مسابقة يناير للتواصل والإبداع ووسام نجم الشعر ..

**صادق حمزة منذر** · 16-01-2011, 09:55

ياما اشتهيت السعادةْ .. فْتوبَها عِبرة
تبقى البطولة عبادةْ .. وشمسها بُكرا
والأرض عايزة ولادةْ .. بدمِنا تبرا
زي انتصار الإرادةْ .. فتونس الخضرا

**محمد فتحى السيد** · 16-01-2011, 10:31

[frame="11 98"]
[align=center]
اعوام كتير عايشين على الأوهام
والكون بيجرى وإحنا لسه نيـام
اللى بيسرق واللى بينافق الحُكَّام
كل ما نحلم بأفضل يقتلوا الأحلام
[/align]
[/frame]

**سميرة ابراهيم** · 16-01-2011, 12:02

مفيش في الدنيا دوام
لا اللي بيظلم بيفضل ظالم
ولا اللي انظلم يفضل مظلوم
لازم نفوق ع انفجاره في يوم

**د.نجلاء نصير** · 16-01-2011, 14:57

محمد بوعزيزي علي الظلم ثار
وبسبب الظلم ولع في جتته النار
وقام شعب من الثوار الأحرار
حاربوا الظالم وهرب من الديار

**سميرة ابراهيم** · 16-01-2011, 15:21

راه شحال من بوعزيزي
مكوي بالنار ف عالمنا الغدار
الصبر راه كيدبر يا عزيزي
الخوف لنحللوا لينا الانتحار

_ الصبر كيدبر = يعني ان الصبر يصل الى درجة لايمكن تحملها .

**د.نجلاء نصير** · 16-01-2011, 15:31

راح بو عزيزي ضحية غدار
أشعل بجسمه ثورة الأحرار
لكن مش معني كده نحلل الانتحار
الدرس قاسي يا ريت تفهموا يا كبار

**الخليل عيد** · 16-01-2011, 15:44

رجعت الأصالة والعزة والكرامة
ماتت نارالعبودية تحت طوفان الحرية
رضع الطفل من تانى نخوة وشهامة أجدادى
وغنى نشيد بلادى بحرارة قلب مندية

**سميرة ابراهيم** · 16-01-2011, 16:00

راه من بعد بوعزيزي من الخضرا
مات بوطرفيف محروق ف بوخضرة
من تونس للجزائر وقتاش تسالي المحرقة
حتى لين السكات وعلاش رقابنا ف المشنقة

**الخليل عيد** · 16-01-2011, 16:40

من ظالم لظالم فيه يوم لرد المظالم
والليل لوطال ساعة لا بد له من أخر
وبن على وأمثاله عبرة لكل ظالم
دا العدل دولته قايمة لحد اليوم الأخر

**وليد الوصيف** · 16-01-2011, 22:19

ريح وهتعدي بفوز تونس الحرة وبس
والعدوى مش ممكن تصيب شعب مصر
عشان شعب تونس بالظلم والقهر حس
وحكومة مصر عندها للشعب ألف مصل

**د.نجلاء نصير** · 17-01-2011, 00:31

ليل الظلم مهما طال لازم نور الحق يشقه شق
وإن صوت الحقيقة علي مين يقدر يقول لأ
دي بهية عروسة متزينة بطرحة الأحرار
وترابهاحنة لكل من هب وثار

**الخليل عيد** · 17-01-2011, 16:19

ردك غريب يا وليد وله شجب وتنديد
عدوى وريح و أمصال وكلام فاضى
نسيت النوم فى العسل ولقمة القاضى
و بهيه حبيبتى راضية وأبوها راضى

**د.نجلاء نصير** · 17-01-2011, 22:30

يا ولاد بلادي بهية بتنادي وتقول
أنا شايله دايما الهم
ونفسي تعيشوا ف سعادة وبيعد عنكم الغم
دا أنتوا دايما ف قلبي أنتوا والله الأهم

**وليد الوصيف** · 18-01-2011, 02:30

مصر البهية يا بشر فى قلوبنا
ومهما تدهس فينا ديبين فى همومها وعن حبها منتوب
وأكتر من حبها لينا بنعشق تربها
ويوم ما يقل حبنا ليها تبقى صدورنا مفهاش قلوب

**د.نجلاء نصير** · 18-01-2011, 02:46

باب الخير في أرضك يا بهية دايما مفتوح
ما يبعدنا عن حبك أبدا الخوف
ولوتندهي أعديلك بدل الخطوة ألوف
واجري بسرعة البرق عليكي وأنا ملهوف

مسابقة يناير للتواصل والإبداع ووسام نجم الشعر ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث