مذكرات امرأة.رحاب بريك

رحاب فارس بريك · 29-09-2010, 20:19

التربة الصالحة

نبتة خير لما بتنغرس جوه قلوب تعرف المحبة
افنانها توصل للسما تطرح ثمر ألف حبه وحبه
ازرع موجب ياخيي لا بد مينعكس بسحرو عالكل
تيكون مصدر رزق تمتد جذورو لتلف كل الأحبه

رحاب فارس بريك · 29-09-2010, 20:18

خط الرجعة

سافر عبلاد الغربه واتركني، لا تهتم بدموعي
إزرع قلبي جوا روحك إقلعوا من بين ضلوعي
مهما جبت في بلاد بعاد رايح ترجعلي شي يوم
راح إرهنلك هالروح ولغيرك ما بيبقى رجوعي

رحاب فارس بريك · 29-09-2010, 20:18

ما ببدلك

لو لفيت كل الكون عرفت ياما من ناسي
غيرك يا روح الروح ما يملك احساسي
إنت عهد قطعتوا عحالي أبد مَبَدِلك بالغير
حتى لو موتوني وقطعوا جسمي عن راسي

رحاب فارس بريك · 29-09-2010, 20:17

حرية الفكر

كل الطيور يا طير تسرح بالسما حُرَه
مثلك الشاعر حر طليق يسبح في بحرَه
بيقدروا يزرعوا بأدينا شي قيد وألف قيد
لكن يا طير ما حدا قدر بيوم يقيد الفكره

رحاب فارس بريك · 29-09-2010, 20:16

محبوبي فارس

فارس شفتو على خيلو
بقلبي وروحي بتخيلو
إن راح تركني يا ويلو
راح يبقى بقلبي ووجداني

رحاب فارس بريك · 29-09-2010, 20:15

( تراباتنا )

تراب الوطن ذرات مزروعة بالروح يا بشر

كيف ما احميها بالروح لو طمع فيها يوم شر

من يوم طار طير الخير بغصن زيتون وبَشّر

يارب طير الحمام يبشر حفادنا برجوع السلام

رحاب فارس بريك · 29-09-2010, 20:15

( ابن الأصل )

رافق الأصيل ارفق بيه كُن له رفيق

ما راح تلاقيه غير كريم وقلبو رفيق

لو جار الدهر وقعت وكثرت سكاكينك

مَراح تلقى غيرو لما من كبوتك بتفيق

رحاب فارس بريك · 29-09-2010, 20:14

تمر الأيام اتعود طعمة عسل أشعاركم
تسكبوا من جوارح القلب مشاعركم
حروف تنطق بالعز وتزينها الأصالي
رباعيات تنطق محبه ترفرف عشِعاركم

رحاب فارس بريك · 29-09-2010, 20:13

نامت عيون الناس وعيوني ما تنام

وسادي بللها دمع والحزن إلي حرام

كيف النسر قيدت جناحتوا صيصان

وكيف العمالقة تنسجن بأيدين اقزام

رحاب فارس بريك · 29-09-2010, 20:12

ضحية سهام العيون

رمى سهم من عيونو لقلبي فرماني

طريحة فراشي من العشق رماني

احتار طبيبي كيف يعالج هالفؤاد

ضحية بقيت أعاني من حرماني

رحاب فارس بريك · 29-09-2010, 20:11

( الناس أجناس )

ناس بتضحكلك بوجهك وبتهديك بظهرك خناجر

ناس تظهرلك الطيبة وقلوبها قاسيه مثل المحاجر

ناس صادقه شفافه ما بتعرف تتلونلك في نهجها

والبعض بيبقى كل العمر مثل حجر علقان بالحناجر

رحاب فارس بريك · 29-09-2010, 20:10

على راسي

رأيك كان وما زال يا رفيق دربي على راسي

يلي جعلت روحك ستر إلي وعيونك حراسي

تطلب العمر يرخص كرامة لعيونك يا أصيل

لغير شطئانك الآمنه ما يمكن ترسي المراسي

رحاب فارس بريك · 29-09-2010, 20:10

( حفظ الأمانه )

إن جاك فيوم مِئتِمنَك تيرد الأمانه

لاترجعو خايب وتخيب الأماني

الأمانه بتبقى عهد على الرجال

ما بتنتمي للرجوله لو تخون الأمانه

رحاب فارس بريك · 29-09-2010, 20:09

( فراق الأخوة )

تكلم محزون وقلي مشتاق لأختي

تحضرلي قهوه ترتبلي تختي

مشتاق احميها بجلدي وبعيوني

يا رب اجمعنا ويسرلي بختي

رحاب فارس بريك · 29-09-2010, 20:08

( ماجي )

يا ماجي ضلك بنورك مزيني الملتقى

موضوعنا بوجودك وبحروفك ارتقى

يا رب السما اجمعنا بهالعمر شي يوم

تأفرح لما يكون مع اختي ماجي الملتقى

مذكرات امرأة.رحاب بريك

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

اترك تعليق:

ما الذي يحدث