مذكرات امرأة.رحاب بريك

رحاب فارس بريك · 29-09-2010, 08:39

( غني بالشعر )

كتب وقلم زادي وزوادي _ لَوِنك ترضي ترافقيني أحلامي

بالحرف أرفع راية بلادي _ ارفع شعار العز والشهامي

حرفي ورثة لأجل أولادي _ كنوز الجواهر كلها ما تدوم

قولي إذا بترضي في فؤادي _ مهرك محبتي إلك واحترامي

رحاب فارس بريك · 29-09-2010, 08:38

( حفظ السر )

يلي ما قدرت على حفظ سِرَك

أودعته لغيرك هَدَك ثقل لِحمال

لا تلومو إذا بحِملو ما سَرَك

مثلك حَس الحِمِل فوق الإحتمال

رحاب فارس بريك · 29-09-2010, 08:38

بشوفها تضوي مثلك يالشمس__ بحبا اليوم وبكره مثل الأمس

يا رب السما احرسها حرس __لما شفتا تدبك بهايك العرس

صرت وشوشها بشوق وهمس _ ويلي بوها علينا كيف حَس:eek:

قلي يا معثرأحكي معها وبس _ لا تقرب منها ممنوع اللمس

رحاب فارس بريك · 29-09-2010, 08:36

"نعيش باخلاص لرب الكون" __ كل لحظة نقول باسم الله

كل اليحصل ساعتها يهون __ لما نآمن بنوره وكمان بعلاه

الي وصايا ربو بيصون __ يكسب محبة البشر ورضاه

بكيان طاهر وقلب حنون _ بحلم يحميكم بنوره وضياه

رحاب فارس بريك · 29-09-2010, 08:34

سلم علي وراح شامخ مثل الجبل يمشي

تمنيت لو بدل التراب فرشتلو رمشي

شفت النور بنصاص اليل يشع من بيتو

طول ليلي مَذُقت طعم النوم عَالفرشي

رحاب فارس بريك · 29-09-2010, 08:31

تعبت يا غالي بيوم اختل _ النبض وسكن الوجع قلبي

سألت الطبيب شو الحل _ قال راح نعمل تصوير طبي
:confused:
لما الوجع عغيابك احتل _ حجرات قلبي وسكن شرايينو
;)
ضحك طبيبي لقيك محتل _نبض الفؤاد بروحي متخبي

صباحكم فل

رحاب فارس بريك · 27-09-2010, 12:50

( تحية أخوية )

سلام سليم لخضر سليم محمل بكلام جميل

من فارسه حامله رسالة محبه من الجليل

يا خيي خجلوا حروفي لما وقفوا عاجزين

احترت كيف رد على كلماتك الحرة يا أصيل

رحاب فارس بريك · 27-09-2010, 12:49

دارك يا فقير الحال لو كانت بمكان الضيق

تسع كل الأحبه ولو كانوا شي ألف صديق

المهم انك تلاقينا ولا تغدينا بلطفك تبتسم لينا

مهما صغرت غرفاته يبقى بالكرم عريق

رحاب فارس بريك · 27-09-2010, 12:48

ليل الهجر يا ليل ياما اطول ساعاتك

بغيابو شفت الويل عد بالسما نجماتك

ياما مشينا دروب رسمنا أحلامنا فيها

نبني من الحلم قصور نخبيهن بعتماتك

__________________

رحاب فارس بريك · 27-09-2010, 12:47

آخ يلي خلتك نوبة هالغضب _ تجن وتمزق بأديك كل اوراقي

حروف رسمتها بمية الذهب _ بوجعي نسجتها ومن أشواقي

وقفت عكومة وجعي تنتحب _ تقلي سامحني غيران من كلمات

قلي شو ذنب الحرف والكتب _ من هاليوم ذوق طعمة فراقي

رحاب فارس بريك · 27-09-2010, 12:47

تكبر قيمة الشعار بأمثالك يا أنوار

دخلتي القلب وعليتي فوق السوار

لولا البراعم ما فيوم فتحت لورود

ولولا شذا المثلك ما نورت الازهار

رحاب فارس بريك · 27-09-2010, 12:46

قسيت قلوب والظلم انتشر _ نسي طرقاتو لدروبنا النور

نفوس ياما بيسكنها الشر _ عصافير أكلت فراخها النسور

قناع بألوانه المزيفه انقشر _ وبانت عبكير حقيقتوعالناس

يَابخت مين فهم طبع البشر _ فهم بحس الفراسه خفايا الصدور

رحاب فارس بريك · 27-09-2010, 12:44

( الندم )

راح الندم يشكي للقدر عن سوء الحال

قلو القدر نسيان لما ركبت موجة المحال

كنت يومها أنصحك ترجع لطريق الخير

لا انت مشيت فيه ولا شفت راحة بالترحال

رحاب فارس بريك · 27-09-2010, 12:44

( حفنة محبة ورضا )

سمانا مضلله علينا يحميها رب الكون

زادنا وزوادنا حفنة محبه وقلب يصون

لو كل كائن حي فرح في المقسوم ليه

يعم الخير يا ناس والصعب كلو يهون

رحاب فارس بريك · 27-09-2010, 12:43

( ضمير مِنسِتِر وضمير مُستَتِر )

نام يلي ضميرك صاحي وغمض عيونك

واسهر يلي ضميرك نام وتغطى بجفونك

عمر الضمير المستتر ميعرف طعم الستر

ويلي راعيت الضمير رب السما يصونك

مذكرات امرأة.رحاب بريك

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

ما الذي يحدث