مسابقة يناير للتواصل والإبداع ووسام نجم الشعر ..

**د.نجلاء نصير** · 12-01-2011, 12:36

تاني هنقول ونعيد علي اللي باعوا القضية
والله بهية دي نور عينينا تفرح بلمتنا مع بعضينا
ولو وفينا بالعهد مش هيقدر عدو علينا
ايدك ف ايدي أنت وهي نبعد الفتنة عن أراضينا

**محمد فتحى السيد** · 12-01-2011, 12:38

[align=center]
ايدى ف ايدك ياجمعه نمسح الدموع
ونبنى طوبه طوبه ونعـمَّر الـربوع
نحقق اَمالـنا.... .... وتكبر عيالنا
فى صحه وعزه وكـرامه وسطوع
[/align]

**جمال عمران** · 12-01-2011, 12:56

عمنا الشاعر الكبير .. بيحلم ياعينى وعنده أمل..
ان الايد فى الايد .. تبقى قوة تكسر ضهر الجمل ..
لكنه ياولداه نسى ان الزمان عمره ماهيدى ..
طول ما اللى فوق دايسينا يبقى احنا ايه العمل ..؟؟؟؟؟؟؟

**د.نجلاء نصير** · 12-01-2011, 13:02

لوم الأمل ياجمال والحمل علي القلب جبال
ايه يفيد الظالم ف الدنيا لاجاه ومال
وليه نرضي ننداس واحنا قلوبنا من ماس
كل مطالبنا نعيش بكرامة يا ناس

**جمال عمران** · 12-01-2011, 13:35

سارحة لوحدك فى عالم مثالى .. يابنت نصير ..
لا عايزة تعيشى الواقع ولا عايزة .. نصيحة الغير ..
ودايماً تشوفى الدنيا حلوة يانجلاء ..
وبتنسى ان الحياة بقت .. بركان فوقيه اعاصير ..

**د.نجلاء نصير** · 12-01-2011, 13:45

راح نقف ف وش الاعاصير
الدنيا مليانة بالخير
بس نبدا بنفسنا ومنلومش الغير
وطول ما القلب عمران لازم يعم الخير

**الخليل عيد** · 12-01-2011, 15:02

رسالة حب وود وغفران
سامح وأنسى مين الغلطان
أزرع فى قلبك حب الأنسان
ونام وأنت مرتاح البال

**محمد فتحى السيد** · 12-01-2011, 16:04

لملم فى اشلائك واشبع بُكا ونواح
لادمع يمحى حُزن ولايرجع اللى راح
كفايانا صمت وشجب والرقص ف الأفراح
يا أُمَّه متفككه م تعيدوا مجد صلاح

**الخليل عيد** · 12-01-2011, 16:21

حنين قلبى نداوى جراح
طبيبها كان فى الماضى صلاح
كفاية بكى على اللى راح
دا كل ليل بيجيله صباح

**محمد فتحى السيد** · 12-01-2011, 16:38

[align=center]
حامت على راسى طيره بلا طيار
صوتها بيزعجنى ويشتت الأفكار
لا عينى بتشوفها ولا رصدها ردار
فجأه لقيتنى بموت والدنيا صبحِّت نااااااااااااااار
[/align][align=center][/align]

**جمعه محمد** · 12-01-2011, 16:38

رعد وبرق وريح هوجاءذعر وخوف ولا طوق لنجاهقلت لنفسى وانا باتشاهدهو الموت مش بعدو حياه

**جمعه محمد** · 12-01-2011, 16:51

( شهاده )
رعد وبرق وريح هوجاء
ذعر وخوف ولا طوق لنجاه
قلت لنفسى وانا باتشاهد
هو الموت مش بعدو حياه

**الخليل عيد** · 12-01-2011, 17:11

هى الفكرة مش فى الموت
ولا فى حياة لص وهلفوت
فيه أجساد ميتة صاحية
وشهيد الحق عمره ما بيموت

**جمعه محمد** · 12-01-2011, 17:25

تصون الود يا صاحبى اشيلك جوا نن العين
ولا يمكن اخون عهدك ولو حتى زمانى خان
ولو تمشى عشانى قيراط انا امشيلك 200فدان
ولا يمكن ابيع ودك لو اتحدى جميع الكون

**الخليل عيد** · 12-01-2011, 17:39

ناس تسوى تقل الجبال دهب
وناس ما ينفعها لوم ولا عتب
ناس وجودها يزيد الكمد
وناس لو غابت تغيب الشمس للأبد

مسابقة يناير للتواصل والإبداع ووسام نجم الشعر ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث