فوت جناحك للفضا .. واحضن النسمة الجميلة
طير وهلل بالرضا .. واعلى فوق كل خميلة
بوس شواشى النخل رفرف
حط فوق الموج وهفهف
واوعى يوم عقلك يخطرف
بالأمانى المستحيلة
--
قول يامرحب بالحياة تبتسم لك الحياة
تعاشرها وتسايرها
وتحايرها فى انتباه
تبقى جواك الحياه
زى أكله .. أكله حلوه
زى شربة .. ميه حلوه
زى غنوة برضه حلوة
زى نسمة ريح طرية
كل دا يساوى الحياة .. كل ده كلمة حياة
--
عيش وسيب غيرك يعيش
عيش معاه
هايكون معاك
حس بيه
وحوش أذاك
يبقى جانبك
زى قلبك
نبضه نبضك
سعده سعدك
تبقوا واحد .. عزة قوة .. عزم واحد يبقى جاه
هى دى غاية الحياه
---
تعليق