مسابقة يناير للتواصل والإبداع ووسام نجم الشعر ..

**الخليل عيد** · 21-01-2011, 17:36

منين أجيب صاحب ينور لى الطريق
ينشلنى من غفوة زى المنقذ والغريق
يعرفنى فى الزنقة ويكون لى الطبيب
أعطى له نور عينيه وده حق الصديق

**جمعه محمد** · 21-01-2011, 18:36

قالوا عليك لعّيب وياريت كلامهم زين
كنت الحياه كسبتها ولعبت ع الحبلين
لكن طلعت عبيط مخلص قوى وأمين
باعوك ف سوق النخاسه وإتقلبت الموازين

**سميرة ابراهيم** · 21-01-2011, 23:42

نسيت ياحضار ف المعمعة نقول بلادي بلاد الخير
والقلب الكبير والفلاحة ..صيد وبحر وحتى السياحة
وحتى زين ماخطاتو لولا..ولولة بلادي الفام المحلولة
ماكاين غير أرا و أرا و أرا.. والناس مابقات صبارة

(حضار = حاضرين / الفام = الأفواه / المحلولة = مفتوحة / أرا= هات / حتى زين ماخطاتو لولا = يقابل المثل الشعبي المصري : الحلو ميكملش )

**الخليل عيد** · 22-01-2011, 09:05

تلف على كل البلاد وتشوف عجايب
تلاقى للأنسان كرامة حتى وهو غايب
تلاقى لتعبك فايده و تحس بالفارق
لا تلاقى محسوبية ولا روتين ومتاعب

**محمد فتحى السيد** · 22-01-2011, 11:57

[align=center]
بُكره فى علم الغيب والأمس صار ماضى
واليوم انا مرهون ايش يُحكم القاضى
خايف يكون مجنون ومن الإيمان فاضى
وافضل كده مسجون بالظلم مش راضى
[/align]

**جمعه محمد** · 22-01-2011, 15:53

يا قلب طيب يا طفل برئ وصغير
يا صفحه بيضه حواها المسك والعنبر
لو إبن آدم فضل أبيض كما الأول
راح تبقى جنه الحياه بالحب تتعمر
وعجبى !!!!!

**الخليل عيد** · 22-01-2011, 15:55

يا سيدى يا ما فى السجن مظاليم
وتغيير لسجن صغير بدل الكبير
ما أنتم بتقولوا حكومتنا ضد التغيير
وبتتفنن فى تعب و عذاب الغير!!!!!

**جمال عمران** · 22-01-2011, 16:29

ربنا ماحدش شافه لكن بالعقول عرفوه ..
والصح صح لو تكتبه والناس كده يقروه ..
ده القلم فى ايد الشاعرالمهموم رسالة ..
يكتبها توصل المراد والناس يشكروه ..

**الخليل عيد** · 22-01-2011, 17:10

هموم كتيرة وشايلها يا جمال
صبرى نفد وأنا زى الجمال!!!!
كل اللى بنشوفه بيزيد الألام
وراحت من حياتنا كلمة جمال

**د.نجلاء نصير** · 22-01-2011, 18:00

لكل شاعر في المسابقة معانا
كلماتكم حروفها قصة جمعانا
شوفوا الحكاية من اولها لآخرها موحدانا
سعدت بمشاركتكم وأتمني يتكرر لقانا

**الخليل عيد** · 22-01-2011, 18:17

تم تعديلها أسفل

**الخليل عيد** · 22-01-2011, 18:18

أحنا الأسعد يا جميل
وأتمنى يا بنت نصير
تدعى لنا صبح وليل
نجتمع دايما على الخير

**جمال عمران** · 22-01-2011, 18:44

ربنا يكرم الشعرا اللى شايلين الهموم ..
ويخلى ليلهم نهار وتنزاح الغيوم ..
ويحقق لهم مراد ونلاقى مصر فى يوم ..
اهلها فى سعادة دايمة والنعيم بيدوم ..

**د.نجلاء نصير** · 22-01-2011, 18:55

من قلب عمران بالخير
وينكر نفسه لأجل الغير
بقول الكلمة أمانة ومنصانة ويانا
والشعراء في كل مكان مايرضوا بمهانة

**الخليل عيد** · 22-01-2011, 19:48

تحية حب لكل شاعر
بهموم الوطن شاعر
وسط طوفان المشاعر
وسلاحه قلم ساهر

مسابقة يناير للتواصل والإبداع ووسام نجم الشعر ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث