
محروسه دايما من أي خاين راح يبعها
للخاين سم وللي يحبها سكر مياه نيلها

مسابقة يناير للتواصل والإبداع ووسام نجم الشعر ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث