كن تلقائيا هنا .. قصة / قصيدة / خاطرة

**ربيع عقب الباب** · 27-07-2011, 06:07

( سحر الخطيب )
هتف صوتٌ عبر الحدود
بزلغوطة تحتضر
وأنفاس متقطعة
لتغرق القاعة بالدموع !

مؤلم و مدهش هذا المشهد
كيف يأتي هكذا طواعية
لا بد أنك حزينة سحر
رغم فرحك الكبير أنت حزينة !

**آسيا رحاحليه** · 27-07-2011, 07:00

استغربتُ عودته إليها و ظهوره في حياتها بعد كل الذي كان..
حين سألتها قالت : ألا يقولون أن القاتل يعود دائما إلى موقع الجريمة ؟ !

**ربيع عقب الباب** · 27-07-2011, 12:28

يا بني
إني رأيت نجما فى الطريق
فى ظل نخلة
تحيطه البلاد و التخوم
ما أن دنوت بليلي الملتف بي
حتى رأيت الكون فاض
بكفي
تعثرت لغتي
تصاهلت تلك الجياد الغافية
من ألف ليل .. وشرفة ورئة !

**سحر الخطيب** · 27-07-2011, 12:33

عند بتر الفرح
تتدفق الدماء ثائرة
يتوقف عند باب القلب
يطرق بابة
لكنه يبقى مغلقا

**سحر الخطيب** · 27-07-2011, 12:37

اركض وراء الهدف
بكل تفاصيله
ابذل اقصى الجهد
استنزف كل عروقي
أصل بلسان زاحفا على الأرض
من شدة الأعياء
لا اشعر بالوصول

**ربيع عقب الباب** · 27-07-2011, 12:37

هي ذي برئتك تستدير
تملأ مساحاتك الهندسية
تلك التي لا تخضع
لقوانين الثبات و التحول
المد و الجزر
جاذبية الفلز للفلز
تهدم ما كان
تعيد صياغة الكون
بكل جسارة
تشق الأنهار و البحار
تقيم الجبال
أرجو ألا تنسى غرس وردة بلون عينيها !!

**سحر الخطيب** · 27-07-2011, 12:45

سكون متلبد بالهموم
على هامش الانتظار
لم أعد انتظر شىء
الشىء ينتظر المرحلة القادمة
نفوس ما زالت تتأجج بثورتها
الوقت ينهب النهار

**سحر الخطيب** · 27-07-2011, 12:54

قالوا كانت صبية
ما زالت صبيه!
انت الإبنة أم الأم؟
شقت صدرها
وجدوها قاربت هموم السبعين

**ربيع عقب الباب** · 27-07-2011, 16:49

المكسيكى وصل

طفل فى حوالى العاشرة يلبس سماعة الأذن

، يعلق الموس ولوحة مفاتيح كمبيوتر على

حزام الوسط بحيث لو أراد استعملهما يكونا

فى متناول يده ، بيده اليمنى كمبيوتر لعبة

– بعض الأصوا ت التى تدل على وجوده على

– شبكة الانترنت !!

أوفرتيرة

المكسيكى أنا ع الشبكة

شد الشبكة

يااسمك ايه

خليها تغمز

خليها ترقص

خليها تعجن

خليها تخبز

طلعت إيه ؟

بتقول إيه ؟

طلعت بلطى ،

شبارة !!

دى جارتى

بتقول إيه ؟

قرموط بنى ،

وبياضة حمرا

أنت فى شبكة ميه يامرسى

ولا فى شبكة صرف،

فى جره

أما صحيح دا كلام مهاويس

لم الدور وبلا ش تهجيص

-------

أنا ع الشبكة .. هاى

ياتنابلة

أنا من عندى .. ماأنتش عارف

عندى دا إيه

أما صحيح جاهل

وطابونجى

أنا من مصر أم الاهرام

مصر دى إيه ؟

دا كلام أبدا مايطمنشى

اقطع خطك يللا قوم امشى

روح اتعلم

وابقى معلم

بطلوا جهل

علشان كده
مابنتقدمشى

-----

ألو .. أنا ع الخط

أنا ع الشبكة

المكسيكى

مكسيكى إيه ؟

المكسيكى ياعم البيه

مصرى

وجد جدودى فلاح

بدر الخير للدنيا

وراح

قال لها عيشى

ماتتضاربيشى

عمر الظلم ماعاش مرتاح

عمره قصير

لو كان صاحبه

بوش أو ايدن

أو أبظه .. شاورن الدباح

---

ألو .. ياناس ياعسل

المكسيكى وصل

عايز صحبه

صحبه جميلة

صدقه ووعيه

لو من فين

من الانديز ..
أو م الهيمالا

أو م الطور

عايز تركيز

لجل نعيش في أمان ومحبة

ايدى فى ايدك

نبنى لبكرة

عالم طيب ..
كله قريب

مفيهوش بوش

وشارون .. وبلير

حلوة الفكرة

بس إزاى

يللا نفكر

يللا نأسس

لعالم بكرة

مكسيكى مين ؟

لازم تعرف قبل

ماتبقى هنا ع الشبكة

المكسيكى

بص جهازك عمال يرقص

عمال يخبط

عارف إنى المكسيكى

هاى يا أبو شمعة

هاى يابو دمعة

هاى يابو لمعة

المكسيكى

جى لك حالا

ولع شمعة

لندن

ولا فى دماغى

كل الدنيا

واقفة تراعى

هاى ياعسل

المكسيكى

وصل

وصل

وصل

وصل

**ربيع عقب الباب** · 27-07-2011, 17:14

المشهد الأول

صالة انترنت .. بعض الاجهزة هنا وهناك .. بعض الاجهزة مشغول

مكتب الصالة على جانب المسرح عليه جهاز خلفه طفل فى العاشرة

يدخل أحد الغرباء حائرا يبحث عن شىء ما – يبدو أنه قادم من سفر

الرجل : لو سمحت ( يسأل أحد الرواد )
شاب1 : تحت أمرك
الرجل : مش دا سيبر كمبولاند ؟
شاب 1 : هو سيبر كمبولاند .. تحت أمرك
الرجل : متشكريا أخينا ( يبحث فى الوشوش ) يظهر إنه ......
شاب1 : إنه إيه ؟
الرجل : فيه معاد وياصديق
شاب1 : من زباين المكان ؟
الرجل : هو قال .. إنه بيدير المكان !!
شاب1 : اسمه إيه ؟
الرجل : اسمه المكسيكى ( يبتعد شاب 1 عندما يسمع الاسم ، الزبائن كلها تنظر إلى بعضها)
هو اسمه غريب .. و لا اسمه غريب يخوف .. ولا إيه ؟
شاب 2 : اقفل ياسيد ( يتجه صوب الطفل – يتحدث إيه )
إلحق امشى .. فيه زبون عايزك هنا
الطفل : وامشي ليه ؟
شاب2 : يا بنى مايعرفشى إنك .. تبقى صاحبه
الطفل : هو طالب مين هنا ؟
شاب2 : جنابك
الطفل : جنابى ؟
شاب2 : أنت قاعد مش هنا .. و لا دريان بحاجه .. طالب المكسيكى باشا!
الطفل : آه .. وأنا قاعد .. قاعد أتشبِّه عليه
شفته فين .. فى طريق .. م الزباين .. ولا جه مره هنا
شاب2 : الحق امشي .. قبل ما يحس بوجودك
الطفل : ليه بقى ؟
شاب2 : حاجة تكسف .. مش كده ؟
الطفل : ليه ها تكسف ؟
شاب2 : أنت مش دريان بتعمل إيه يوماتى ؟
الطفل : باعمل إيه ؟
شاب2 : الراجل دا .. جاى مسافر لجل خاطرك
الطفل : جاى مسافر !!
شاب2 : بص شوف واحكم بنفسك
الطفل : آه صحيح .. ودى واقعة إيه ياربى
والعمل دلوقتى إيه .. قول يا صاحبي ؟
المصيبة يكون حمادة فى الطريق !!
شاب2 : حماده مين ؟
الطفل حمادة الالاجه
شاب2 : هو اللى ؟
الطفل : هو اللى .. خدت صورته .. شافها صاحبك .. يعنى لو شافه
ها يعرف هو مين .. وتبقى واقعة .. راح أقف له فى الطريق
( يخرج بينما يدخل زبون آخر غريب – يبحث هنا وهناك )
الزبون : حد منكم ياشباب
الشباب : حد مين ؟
الزبون : ياشباب
الشباب : قول يافندى
الزبون : حد منكم .. بس يعرف .. شاب منكم .. واسمه .. المكسيكى ( لا أحد يرد )
سكنه فين .. بيته فين .. أنا عايزه .. ضرورى خالص ( يقترب منه الرجل )
الرجل : أنت برضه عايزه زىِّ ؟
الزبون : أنت صاحبه ؟
الرجل : أيوه صاحبه
الزبون : يعنى شفته ؟
الرجل : لأ ما شفتش
الزبون : لأ ماشفتش .. يعنى زىِّ ؟
الرجل : وأنت برضه
الزبون : أنا برضه !!
الرجل : حضرتك جاى من سفر؟
الزبون : جاى من سفر
الرجل : جاى منين ؟
الزبون : من قويسنا
الرجل : من قويسنا ؟
الزبون : وأنت ؟
الرجل : من طماى !
الزبون : دا تملى فاتح إميله .. لما نص الليل واكتر !!
الرجل : على قولك
الزبون : اشمعنا النهاردة .. مش بعادته .. لا هو قاعد .. ولا فاتح الاميل
الرجل : دا عامل لى روشة إيه .. ليل نهار .. لما منه باستجار
حاجه فوق الوصف خالص .. فى اللطافة والزرافة .. ف الحديت
أنا شفته فارس !
الزبون : أنت شفته ع الجهاز ؟
الرجل : مرة واحدة .. شفته مرة .. شاب طيب
الملامح حلوه خالص .. ابن جامعة صحيح .. ودارس
الزبون : وأنا شفته برضه مرة .
الرجل : حاجة فوق الأربعين
الزبون : لأ ياعم .. أربعين .. قال أربعين
دا يدوب عشرين سنه
الرجل : عشرين .. لأ ياسيدى
الزبون : هيه برضه الكاميرا تكدب ؟
الرجل : لأ طبعا .. أنا شفته بشعر أبيض
الزبون : وأنا شفته بشعر أسود .. شاب لسه طالب بيدرس
الرجل : معقول ؟
الزبون : إلا إذا
الرجل : إلا إذا
الزبون : قول ياعم .. إلا ماذا ؟
الرجل : أنا هاسأل اللى قاعدين كلهم .. وهاشوف
الزبون : وأنا برضه زى ما أنت .. قلت هاعمل
الرجل : يللا نسأل
الزبون : يللا نسأل
معا : ياشباب .. ياشباب
ياللى قاعدين ع الهباب
الشباب : هيه باين ليلة ضلمة
زى ما قال الكتاب
معا : انتباه من فضلكم .. محتاجين منكم جواب
الشباب : لا سؤال ولا جواب .. ولا اعتذار ولا عتاب
الإميل مفتوح يا ناس .. والخطوط زى السحاب
والشبك عمران مدندش روشنه وكفته وكباب
معا : ياشباب .. ثانية واحدة
الشباب : ثانتين .. مش كتير عليك يا فندى
معا : عايز أعرف ألقى فين دلوقتى صاحبي
الشباب :صاحبه مين ؟ هو ماله .. جى يحارب ؟
معا :صاحبي .. صاحبي
الشباب :صاحبه .. صاحبه .. مخه ضارب
معا : أيوه صاحبى .. أنتوا لازم تعرفوه .. مين أخوه .. مين أبوه
الشباب : مين أخوه .. مين أبوه .. دا أنت عايز شيخ بلد
معا : اللى عايزه .. ابن حظه .. المكسيكى
الشباب : هو قال .. طب سمعتوا .. إزاى نطقها
المكسيكى
معا : أيوه هو
الشباب :مكسيكى مين ؟
معا : المكسيكى
الشباب : مكسيكى مين ياعم قول
معا : المكسيكى
الشباب : يعنى تقصد حضرتك إن صاحبك مكسيكى
معا : لأ لأ لأ.. هو جنتل ورومانتيكى
الشباب : هو مصري .. واسمه برضه يبقى مصري
معا : أى نعم .. أى نعم هو المكسيكى
الشباب : المكسيكى ( يضحكون )
معا : هى نكتة ؟
الشباب : أحلى نكته
معا : دا باقى له شهور معانا
بيراسلنا .. ويحاورنا .. ع الاميل دايما أسرنا .. انجليزى .. عربي تركي
دا ساحرنا
الشباب : المكسيكى ( بسخرية )
معا : أيوه طبعا .. صدقونا ياخلق اهوووه .. تعرفوه
الشباب : بصوا شوفوا .. سيبر ( حالوله )
: اللى فى آخر الطريق
معا : قلتوا فى آخر الطريق
الشباب : قولنا فى آخر الطريق .. ع اليمين
معا : أى نعم
الشباب : ع اليمين .. خليك معانا
معا : بس هو قال لنا .. إن أنا .. دايما هنا .. فى المكان دا
ع وجه الخصوص
الشباب : ف المكان دا .. على وجه الخصوص .. أنتوا يعنى مصممين
معا : يا أخينا .. حلها لنا
الشباب :حلوا أنتوا .. يللا عنا
الزبون : هيه والعمل ؟
الرجل : العمل .. عمل ربنا .. احنا مضحوك علينا .. يللا بينا
الزبون : اشتغاله
الرجل : مش بعيده
الزبون : مش بعيد يكون مابينهم
الرجل : مش بعيده
الزبون : بس دى قلة أدب
الرجل : وسفاهة
الزبون : مش جديدة .. بس يعنى الكلام وياه يقول .. انه طيب
الرجل : اشتغاله زى قولك
الزبون : ياما كنت أتمنى يغلط .. بس غلطة .. ماحصلش
الرجل : اشتغاله
الزبون : الرزانة والفطانة .. اشتغاله ؟
والكتابة الجميلة .. اشتغاله ؟ يللا بينا
الرجل : إن طلع مالوش وجود .. بكفيانا اتقابلنا( يتحدثان سويا بروح أخرى وينصرفان )
الشباب : بقى جن .. بس دا طبعا غلط
مين يا ناس ع النت صح
كلنا داخلين غلط
كلنا سقنا العبط
بس يعنى .. إنى أدى .. معاد واسيبه
والله أنا خايف عليه
يعنى هو كان جبرهم
قال لهم .. لابد تيجوا
أما ناس فاضية صحيح
الطفل : ( يدخل بحرص ) أمخاخ زى الصفيح همه مشيوا يافصيح ؟
الشباب : أنت جيت .. وقعتك بيضا بصحيح
كدبك المسبوك هلاك .. الغرور باين ملاك

يا شيطان كنت ملاك .. كله من كتر المديح

الطفل : ( يتراجع .. حزين يجلس )

**إيمان الدرع** · 28-07-2011, 05:43

الزبون : مش جديدة .. بس يعنى الكلام وياه يقول .. انه طيب
الرجل : اشتغاله زى قولك
الزبون : ياما كنت أتمنى يغلط .. بس غلطة .. ماحصلش
الرجل : اشتغاله
الزبون : الرزانة والفطانة .. اشتغاله ؟
والكتابة الجميلة .. اشتغاله ؟ يللا بينا
الرجل : إن طلع مالوش وجود .. بكفيانا اتقابلنا( يتحدثان سويا بروح أخرى وينصرفان )
الشباب : بقى جن .. بس دا طبعا غلط
مين يا ناس ع النت صح
كلنا داخلين غلط
كلنا سقنا العبط
بس يعنى .. إنى أدى .. معاد واسيبه
والله أنا خايف عليه
يعنى هو كان جبرهم
قال لهم .. لابد تيجوا
أما ناس فاضية صحيح
الطفل : ( يدخل بحرص ) أمخاخ زى الصفيح همه مشيوا يافصيح ؟
الشباب : أنت جيت .. وقعتك بيضا بصحيح
كدبك المسبوك هلاك .. الغرور باين ملاك

يا شيطان كنت ملاك .. كله من كتر المديح

الطفل : ( يتراجع .. حزين يجلس )

أستاذي ربيع :
صباح الخير ...
صباح النت
وصباح الطفل المكسيكي ..الذي أوقع الكبار في لعبته العنكبوتيّة ، التي نسجت عالماً من سرابٍ ، وقع في شركه الواهمون..في لقاءٍ صنعه الخيال
مشهدٌ اقتطع من واقعٍ صار ملموساً ، وكم تحوّل الحلم إلى كابوسٍ لايفيق المرء منه إلاّ بعد فوات الأوان !!!!
فنّ كتابة المسرح لديك ربيع منبرنا قديمٌ ومشهود له منذ أمدٍ بعيدٍ ...
وهو بعض من موهبتك الفذّة في التأليف ، إذ جعلته مرآة للواقع ، ومنعكساً لمجريات الأمور بكلّ أبعادها
ومن يواكب حركة نتاجك الأدبيّ الثرّ ما شاء الله ، يعرف ما للمسرح من أهمّية لديك ، عبر عشرات النصوص القيّمة التي وضعتها للأجيال.
كيف لا ...وقد كنت من أبرز، وأكفأ موجهي المسرح المدرسي ، لفترةٍ طويلة
ونصّ اليوم ..كاد ينطق من بين السطور ..وله من القوّة الإيحائيّة ما يجعلنا نحسّ فعلاً، أننا نشاهده واقعاً مرئيّاً ، لا كتابة
سلمتْ يداك يا سيّد الكلمات ..
سأبقى أمام الستار ...أنتظر بقيّة المشاهد بشغفٍ ، وترقّبٍ ، ومتابعةٍ ..تحيّاتي

**سحر الخطيب** · 28-07-2011, 07:58

صباح صادم
لم يتثأب النوم انفاسة
صوت قادم من غربة الزمان
قطعت الصوت واللسان
لست مؤهلة لمزيد من الأحتراق
او حركة قلب تزيد خفقان
او نبضا يحاول أن يقتلع ما كان
كان علي أن اهدر دمي
قبل ان يهدره صوتا
علق في زمن النسيان
ويح هذا القلب
ودمي الذي نزل في المكان

**سلاف شبانه** · 28-07-2011, 08:18

صاحبة مبدأ !!!!!!

ركضت لتخطف ما حسبتها لقمة رأتها في فم جارتها ،
تركتها بكل هدوء لها وجلست تضحك في سرها وهي تقول :

ما أعظم هذه المبادئ حين تهزمها اللقم !!!

**آسيا رحاحليه** · 28-07-2011, 08:19

صباح شاحب..
بلا لون و لا طعم و لا رائحة..
سوف أغلق النوافذ ..
و أوهم نفسي بأن الصيف لم يأت هذه السنة .

**سحر الخطيب** · 28-07-2011, 08:28

ليس على المُطر حرج
شعار لم تعد تملكة
مسحت الوقت من قاموسك
وأصبحت تنعر على إفلاسك
لم تعد قلوبنا تنزف للحب
خلعنا الجلد وأهرقنا الدم
على إفلاسك
سقطت كفخارة من أعلى قمة
لتلقي بنفسها على صخرة القطع
فأي دم تريد بعد الان لملمة
تبا للمُطر عندما لا يحُرج

كن تلقائيا هنا .. قصة / قصيدة / خاطرة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

ما الذي يحدث