مسابقة يناير للتواصل والإبداع ووسام نجم الشعر ..

**جمعه محمد** · 14-01-2011, 15:39

العين زاغت واصفر الوش الموت واقف ع الراس
وشهيق وزفير والدمع يسيل كُلها حبة أنفاس
وانا مين انا فين انا عشت سنين اوعشت يومين
وكأنى لاجيت ولا مره مشيت ع الارض وكنت بادوس
وعجبى !!!!!

**جمال عمران** · 14-01-2011, 15:41

اروح بلاد غيرالبلاد واعدى ليها بحور..
اتعب واجاهد بس اروح مرة بلاد النور ..
وابوس الحجر الاسعد وابكى هناك ..
ولما ارجع الاقينى على الشيطان منصور ..
*************
*************
مشاركاتى للود والتواصل مع الاساتذة المشاركين ..
والشرف لى ..

**وليد الوصيف** · 14-01-2011, 16:51

راحه وسلام وأمان فى مدخلها
وأحلف بالله مافي زي جمالها
ومافيش نيل فى العالم غير نيلها
والغريب والقريب م القلب بغنيلها

**د.نجلاء نصير** · 14-01-2011, 21:55

أن جيت للحق بهية نور العين
وترابها كحل عنيي الاتنيين
وأخاف عليها من الظالمين
دا هي أمي وافديها برمش العين

**محمد فتحى السيد** · 15-01-2011, 09:54

[align=center]
ناسك باعوكى حبيبتى بس انا شارى
بزرع فى حَبك وحُبك فى الحشا سارى
حزين عشانك وشانك فيكى فساد جارى
بيجنوا وردك وشهدك واجوع انا وجَارى
[/align]

**جمعه محمد** · 15-01-2011, 11:28

يا وره يا مفتحه مين ف الورود قدك ؟
كل القلوب مُغرمه وبيطلبوا ودك
شفتك بتبكى وحيده ولا حد كان جنبك
قُلت الجمال لو بناكى يبقى الغرور هدك
وعجبى !!!!!

**وليد الوصيف** · 15-01-2011, 15:30

كل من خانك راح يموت
وقدره على كل الصعاب
والكل عمره راح يفوت
والأخره خالية من العتاب

**جمعه محمد** · 15-01-2011, 15:40

بعين واحده كشفت دليل .ومية برهان
وخُفت التانيه افتحها.لا كل المستخبى يبان
وقفت ف حيره من امرى ..أغمض
ولا اقف ثابت.ولوحتى جرفنى طوفان
وعجبى !!!!!

**د.نجلاء نصير** · 15-01-2011, 16:23

ناس عايشة علي الأحلام
وناس رايقة ف كل مكان
وناس بتعيش علي الغش
توري للناس ألف وش

**سميرة ابراهيم** · 15-01-2011, 23:27

شايفين ابتسامة ع وشوش
وشحوب وأحزان ع وشوش
ووشوش من غير ملامح وفرح مغشوش
ووشوش توشوش حزني كبير ع فشوش

**د.نجلاء نصير** · 16-01-2011, 01:10

شوفوا صنوف الناس
ناس تمشي بالحراس
ووقت الخوف تنداس بالمداس
وقلبها ميت وتدعي الاحساس

**جمعه محمد** · 16-01-2011, 03:15

ساطور ف إيد جزار وبيقطع
لحم القطط والكلاب لحم البقر ينفع
سئلت روحى سؤال.هو الضمير لو مات
لحم البشر يُصلح؟ طب قولى إيه يمنع

**سميرة ابراهيم** · 16-01-2011, 03:57

سيب الخلق للخالق
واتعظ من أخطاؤه
كل يوم يمر من غير خناق
يبعد نفوخك عن مساوؤه

هههه

**د.نجلاء نصير** · 16-01-2011, 06:01

هي الدنيا كده يوم حلو ويوم مر
ويوم عن يوم بيعدي أمر
لازم نفوق من الوهم لأجل نمر
وقول الحق دايما مش بيضر

**وليد الوصيف** · 16-01-2011, 07:38

رسمت إسمك يا بلدي على كل أوراقي
وكل ورقه كان واضح فيها إشتياقي
وكل الوصف عاجز عن وصف إنتمائي
وبرغم كل الرغم وفائي ليكِ باقي

مسابقة يناير للتواصل والإبداع ووسام نجم الشعر ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث